ANGIMANGENG 19:12 - KITTA KAREBA MADECENG

¹² Aja' muwajjanci ri laleng asek-Ku rékko dé' mumakkatta rupaiwi jancié, nasaba iyaro mutuna-tunaiwi asek-Ku. Iyya'na Puwang Allataalamu.

ANGIMANGENG 19:12 ပူးပေါင်းရင်းမြစ်များ

MAZMUR 15:4

iya mangga mariyawaéngngi tau iya risampéyangngé ri Allataala, iyakiya pakalebbii tau mateppe'é; iya rupaiyéngngi jancinna, namuni rogi

ASSURENG 20:7

Aja' muteppuwi asek-Ku sibawa sembarangang, saba' Iyya, Puwang Allataalamu, hukkungngi nigi-nigi iya makkégunang salaéngngi asek-Ku.

YESAYA 48:1

Engkalingai éh wija-wijanna Yakub, wija-wijanna Yéhuda iya pakééngngi asenna Israélié, adammu muwangakuiwi Allataalana Israélié, sibawa mattanro ri laleng asenna Puwangnge. Iyakiya iyaro ada-adammu dé' namalempu.

YEREMIA 34:16

Pajaba-pajaba pamaréntana Yéhuda sibawa Yérusalém silaong sining pegawé saorajaé, imang-ngimangngé nenniya sininna jennang tanamu purani napaessa iyaro assijancingngé sibawa géré saping, nalétta'i mancaji duwa, sibawa joppa ri yelle'na iya duwa létta'éro. Iyakiya, nainappa tappinra pikkirang sibawa pakatuna-Ka. Ata-ata iya puraé mupaleppe situru sibawa cinnana mennang, muwalai paimeng sibawa passai untu' mancaji atasi. Rimakkuwannanaro, Iyya, Puwang, powadai makkedaé purano majjalékkaiwi parénta-Ku, sibawa dé' muturusiwi sara-sara'na, saba' dé' mupaleppe'i pada-padammu bangsa Israélié. Nah, makkekkuwangngé Uwérékko alaluwasang: alaluwasang untu' maté ri laleng ammusurengngé iyaré'ga ri saié iyaré'ga ri akkadérengngé. Ugaukekko matu pada-pada iko gaukengngi saping iya mugérééro. Uwébbui matu sininna bangsaé ri linoé marasa métau mitai aga iya Upogau'é lao ri iko.

YEREMIA 4:2

Rékko mattanroko ri laleng asek-Ku sibawa tuwoko malempu, adélé sibawa tongeng, sininna bangsaé méllauwi matu ri Iyya kuwammengngi Ubarakkakiwi mennang, nanapoji-Ka matu mennang.”

YEREMIA 5:2

Makkedako makkedaé musompai Puwangnge, padahal dé' mumakkatta makkuwaro.

YEREMIA 7:9

Ménnauko, mabbuno, malaweng, mabbéré asabbiyang bellé-bellé, makkasuwiyangeng akkarobangeng lao ri Baal, sibawa sompa déwata-déwata iya dé'é muwissengngi.

ANGIMANGENG 18:21

Aja' muwabbéréyangngi sala séddinna ana'mu untu' riyakkarobangeng ri laleng sompai Molokh, nasaba iyaro pangkaukengngé napakatunai Allataala, Puwam-mu.

ANGIMANGENG 20:3

Tau iya makkarobangngéngngi ana'na lao ri Molokh, napanajisi'i Kéma-Ku sibawa napakatunai asek-Ku iya mapaccingngé. Rihukkungngi matu sibawa dé'na Uwangga'i anggota umma'-Ku.

ZAKHARIA 5:3

Nainappa makkutana lao ri iyya, “Ri kitta lulungngéro tarokii tanroé lao ri sininna wanuwaéwé. Ri leppang yolona tarokii makkedaé tungke' pangaé ripassui matu polé ri wanuwaéwé. Na ri leppang lainna tarokii makkedaé tungke' tau iya mattanro bellé-bellé ripassu towi matu.

ZAKHARIA 5:4

Makkedai Puwang Iya Pommakuwasaé makkedaé iyaro tanroé napatakkennai matu ri yasé'na bolana tungke' pangaé sibawa bolana tungke' tau iya mattanro bellé-bellé. Iyaro sining bolaé nakennai matu matteru-teru iyaro tanroé narapi mancaji ruttungeng.”

MALEAKHI 3:5

Adanna Puwang Iya Pommakuwasaé, “Polé-Ka matu ri iko untu' mangadéléki. Masitta'-Ka matu mancaji sabbi lao ri passéhéré'é, sining tau iya malawengngé, iya sabbi bellé-bellé, iya macéko-cékoé ri laleng pagajiwi tau napéssaroiyé, iya tenre'éngngi sining jandaé, ana' béué sibawa tau laingngé, lao risininna tau iya dé'é napakalebbi-Ka.”

ULANGENG 5:11

Aja' muteppui asek-Ku sibawa sembarangang, saba' Iyya, Puwang Allataalamu, hukkungngi nigi-nigi iya makkégunang salaéngngi asek-Ku.

YAKOBUS 5:12

Iya penting senna'é, iyanaritu: Aja' muwattanro, muwi nasabbing langié, iyaré'ga nasabbing tanaé, iyaré'ga muwi nasabbing agi-agi. Powadai bawang “Iyyé” rékko akkattamu iyyé, sibawa “Dé'” rékko akkattamu dé'; kuwammengngi na aja' naripakennaiko pahukkungeng ri Allataala.