ANGIMANGENG 19:28 - KITTA KAREBA MADECENG

²⁸ Aja' mutoddo-toddo'i olimu untu' mébbu tanra-tanrang, iyaré'ga loi watakkalému selaku tanrang mabbarata nasaba engka tau maté. Iyya'na Puwang.

ANGIMANGENG 19:28 ပူးပေါင်းရင်းမြစ်များ

1 ARUNG-NGARUNG 18:28

Iyaro nabi-nabié massempajanni lebbi battowasi. Napada-pada iya biyasaé napogau' mennang, nagori-gorini watakkaléna sibawa peddang nenniya bessi angkanna majjaréjé daraé.

YEREMIA 16:6

Tau sugié sibawa tau kasiyasié ri wanuwaéwé matéi matu na dé'gaga kuburu'i mennang. Dé' muwi séddi tau sissai aléna iyaré'ga kellui gemme'na selaku tanrang mabbarata untu' mennang.

YEREMIA 48:37

Pura manenni mennang cukkuru'i gemme ulunna sibawa janggo'na, naloi taiyyana, sibawa paké kaing karung tanrang messé.

ANGIMANGENG 19:27

Aja' mugoncingngi gemme' ri benrénna ulummu iyaré'ga cukkuru'i janggo'mu.

ANGIMANGENG 19:29

Aja' mupakariyawai angke'na ana'-ana' makkunraimmu sibawa pancajiwi mennang cakkuribang ri bola assompangngé. Ri laleng pogau'i makkuwaéro, mucarépaiwi wanuwammu, sibawa massanrai matu kuwaro sining pangkaukeng iya dé'é nasipato.

ANGIMANGENG 21:1

Puwangnge suroi Musa palettu'i iyaé paréntaé lao risining imang wija-wijanna Harun, “Séddié imang dé' nawedding napanajisi' aléna nasaba maccowéi hadéré ri upacara attampungenna sumpulolona,

ANGIMANGENG 21:11

Purani riyakkasuwiyangeng ri alé-Ku untu' mancaji appunnangek-Ku, jaji dé' nawedding napanajisi' aléna. Dé'to nawedding napanajisi' Kéma-Ku ri laleng massuna polé kuwaro untu' muttama ri laleng bola engkaé ujuna, namuni iyaro ujuna ambo'na iyaré'ga indo'na.

ANGIMANGENG 21:5

Séddié imang dé' nawedding kellui sibagiyang polé ri ulunna sibawa dé' nawedding nagoncing janggo'na iyaré'ga loi watakkaléna sibawa anu matareng untu' mappaitangngi makkedaé mabbaratai.

MARKUS 5:5

Esso wenni lao tulili ri tampungngé sibawa ri bulu-bulué, nagora-gorato sibawa naloi watakkaléna sibawa batu.

YOHANES 20:25

Nakkeda ana'-ana' gurun-Na laingngé lao ri Tomas, “Purani idi mitai Puwangngé!” Iyakiya mappébaliwi Tomas, “Rékko dé'pa uwitai baté pakué ri liman-Na, dé'pa utaroi jarikku ri baté pakuéro sibawa dé'pa utaroi limakku ri benrén-Na, dé' sises-siseng umaélo mateppe'.”

ULANGENG 14:1

“Iko iyanaritu umma'na Puwang Allataalamu. Jaji wettummu mabbarata untu' tau maté, aja' muloi alému iyaré'ga cukkuru'i bagiyang yolona ulummu pada-pada iya napogau'é bangsa-bangsa laingngé.

WAHYU 14:11

Rumpunna api iya sissaéngngi sining tauwéro maddumpui matu matteru lettu mannennungeng. Esso wenni dé' appésaunna mennang risissa, iyanaritu mennang iya sompaéngngi olokolo'éro sibawa dato'-dato'na, sininna tau iya mappunnaiyé tanrang aseng olokolo'éro.”

WAHYU 14:9

Malaéka' matellué maccinrolaiwi iya duwa malaéka'éro, nagorato sibawa sadda iya maloppoé, “Tau iya sompaéngngi iyaro olokolo'é sibawa dato'-dato'na, enrengngé mappunnaiwi tanranna iyaro olokolo'é ri linrona iyaré'ga ri limanna,

WAHYU 15:2

Purairo uwitani séuwa iya paitaé pada-pada tasi' kacaé sicampuru' api. Uwita towi sining tau iya cauéngngi olokolo'é sibawa dato'-dato'na, sibawa pacau lao ri tau iya asennaé ritanrangi sibawa nomoro'. Sining tau iya pacauénnaro tettongngi ri wirinna tasi' kacaé nanakkatenning towi kacapi iya nabbéréyangngé Allataala lao ri mennang.

WAHYU 16:2

Laoni malaéka' mammulangngé sibawa tiri'i lise' onronna ri linoé. Naompona sining lettang iya maseroé sibawa maseroé angéttukenna ri sininna tauwé iya mappunnangiyé tanranna olokolo'éro, sibawa sining tau iya sompaéngngi dato'-dato'na.

WAHYU 19:20

Na iyaro olokolo'é ritikkenni silaong nabi palsué iya mébbuéngngi sining anu makalallaingngé ri yolona olokolo'éro. (Nasibawang sining anu makalallaingngéro iyaro olokolo'é bengnguwangngi sining tau iya mappunnaiyé tanrang olokolo'éro, sibawa sining tau iya sompaéngngi dato'-dato'na olokolo'éro.) Nainappa iyaro olokolo'é sibawa nabi palsuéro riyabbéyang tuwo-tuwo ri laleng tasi apié iya malluwa'-luwa'é sibawa balérang.

WAHYU 20:4

Nainappa uwita sining kadéra akkarungengngé, sibawa sining tau iya tudangngé risining kadéra arajangngéro riwéréng kuwasa untu' pettuiwi pahukkungengngé. Uwita towi sining nyawana tau iya puraé rirette ulunna nasaba mabbéréi mennang asabbiyang passalenna Yésus, sibawa mappallebbangengngi paseng polé ri Allataala. Iyaro sining tauwé dé' nasompai olokolo'é, iyaré'ga dato'-dato'na. Dé'to mennang naengka natarima tanranna iyaro olokolo'é ri linrona iyaré'ga ri limanna. Natuwona mennang paimeng sibawa mapparénta selaku arung silaong Kristus sisebbu taung ittana.