ANGIMANGENG 19:19 - KITTA KAREBA MADECENG

¹⁹ Turusiwi sining parénta-Ku. Aja' mupasilaiwi olokolo iya dé'é napada-pada. Aja' mutaneng duwanrupa bibi' ri sikonrongngé tana. Aja' mupakéi pakéyang iya ritennungngé polé ri duwanrupa wennang.

ANGIMANGENG 19:19 ပူးပေါင်းရင်းမြစ်များ

KAJAJIYANG 36:24

Zibéon mappunnaiwi duwa ana' worowané, iyanaritu Aya sibawa Ana. (Ana iyanaé iya lolongengngéngngi mata-mata uwai pellaé ri padang kessi'é, wettunna nampi kaleddé-kaleddé'na ambo'na.)

2 SAMUEL 13:29

Napogau'ni iyaro ata-ataé paréntana Absalom, nanaunoi Amnon. Naitanaro ana'-ana' worowanéna Daud laingngé natonangini bagalna tungke'-tungke' nanalari.

2 SAMUEL 18:9

Wettunna Absalom tonangiwi bagalna, tennasenna-sennani siruntu ana' buwana Daud. Iyaro bagal-é laloi ri yawana aju battowaé namapancé, natassakkana ulunna Absalom riséddié takkéna. Larini matteru bagalna na Absalom risalaini sibawa taggattung kuwaro.

1 ARUNG-NGARUNG 1:33

makkedani arungngé lao ri mennang, “Obbini sining parawiraku namulao sibawa mennang ri Salomo ana' worowanéku. Paénré'i ri bagalku, namutiwii ri mata uwai Gihon.

ANGIMANGENG 18:4

Turusiwi hukkung-hukkuk-Ku sibawa pogau'i aga iya Uwapparéntangngé. Iyya'na Puwang Allataalamu.

ANGIMANGENG 19:37

Turusiwi sininna hukkung sibawa parénta-Ku. Iyya'na Puwang.”

ANGIMANGENG 20:8

Turusiwi hukkung-hukkuk-Ku, nasaba Iyya'na Puwang, iya pallaingngékko untu' Iyya.”

ANGIMANGENG 22:31

Makkedai Puwangnge, “Turusiwi sining parénta-Ku; Iyya'na Puwang.

ANGIMANGENG 25:18

Turusiwi sininna hukkunna sibawa paréntana Puwangnge, kuwammengngi mutuwo sibawa amang ri wanuwaéro.

LUKAS 5:36

Nainappa nacuritani Yésus pakkalarapangengngéwé, “Dé' tau téppangngi waju launna sibawa sikenné kaing polé ri waju barué. Saba' nasapé'i waju baruéro. Kuwaéttopa iyaro pattéppang mabarué dé' nasicoco' waju malaungngé.

ROMA 11:6

Napiléi mennang situru pammasé-Na sibawa tenniya situru pangkaukenna mennang. Saba' rékko iyaro pappiléna Allataala siturui pangkaukenna tolinoé, tentu iyaro pammaséna Allataala tenniyana pammasé iya tongengngé.

ULANGENG 4:1

Namakkeda Musa lao ri bangsaéro, “Apatoiwi sininna hukkung iya upagguruwangngékko, kuwammengngi weddikko tuwo narapi muwonroi tana iya maéloé nabbéréyang Puwangnge, Allataalana toriyolomu, lao ri iko.

ULANGENG 4:5

Iya manennaro hukkungngé upagguruwakko pada-pada iya napparéntangngé Puwang Allataalaku. Apatoi manengngiro ri wanuwa iya maéloé muwattamaki sibawa monroiro.