ANGIMANGENG 19:17 - KITTA KAREBA MADECENG

¹⁷ Aja' mumapeddi ati lao ri nigi-nigi. Puraiwi assisalammu sibawa muwi niga, kuwammengngi dé' mumadosa nasaba tau laingngé.

ANGIMANGENG 19:17 ပူးပေါင်းရင်းမြစ်များ

KAJAJIYANG 27:41

Nanabencini Esau Yakub nasaba ambo'na pura mabbéréyangngi barakka'na lao ri anrinna. Pikkiri'na, “Dé'na namaittana namaté ambo' sibawa leppe'ta mabbarata, maéloka mpunoi Yakub!”

2 SAMUEL 13:22

Macai senna'ni Absalom lao ri Amnon sibawa dé'na namaélo mabbicara sibawa aléna nasaba purai nakédo salai Tamar anrinna.

NEHEMIA 13:17

Uwamparenni sining pamimpinna Yéhuda sibawa makkedaka, “Dé'ga mumainge makkedaé purano pogau' ja nasaba mucarépaiwi esso Saba'é?

MAZMUR 141:5

Rékko séddié tau makessing mamparekka, nenniya naajara'ka sibawa malempu, iyaro pada-padai minnya iya kaminang makessingngé untu' aléku. Tennapodo dé' usampéyangngi, saba' matteruka massempajang méwai jana mennang.

AMSAL 9:8

Aja' mucellai tau iya dé'é namaélo ripagguru, nacéccéko matu. Iyakiya rékko tau mapanré mujellokengngi asalanna, naangke'ko matu.

LUKAS 17:3

Rimakkuwannanaro atike'ko! Rékko madosai silessuremmu, amparengngi. Rékko massesse kaléi, addampengengngi.

ROMA 1:32

Naisseng mennang, makkedaé manuru' hukkunna Allataala, tau iya pogau' manengngéngngiro sitinajai rihukkung maté. Namuni makkuwaro napogau' mutowi mennang gau'-gau'éro; sibawa mala nasitujui towi tau laingngé pogau'i.

1 KORINTUS 5:2

Namuni makkuwaro, matanré ati mupi Saudara. Sibalé'na harusu'i Saudara messé, sibawa passui polé ri yelle'na Saudara tau iya pogau'éngngi gau'éro.

GALATIA 6:1

Saudara-saudara! Rékko séddié tau ripoléiwi pogau' séddi dosa, sitinajako iya tuwoé manuru' Rohna Allataala, pimpingngi iyaro tauwé lisu ri laleng iya tongengngé. Iyakiya harusu'ko pogau'i iyaro sibawa malemma, sibawa jagaiwi aja' narapii alémmu rigodato.

EFESUS 5:11

Aja' mupogau'i pangkaukeng-pangkaukeng iya dé'é nakkéguna iya napogau'é sining tau iya tuwoé ri laleng pettangngé. Sibalé'na sitinajako nabuwang gau'-gau' makkuwaéro. (

1 TIMOTIUS 5:20

Tau iya pogau'é dosa, harusu'i riyampareng ri yolona sininna jema'é, kuwammengngi namétau iya laingngé.

1 TIMOTIUS 5:22

Aja' mumasitta senna' palénne'i limammu ri yasé'na séddié tau untu' résmikangngi riyakka selaku pattumaninna Puwangngé. Rékko madosai tau laingngé, aja' muwaccowé ri laleng dosaéro. Jagaiwi alému kuwammengngi natette mapaccing.

2 TIMOTIUS 4:2

Sitinajako mabbirittangngi karéba polé ri Allataalaro, sibawa matteru maddessa kuwammengngi naéngkalingai tauwé, maélogi mennang iyaré'ga dé'. Sitinajako patepperiwi tauwé, mappaitangngi iya salaé, sibawa mpéréngngi dorongang mennang. Paggurui tauwé sibawa sabbara.

TITUS 1:13

Aga iya napowadaé iyaro nabié mémeng tongengngi. Iyanaro saba'na harusu'ko mamparengngi mennang sibawa matedde; kuwammengngi natette mennang makkatenning ri pappagguruwang iya tongengngé

TITUS 2:15

Appagguruwangngi iya manennaro, sibawa pangajariwi enrengngé amparengngi sining tau méngkalingaékko sibawa penno akuwasang. Aja' muleppessangngi muwi séddi tau mita mariyawako.

1 YOHANES 2:11

Iyakiya tau iya benciyéngngi saudarana, engkai ri laleng apettangengngé, joppai ri laleng apettangengngé sibawa dé' naissengngi kégai lao, saba' iyaro apettangengngé mébbui aléna dé' naulléi makkita.

1 YOHANES 2:9

Tau iya powadaéngngi makkedaé engkai ri laleng tajangngé iyakiya nabenciwi saudarana, iyaro tauwé engka mupi ri laleng apettangengngé lettu makkekkuwangngé.