ANGIMANGENG 19:29 - KITTA KAREBA MADECENG

²⁹ Aja' mupakariyawai angke'na ana'-ana' makkunraimmu sibawa pancajiwi mennang cakkuribang ri bola assompangngé. Ri laleng pogau'i makkuwaéro, mucarépaiwi wanuwammu, sibawa massanrai matu kuwaro sining pangkaukeng iya dé'é nasipato.

ANGIMANGENG 19:29 ပူးပေါင်းရင်းမြစ်များ

ANGIMANGENG 19:28

Aja' mutoddo-toddo'i olimu untu' mébbu tanra-tanrang, iyaré'ga loi watakkalému selaku tanrang mabbarata nasaba engka tau maté. Iyya'na Puwang.

ANGIMANGENG 21:7

Séddié imang dé' nawedding kawing sibawa séddié makkunrai iya cakkuribangngé riyolo iyaré'ga séddié makkunrai iya tenniyaé parawang iyaré'ga iya massarangngénna, nasaba imangngé iyanaritu appunnangek-Ku.

ANGIMANGENG 21:9

Rékko ana' makkunrainna séddié imang mancaji cakkuribangngi, napakatunai ambo'na naharusu'i ritunu gangka maté.

1 KORINTUS 6:15

Naisseng Saudara-saudara makkedaé tubummu iyanaritu anggota tubunnai Kristus. Jaji, weddikka'ga mala séddi anggota tubunna Kristus nainappa pancajiwi anggota tubunna séddié cakkuribang? Dé' sises-siseng!

ULANGENG 22:21

iyaro makkunraié harusu'i ritiwi ri sumpang bolana tomatowanna. Ri onrongngéro sining tau worowané polé ri kotaéro harusu'i genrungngi sibawa batu gangka maté. Iyaro makkunraié purani napogau' séuwa iya pakasiriéngngi bangsata nasaba kédosalai ri wettu dé'napa nakawing ri wettu monrona mupa ri bolana ambo'na. Ri laleng rihukkunna mupallennye'i iyaro jaé.