ANGIMANGENG 19:11 - KITTA KAREBA MADECENG

¹¹ Aja' muwénnau, pabengnguwang iyaré'ga mabbellé.

ANGIMANGENG 19:11 ပူးပေါင်းရင်းမြစ်များ

2 SAMUEL 17:20

Poléni sining surona Absalom ri bolaéro sibawa makkutana ri makkunraié onna, “Kégani Ahimaas sibawa Yonatan?” Nappébali, “Silalona mennang malléttoiwi saloé.” Nasappani mennang iya duwa kalloloéro, iyakiya dé' naruntu'i, nanalisuna mennang ri Yérusalém.

1 ARUNG-NGARUNG 13:18

Nabbelléna iyaro nabi cowa polé ri bétel lao ri aléna, sibawa makkeda, “Iyya nabi muto pada-pada Saudara. Nasaba paréntanato Puwangnge, engka séddi malaéka pura suroka mobbiko sibawa panréko ri bolaku.”

MAZMUR 101:7

Topabbengnguwangngé dé' nawedding monro ri bolaku; pabbelléngngé dé' matu natahang ri yoloku.

MAZMUR 116:11

Ri laleng amalingekku makkedaka, “Dé' muwi séddi tau wedding riyatepperi.”

ASSURENG 20:15

Aja' muwénnau.

ASSURENG 20:16

Aja' muwabbéré asabbiyang bellé-bellé ri tau laingngé.

ASSURENG 20:17

Aja' muwacinnaiwi appunnangenna tau laingngé: bolana, bainéna, ata-atanna, olokolo'na, kaleddé'na, iyaré'ga muwi aga iya nappunnangiyé.”

ASSURENG 22:1

“Nigi-nigi ménnau sikaju saping iyaréga bimbala nainappa nagéré iyaré'ga nabalu', harusu'i nasulléi tungke' sikaju saping sibawa limakkaju saping sibawa tungke' sikaju bimbala sibawa patakkaju bimbala.

ASSURENG 22:7

Ebara'na engka tau iya situjuiyéngngi mappaddettangeng maddupa dowi iyaré'ga barang mangke'é. Iyakiya rimunri riyénnauwi iyaro riyappaddettangengngé ri bolana. Rékko rilolongengngi iya ménnauwéngngi, harusu'i nawaja leppi wékkaduwa.

ASSURENG 23:1

“Aja' mupallebbangngi karéba bellé sibawa aja' mutulungngi tau majaé iya mabbéré asabbing iya dé'é natongeng.

AMSAL 24:28

Aja' mumancaji sabbi lao ri tau laingngé temmappunnai alasang iya sipato'é; aja'to mumabbellé passalenna aléna.

YEREMIA 6:13

Iya manenna, baiccu battowa, sappai asarong sibawa dé' namalempu. Mala nabié sibawa imangngé bengnguwang towi tauwé.

ANGIMANGENG 19:10

Aja' mulisu ri palla anggoro'mu untu' paddeppungengngi buwa-buwa anggoro iya musésaé puramuna maccéppu mammulangngé. Makkuwatoro buwa-buwana iya sempé'énna aja' muwalai. Leppessangngi iyaro untu' tau kasiyasié sibawa tau laingngé. Iyya'na Puwang Allataalamu.

ROMA 3:4

Tentu dé'! Nasaba manessani Allataala tuli tongengngi, namuni tungke' tauwé mabbelléi. Ri laleng Kitta'é tarokii, “Sitinajako pabutti tongeng ri laleng aga iya mupogau'é, sibawa pakalako wettummu riyadéléki.”

EFESUS 4:25

Rimakkuwannanaro Saudara-saudara iya maneng, aja'na muwabbellé. Alempuno lao ri laingngé, saba' idi manengngé iyanaritu pada-padaki anggota tubunna Kristus.

EFESUS 4:28

Tau iya biyasaé ménnau harusu'i mappésau ménnau. Sibalé'na harusu'i majjama kuwammengngi lolongengngi dallé sibawa malempu enrengngé naulléi tulungngi tau iya akurangengngé.

ULANGENG 5:19

Aja' muwénnau.

KOLOSE 3:9

Aja' muwabbellé séddié lao ri laingngé, saba' atuwong pura labe'é sibawa sininna sipa'na purani muleppessang.

1 TIMOTIUS 1:10

lao ri tau pappangaddié, sionrongngé pada-padanna worowané, pacculi'é, pabbelléngngé, sabbi-sabbi bellé, sibawa nigi-nigi pogau' gau'-gau' iya siéwaé sibawa pappagguruwang iya tongengngé.

WAHYU 21:8

Iyakiya tau pellorengngé, tau bali'bellaé, tau maja ampé, tau pabbunoé, pappangaddié, tau iya paké paddissengeng mappalennye'-lennye'é, passompa barahalaé, sibawa sininna pabbelléngngé, ribuwangngi matu ri laleng tasi apié sibawa balérangngé iya malluwa'-luwa'é, iyanaritu amaténg maduwaé.”