ANGIMANGENG 19:26 - KITTA KAREBA MADECENG

²⁶ Aja' muwanré dara. Aja' mupakéi sining paddissengeng mappallajangngé.

ANGIMANGENG 19:26 ပူးပေါင်းရင်းမြစ်များ

KAJAJIYANG 44:5

Magi muwénnauwi énungeng péra'na puwakku? Iyaro énungengngé napakéi ménung sibawa selaku paréwa untu' mappalakiya. Purani mupogau' ja battowaé!’ ”

KAJAJIYANG 9:4

Séddi-séddinna iya dé'é nawedding muwanré iyanaritu juku iya engkaé mupa darana, saba' iyaro nyawaé engkai ri laleng daraé.

2 ARUNG-NGARUNG 17:17

Nakkasuwiyangengngi ana'-ana'na selaku akkarobangeng ritunu lao ri déwataé. Makkégunangngi mennang paddissengeng mappalennye'é sibawa méllauwi panunju polé ri sanro-sanro iya mullééngngi sisumpung sibawa sining roh-é. Makkuwamani patona mennang pogau'i gau'-gau' iya dé'é napésennangiwi atinna Puwangnge

2 ARUNG-NGARUNG 21:6

Nakkasuwiyangengngi ana'na selaku akkarobangeng ritunu. Napogau' towi Manasyé assanro-sanrongngé, appalakiyangngé, pangissengeng mappalennye-lennye'é, sibawa méllau panunju lao ri roh-roh-é. Madosa senna'i lao ri Puwangnge angkanna napaompoi cai-Na.

2 TAWARIKH 33:6

Nakkasuwiyangengngi ana'-ana'na selaku akkarobangeng ritunu ri Lompo Hinom. Napogau' towi paratté-paratté assanrongngé, appalakiyangengngé, paddissengengngé sibawa méllauwi panunju risining roh-é. Madosa senna'i lao ri Puwangnge angkanna napaompo caina Puwangnge.

ASSURENG 7:11

Rimakkuwannanaro naobbi toni arungngé sining tau maccaé sibawa ahli-ahli passéhéré'na, nanapogau' toni makkuwaéro sibawa pangissengeng mappalennye'-lennye'na mennang.

ASSURENG 8:7

Iyakiya sining tukang passéhéré'é pakéi pangissengeng mappallennye-lennye'na mennang, nanaébbuto sining cuppang makkacumpareng ri wanuwaéro.

YEREMIA 10:2

Makkedai, “Aja' muwaccowériwi abiyasanna bangsa-bangsa laingngé, sibawa aja' mumétau mitai tanra-tanrangngé ri langié iya naétauriyé bangsa-bangsaéro.

DANIEL 2:10

Nappébali sining tau accaéro, “Ri sininna linoé dé' muwi séddi tau iya mullééngngi mappaissengengngi aga iya nacinnaiyé Puwakkuro. Sibawa dé'pa naengka séddi arung, muwi maga rajanna sibawa lebbina, tuntu'i gau' pada-padaéro polé risining pabotoé, pajjappi maccaé, sibawa sining tau mappangissengengngé ri saorajana.

ANGIMANGENG 19:25

Ri laleng taung malimaé nappako wedding manréi buwana. Rékko mupogau' manengngi sininna peraturangngéro, mabbuwai matu lebbi maéga pong buwa-buwamu. Iyya'na Puwang Allataalamu.

ANGIMANGENG 3:17

Tau Israélié dé' sises-siseng nawedding manré lunra iyaré'ga dara. Iyaro peraturangngé untu' mannennungeng sibawa harusu'i naturusi tungke' tau Israélié kégi-kégi monro.

ANGIMANGENG 7:26

Tau Israélié, kégi-kégi monro, dé' nawedding manré dara manu'-manu' iyaré'ga dara olokolo laingngé.

MALEAKHI 3:5

Adanna Puwang Iya Pommakuwasaé, “Polé-Ka matu ri iko untu' mangadéléki. Masitta'-Ka matu mancaji sabbi lao ri passéhéré'é, sining tau iya malawengngé, iya sabbi bellé-bellé, iya macéko-cékoé ri laleng pagajiwi tau napéssaroiyé, iya tenre'éngngi sining jandaé, ana' béué sibawa tau laingngé, lao risininna tau iya dé'é napakalebbi-Ka.”

RIWAYA'NA RASUL-RASUL-E 15:20

Iyakiya harusu'ki moki sure' lao ri mennang sibawa pangajariwi kuwammengngi aja' mennang nanré anré najisi'é iya puraé riyakkasuwiyangeng lao ri barahalaé, iyaré'ga manré juku olokolo iya maté riyanrekké'é, iyaré'ga manré dara. Sibawato kuwammengngi napabélaiwi aléna polé risining pangkaukeng malawengngé.

ULANGENG 12:16

Banna darana dé' nawedding riyanré, iyakiya harusu'i ritiri ri tanaé pada-pada uwai.

ULANGENG 12:23

Iyakiya juku iya engkaé mupa darana dé' nawedding riyanré, nasaba nyawaé engkai ri laleng daraé, nadé' naweddikko manré nyawa silaong jukuna.

ULANGENG 15:23

Dé' nawedding riyanré darana, iyakiya harusu'i ritiri ri tanaé pada-pada uwai.”

1 SAMUEL 14:32

angkanna makkabéttang mennang mala barang rirappa iya nalolongengngé polé ri balié; malani mennang bimbala sibawa saping nanagéréi ri onrongngéttoro, namatteru nanré jukuna iya engkaé mupa darana.

1 SAMUEL 14:33

Nainappa ripaiisengi ri Saul makkuwaé, “Datu, madosani ra'ya'é lao ri Puwangnge nasaba manréi juku sibawa darana.” Naggera' Saul, “Bali'bellako! Galéttéi séddi batu loppo laono mai.”

1 SAMUEL 15:23

Saba' ateddereng atié lao ri Puwangnge padai jana pogau'é séhéré, sibawa ati matempoé padai jana massompa déwata. Nasaba purai Datu naéwa paréntana Puwangnge, nadé' tona nangakui Puwangnge Datu selaku arung.”