ANGIMANGENG 19:15 - KITTA KAREBA MADECENG

¹⁵ Harusu'ko malempu rékko mangadélékiko, aja' mubélai tau kasiyasié sibawa aja' mumétau ri tau sugié.

ANGIMANGENG 19:15 ပူးပေါင်းရင်းမြစ်များ

AYUB 13:8

Weddikkoga maccowé ri Allataala, sibawa méwaiwi selaku pangacara?

AYUB 32:21

Dé' umaélo méwaiwi muwi niga ri laleng assasangngéwé sibawa dé' muwi séddi tau upoji-poji matu.

AYUB 34:19

Dé' naccowé lao risining arungngé, iyaré'ga lebbirengngi tau sugié naiya tau kasiyasié. Nasaba iya manenna mennang iyanaritu winru-Na.

MAZMUR 82:2

“Aja'na tamangadélé sibawa macéko-céko, sibawa aja' muwaccowé lao ri tau majaé.

ASSURENG 18:21

Iyakiya ri lainnaéro harusu'ko pilé siyagangngaré tau worowané iya mapanré, sibawa jello'i mennang mancaji pamimpinna ri yasé'na sisebbu tau, sératu tau, limappulo tau, sibawa seppulo tau. Sitinajai mennang sining tau iya métaué sibawa turusiyéngngi Allataala, wedding riyatepperi sibawa dé' namaélo tarima dowi pasoso.

AMSAL 18:5

Dé' namakessing maccowé ri tau madorakaé sibawa tenre'i tau iya dé'é napasala.

AMSAL 24:23

Sining tau maccaé purai makkeda makkuwaé: Dé' nawedding matane siwali hakingngé.

AMSAL 31:9

Ewano untu' mennang, sibawa ancajino haking iya adélé'é. Linrungiwi ha'na tau kasiyasié sibawa tau ritenre'é.”

ANGIMANGENG 19:35

Aja' mubengnguwangngi tau laingngé sibawa paké ukkurang timbangeng iyaré'ga ola' palsu.

YOHANES 7:24

Aja' muadélékiwi tauwé situru iya paitaé, iyakiya situru iya adélé'é.”

RIWAYA'NA RASUL-RASUL-E 23:3

Nakkeda Paulus lao ri imang lompoéro, “Allataala pasti leppa'ko, tau munapé' iya majjaiyéngngi mapaccing! Tudakko kuwatu madélékika manuru' hukkunna Musa, padahal alému majjalékkai parénta-paréntaéro sibawa suroi tauwé leppa'ka!”

ULANGENG 1:17

Aja' namatane siwali apettummu; tungke' tau harusu'i madélékiwi sibawa cara iya padaé, temmappasilaingeng niga iyaro tauwé. Aja' mumétau muwi lao ri niga, saba' apettung iya muwalaé poléi ri Allataala. Rékko séddié parakara mawatang senna untu' alému, tiwii lao ri iyya, kuwammengngi iyya pettuiwi.

ULANGENG 10:17

Puwang Allataalamu engkai ri yasé'na sininna déwataé sibawa nasau manengngi sininna akuwasangngé. Aléna Allataala iya marajaé sibawa makuwasa iya harusu'é riturusi. Dé' napojiwi kacowé-cowé sibawa dé'to natarima pasoso.

ULANGENG 16:19

Ri laleng mala apettung, dé' nawedding mennang tinda' siélo-élona iyaré'ga matane siwali. Dé'to nawedding mennang tarima pasoso, nasaba iyaro pasoso'é dé' naébbui tauwé mapanré sibawa malempu, angkanna mala apettung iya dé'e naadélé.

ULANGENG 27:19

‘Tattanroi tau iya rampasa'éngngi ha'na tau laingngé, ana'-ana' béué sibawa jandaé.’ ‘Aming!’