ANGIMANGENG 19:14 - KITTA KAREBA MADECENG

¹⁴ Aja' mutanroiwi tau mataru-tarué sibawa aja' mutaro batu tabbuttureng ri yolona tau butaé. Sitinajako mappakalebbi sibawa métau ri Iyya, saba' Iyya Puwang Allataalamu.

ANGIMANGENG 19:14 ပူးပေါင်းရင်းမြစ်များ

KAJAJIYANG 42:18

Ri esso matellué makkedani Yusuf lao ri mennang, “Iyya tau métauka sibawa mapato lao ri Allataala. Maéloka passalama'ko sibawa séddi sara'.

NEHEMIA 5:15

Gubernur-gubernur ri yoloku, mancaji répomi lao ri ra'ya'é saba' natuntu'i 40 dowi péra' siesso untu' inanré sibawa anggoro. Mala sining pegawénna tenre towi ra'ya'é. Iyakiya iyya dé' umaélo pogau'i makkuwaéro nasaba métauka lao ri Allataala.

MAZMUR 111:10

Nigi-nigi macinna mancaji mapanré harusu'i pakalebbii Puwangnge, mabbéréi pappahang lao ri sininna tau iya mapatoé. Ripojiwi Puwangnge sillampé wettué!

ANGIMANGENG 19:15

Harusu'ko malempu rékko mangadélékiko, aja' mubélai tau kasiyasié sibawa aja' mumétau ri tau sugié.

ANGIMANGENG 19:32

Etauriwi sibawa pakalebbii sining tomatowaé. Sitinajako mappakalebbi sibawa métau lao ri Iyya, saba' Iyya'na Puwang.

ANGIMANGENG 25:17

Aja' mubengnguwangngi pada-padammu tau Israél, iyakiya sitinajako métau ri Puwang Allataalamu.

ROMA 12:14

Ellauwi ri Allataala kuwammengngi nabarakkakiwi sining tau iya mapéddaraé lao ri iko. Ellauwi Allataala barakkakiwi mennang, aja' mutanroiwi.

ROMA 14:13

Rimakkuwannanaro aja' tasisullé sipassala. Sibalé'na usahakangngi kuwammengngi dé' mupogau'i muwi séuwa iya nassabariyé séddié Saudara siyatepperengngé rigoda sibawa madosa.

1 KORINTUS 10:32

Tuwono pékkugi baténa angkanna Saudara dé' nassabariwi tau laingngé pogau' dosa; tau Yahudigi mennang iyaré'ga tau tenniya Yahudigi, iyaré'ga jema'na Allataala.

ULANGENG 27:18

‘Tattanroi tau iya papusaéngngi tau butaé.’ ‘Aming!’

1 PETRUS 1:17

Muteppui iyaro Allataala Ambo' ri wettummu massempajang ri Aléna. Nah, Allataalaénnaro madélékiwi tolinoé sicoco' sibawa pangkaukenna tungke'-tungke' temmappasilaingeng. Rimakkuwannanaro, ri wettu engkamu mupa ri linoéwé, sitinajako pakarajai Allataala ri laleng atuwommu.

1 PETRUS 2:17

Angke'i sininna tauwé, amaséiwi saudara-saudaramu pada-padammu Kristéng. Etauno lao ri Allataala, sibawa pakalebbii Kaisar.

WAHYU 2:14

Namuni makkuwaro engka siyagangngaré passaleng iya dé'é Umasennangiwi polé ri iko: Engka sibagiyang tau ri yelle'mu iya maccowériyéngngi aga iya nappagguruwangngé Biléam. Biléam paggurui Balak pékkugiwi pasempé'i umma' Israélié ri laleng dosaé; ri laleng napalécéna mennang manré nanré iya puraé riyakkasuwiyangeng lao ri barahalaé enrengngé pogau'i gau'-gau' mappangaddié.