ANGIMANGENG 19:13 - KITTA KAREBA MADECENG

¹³ Aja' mupara'i pada-padammu iyaré'ga rampasa'i baranna. Sarona séddié tau iya majjamaé ri iko aja' mutahangngi, muwi untu' siwenni bawang.

ANGIMANGENG 19:13 ပူးပေါင်းရင်းမြစ်များ

AYUB 17:5

Manuru warékkadaé, niga mappissengengngi sellaona untu' asaronna, ana'-ana'na muto tarimai matu pamale'é.

AYUB 31:39

ébara'na cappui wassélé'na uwanré, sibawa patani iya tanengngéngngi uleppessangngi alupureng,

AYUB 7:2

padai ata iya muddaniyé ri accinaungengngé; padai koli iya tajengngé saro.

ASSURENG 20:15

Aja' muwénnau.

ASSURENG 22:13

Rékko iyaro olokolo'é nanréi olokolo masekkang, tau iya piyaraéngngi harusu'i nappaitang sésa buku-bukunna selaku butti lao ri punnana; dé' naparellu makkamaja passullé aroging untu' olokolo'éro.

ASSURENG 22:15

Iyakiya rékko iyaro kajajiyangngi ri wettu engkana punnana kuwaro, iya minrengngéngngi dé' naparellu makkamaja passullé aroging. Rékko iyaro olokolo'é, olokolo riséwa, aroginna risuluriwi ri ongkoso séwana.”

ASSURENG 22:21

Aja' mutenre'i iyaré'ga kédo dé' naadélé lao ri tau laingngé; éngngerangngi makkedaé iko riyolo tau laing tokko ri Maséré.

ASSURENG 22:7

Ebara'na engka tau iya situjuiyéngngi mappaddettangeng maddupa dowi iyaré'ga barang mangke'é. Iyakiya rimunri riyénnauwi iyaro riyappaddettangengngé ri bolana. Rékko rilolongengngi iya ménnauwéngngi, harusu'i nawaja leppi wékkaduwa.

AMSAL 20:10

Timbangeng sibawa ukkurang iya macéko-cékoé dé' nasennangiwi Puwangnge.

AMSAL 22:22

Aja' muparogiwi tau kasiyasié, banna nasaba malemmai; sibawa ri sidang pengadilangngé aja' mukuwasaiwi ha'na tau iya dé'é pakkullénna.

AMSAL 3:28

Aja' musuroi pada-padammu mattajeng narapi baja, rékko iyato wettuéwé mulléi tulungngi.

YEREMIA 22:13

Macilakai tau iya patettongngéngngi bolana sibawa dé' naadélé, sibawa lowangiwi sibawa dé' namalempu. Macilakai iya suroéngngi tauwé mappallaung tenripéssaroi.

YEREMIA 22:3

“Kédo adélé'no sibawa malempu. Paleppe'i tau iya ripara'é polé ri akuwasanna tau iya para'éngngi. Aja' mutenre'i iyaré'ga kédo maja lao ri tau laingngé, ana' béué, iyaré'ga jandaé. Aja' muwunoi tau iya dé'é napasala ri onrongngéwé.

YEHEZKIEL 18:7

Dé' naengka napabengnguwang iyaré'ga marrampo. Barab-barang boro'na tau iya makkinrengngé ri aléna tuli napalisui. Tau iya alupurengngé napanréi sibawa tau iya dé'é nappunnai waju, nawéréngngi pakéyang.

YEHEZKIEL 22:12

Engkato mancaji pabbuno riwaja, pappabunga dowi sibawa para'i sining tau sibangsana. Nallupai manek-Ka mennang. Iyya Puwang Iya Pommatanré pura mabbicara.

YEHEZKIEL 22:29

Sining tau sugié pabengnguwangngi sibawa marrampo. Nagaukengngi mennang tau kasiyasié sibawa siyélo-élona nenniya malai asarong polé ri tau laingngé.

ANGIMANGENG 25:14

Jaji rékko mabbalu tanako lao ri pada-padammu tau Israél, iyaré'ga melli tana polé ri aléna, aja' musipabbelling sibawa dé' namalempu.

ANGIMANGENG 25:17

Aja' mubengnguwangngi pada-padammu tau Israél, iyakiya sitinajako métau ri Puwang Allataalamu.

MALEAKHI 3:5

Adanna Puwang Iya Pommakuwasaé, “Polé-Ka matu ri iko untu' mangadéléki. Masitta'-Ka matu mancaji sabbi lao ri passéhéré'é, sining tau iya malawengngé, iya sabbi bellé-bellé, iya macéko-cékoé ri laleng pagajiwi tau napéssaroiyé, iya tenre'éngngi sining jandaé, ana' béué sibawa tau laingngé, lao risininna tau iya dé'é napakalebbi-Ka.”

MATIUS 20:8

Labunnana essoé, makkedani iyaro punna dare' anggoro'é lao ri mandoro'na, ‘Obbini iyaro sining pajjamaé, namuwajai gajinna tungke'-tungke', mappammulai muttama'é poddimonrié gangka iya bungé muttama'é.’

MARKUS 10:19

Muwissenniga parénta-paréntana Allataala, ‘Aja' muwabbuno; aja' mumalaweng; aja' muwénnau; aja' musabbi bellé-bellé, aja' muwabbellé, pakalebbii ambo' sibawa indo'mu.’ ”

LUKAS 3:13

Nappébali Yohanés, “Aja' musinge'i lebbi maéga naiya pura ripattentué.”

1 TESALONIKA 4:6

Ri laleng gau' pada-padaéwé, aja' namuwi séddi tau pogau' asalang lao ri saudarana, iyaré'ga bengnguwangngi. Riyolo puraki' mabbirittangngi papparéngngerang iya matedde'é lao ri iko, makkedaé nahukkungngi matu Puwangngé sining tau iya pogau'éngngi sining asalang pada-padaéro.

1 TIMOTIUS 5:18

Saba' tarokii ri laleng Kitta'é, “Saping iya mattengngangngé maddése gandong untu' paddunui dandongngé polé ri uléna, aja' naringong pannyoro'na,” makkuwatoro, “Tau iya majjamaé natarimai sarona.”

YAKOBUS 5:4

Dé' muwajai sarona sining tau iya majjamaé ri dare'mu. Engkalingani makkekkuwangngé addarékénna mennang! Sining tau iya paddeppungengngéngngi wassélé dare'na, gora méllau tulung nagorana mennang lettu'ni ri daucculinna Allataala, Puwang Iya Pommakuwasaé.