ANGIMANGENG 19:18 - KITTA KAREBA MADECENG

¹⁸ Aja' mumaélo makkabale sibawa aja' mubenciwi tau laingngé, iyakiya éloriwi pada-padammu pada-pada muwélorinna alému. Iyya'na Puwang.

ANGIMANGENG 19:18 ပူးပေါင်းရင်းမြစ်များ

KAJAJIYANG 4:23

Nakkedana Lamékh lao ri iya duwa bainéna, “Ada sibawa Zila, éngkalingai! Uwunoi séddi kallolo nasaba puraka naunru.

2 SAMUEL 13:22

Macai senna'ni Absalom lao ri Amnon sibawa dé'na namaélo mabbicara sibawa aléna nasaba purai nakédo salai Tamar anrinna.

2 SAMUEL 13:28

Napparéntanni lao ri ata-atanna, “Pénessaiwi madécéd-décéng, rékko mabo'ni Amnon nasaba énungeng anggoro, uwérékko matu tanra-tanrang, naunoni. Aja' mumétau. Iyya tanggungiwi iyaro gau'é. Tinda'no sibawa barani, aja' mubata-bata!”

MAZMUR 103:9

Dé' namatteru-teru maggera', sibawa dé' namacai untu' mannennungeng.

ASSURENG 20:16

Aja' muwabbéré asabbiyang bellé-bellé ri tau laingngé.

AMSAL 20:22

Aja' muwale'i jaé sibawa ja; ateppe'no lao ri Puwangnge, Aléna ritu mattulung matu.

ANGIMANGENG 19:34

Gaukengngi mennang pada-pada mugaukenna sining tau sibangsamu sibawa éloriwi mennang, pada-pada muwélorinna alému muto. Engngerangngi makkedaé iko paimeng pura tokko tuwo selaku tau laing ri Maséré. Iyya'na Puwang Allataalamu.

MATIUS 19:16

Riséuwaé esso, engka séddi worowané polé ri Yésus. Adanna, “Pa' Guru, pangkaukeng makessing maragaé harusu' upogau' kuwammengngi weddingngi utarima atuwong tongengngé sibawa mannennungengngé?”

MATIUS 19:19

pakalebbii ambo' sibawa indo'mu; sibawa amaséiwi pada-padammu tau pada-pada muwamaséinna alému.”

YOHANES 13:34

Parénta baru Uwérékko: Amaséi séddié lao ri laingngé. Pada-pada Iyya mamaséiko, makkuwatoniro iko harusu' siyamaséi.

RIWAYA'NA RASUL-RASUL-E 16:28

Iyakiya gorai Paulus siullé-ulléna, “Aja' muwunoi alému! Engka maneng muki kuwaé!”

ROMA 12:17

Rékko pogau'i ja tauwé lao ri iko, aja' muwale'i sibawa ja. Pogau'i aga iya nangga' makessingngé sininna tauwé.

ROMA 12:19

Saudara-saudaraku! Aja' sises-siseng muwakkabale, leppessangngi Allataala pahukkung. Saba' ri laleng Kitta'é tarokii, “Iyya ritu makkabale'. Iyya maélo hukkungngi, adanna Puwangngé.”

ROMA 13:4

Saba' pamaréntaé iyanaritu atannai Allataala iya majjamaé untu' adécéngemmu. Iyakiya rékko Saudara pogau'i majaé, mémeng Saudara harusu'i métau ri aléna, saba' dé' nasiya-siya bawang makuwasai untu' hukkungngi tauwé. Aléna iyanaritu atanna Allataala, iya pateppaéngngi pahukkungenna Allataala lao ri risining tau iya pogau'éngngi majaé.

ROMA 13:9

Saba' hukkunna agama Yahudié, iyanaritu: Aja' mumalaweng, aja muwabbuno; aja' muwénnau; aja' mumacinna mappunnaiwi aga nappunnai tau laingngé; iya manennaro silaongngi hukkung-hukkung iya laingngé, purani ririppeki mancaji séddi hukkung bawang, iyanaritu, “Amaséiwi pada-padammu rupa tau pada-pada muwamaséinna alému.”

GALATIA 5:14

Sininna Hukkunna Agamaé ririppekiwi ri laleng parénta iya séddiéwé, “Sitinajako mamaséiwi padammu rupa tau pada-pada muwamaséinna alému.”

GALATIA 5:20

ri laleng assompangngé ri barahalaé sibawa paddissengengngé; ri laleng simusu-musué, mallaga, mangémpuru, masitta macai, sibawa pentingkangngi aléna, atemmasséddingngé sibawa makkonro-konrong,

EFESUS 4:31

Patteddénni sininna perasaang mapeddi atié, maélo makkabale sibawa macai. Aja'na mugora-gora sibawa makkarodda-karodda. Aja'na naengka perasaang paccéccé iyaré'ga perasaang laing pada-padaéro.

ULANGENG 32:25

Musué tiwi amaténg ri laleng-lalengngé; nakennai sining tauwé ri bolaé appakatau-taurengngé. Kalloloé sibawa ana' daraé ripaccappui matu, makkuwatoro ana' loloé sibawa tomacuwaé.

ULANGENG 32:35

Puwangnge mpale'i matu sibawa hukkungngi mennang, dé'na namaitta nabinasa mennang; wettu ancurukenna mennang dé'na namaitta napolé.

KOLOSE 3:8

Iyakiya makkekkuwangngé sitinajako mabbéyangngi gau'-gau' iya majaé polé ri alému; aja'na mumacai iyaré'ga majjallo, iyaré'ga mappunnai perasaang benci lao ri tau laingngé. Aja' sises-siseng nassu polé ri témummu ada-ada makkaroddaiyéngngi tauwé iyaré'ga ada-ada macarépaé.

IBRANI 10:30

Taisseng niga Aléna iya makkedaé, “Maélo-Ka makkabale! Maélo-Ka pahukkung!” Sibawa iya makkedaétto, “Puwangngé maélo madélékiwi umma'-Na.”

YAKOBUS 2:8

Mupogau'i iya tongengngé, rékko mupogau'i hukkunna Akkarungengngé iya engkaé ri laleng aya'na Kitta'éwé, “Sitinajako mamaséiwi pada-padammu rupa tau pada-pada alému.”

1 PETRUS 2:1

Rimakkuwannanaro, buwanni polé ri alému sininna iya majaé; aja'na muwabbellé, sibawa aja' muwabbonga-bonga. Aja' muwangémpuru, sibawa aja' mupakatunai tau laingngé.

1 YOHANES 4:21

Rimakkuwannanaro, iyanaé parénta nabbéréyangngé Kristus lao ri idi: Nigi-nigi mamaséiwi Allataala harusu'i namaséi towi saudarana.