ANGIMANGENG 19:31 - KITTA KAREBA MADECENG

³¹ Aja' mulao méllau pangaja ri sanro iya pakangkaé assisumpungeng sibawa roh-rohna tau maté. Rékko mupogau'i iyaro mancaji najisi'ko. Iyya'na Puwang Allataalamu.

ANGIMANGENG 19:31 ပူးပေါင်းရင်းမြစ်များ

2 ARUNG-NGARUNG 17:17

Nakkasuwiyangengngi ana'-ana'na selaku akkarobangeng ritunu lao ri déwataé. Makkégunangngi mennang paddissengeng mappalennye'é sibawa méllauwi panunju polé ri sanro-sanro iya mullééngngi sisumpung sibawa sining roh-é. Makkuwamani patona mennang pogau'i gau'-gau' iya dé'é napésennangiwi atinna Puwangnge

2 ARUNG-NGARUNG 21:6

Nakkasuwiyangengngi ana'na selaku akkarobangeng ritunu. Napogau' towi Manasyé assanro-sanrongngé, appalakiyangngé, pangissengeng mappalennye-lennye'é, sibawa méllau panunju lao ri roh-roh-é. Madosa senna'i lao ri Puwangnge angkanna napaompoi cai-Na.

2 ARUNG-NGARUNG 23:24

Untu' pogau'i hukkung-hukkung iya tarokié ri laleng kitta iya naruntu'é Imang Lompo Hilkia ri Bolana Puwangnge, sininna pangobbi waliyalaé sibawa pappalakiyaé ripaddésu'ni ri Arung Yosia polé ri Yérusalém sibawa polé ri sininna Yéhuda, nainappa nabbéyang sininna déwata ruma tanggaé, barahalaé sibawa barab-barang iya napaké untu' assompang déwata-déwata.

1 TAWARIKH 10:13

Matéi Saul nasaba dé' namatinulu lao ri Puwangnge, sibawa dé' naturusiwi parénta-parénta-Na. Dé' naéllau panunju polé ri Puwangnge, sangadinna polé ri roh-rohna tau maté. Rimakkuwannanaro Puwangnge hukkungngi sibawa mabbéréyangngi akkarungenna lao ri Daud ana' Isai.

2 TAWARIKH 33:6

Nakkasuwiyangengngi ana'-ana'na selaku akkarobangeng ritunu ri Lompo Hinom. Napogau' towi paratté-paratté assanrongngé, appalakiyangengngé, paddissengengngé sibawa méllauwi panunju risining roh-é. Madosa senna'i lao ri Puwangnge angkanna napaompo caina Puwangnge.

ASSURENG 22:18

Tungke' makkunrai iya pogau'éngngi séhéréé harusu'i riyuno.

YESAYA 29:4

Yérusalém pada-padai bombo'cilla iya makkuragaé untu' mapparéngkalingangngi saddanna polé ri laleng tanaé, sadda iya dé'é namanessa polé ri laleng awué.

YESAYA 47:13

Posoko nasaba égana pangaja. Suroi sining pabotoé malluru passalama'ko; mennang iya puraé salidikiwi sininna sunna langié sibawa magguruiwi sining wéttowingngé, sibawa ri tungke uleng baru botoi aga iya mancajiyé totomu.

YESAYA 8:19

Iyakiya sining tauwé nasuroko matu méllau panunju polé ri sanro-sanroé iya mabbici-bici'é sibawa mamek-kamengngé témunna. Iyaro sining tauwé makkedai matu, “Dé'ga tasipato méllau panunju polé ri waliyala-waliyalaé nasaba apentingenna tau tuwoé?”

ANGIMANGENG 19:26

Aja' muwanré dara. Aja' mupakéi sining paddissengeng mappallajangngé.

ANGIMANGENG 19:3

Tungke' tau harusu'i pakalebbii indo' ambo'na sibawa ramé-raméiwi esso Saba'é pada-pada iya Uwapparéntangngé. Iyya'na Puwang Allataalamu.

ANGIMANGENG 20:27

Tungke' worowané iyaré'ga makkunrai iya pakangkaé assisumpungeng dibawa roh-rohna tau maté harusu'i rigenrung batu gangka maté. Iyaro tauwé matéi nasaba asalanna muto.”

RIWAYA'NA RASUL-RASUL-E 8:11

Maitta senna'ni paremma'i sining tauwé sibawa awatangeng séhéré'na, angkanna napénessai senna'i.

GALATIA 5:20

ri laleng assompangngé ri barahalaé sibawa paddissengengngé; ri laleng simusu-musué, mallaga, mangémpuru, masitta macai, sibawa pentingkangngi aléna, atemmasséddingngé sibawa makkonro-konrong,

WAHYU 21:8

Iyakiya tau pellorengngé, tau bali'bellaé, tau maja ampé, tau pabbunoé, pappangaddié, tau iya paké paddissengeng mappalennye'-lennye'é, passompa barahalaé, sibawa sininna pabbelléngngé, ribuwangngi matu ri laleng tasi apié sibawa balérangngé iya malluwa'-luwa'é, iyanaritu amaténg maduwaé.”

1 SAMUEL 28:3

Maténi Samuél sibawa riwatingi ri sininna Israélié enrengngé ritampung ri Rama, kotana muto. Siyagangngaré wettu iya labe'é purani ripaddésu ri Saul polé ri Israélié sininna pappalakiyaé sibawa pangobbi waliyalaé.