ANGIMANGENG 19:10 - KITTA KAREBA MADECENG

¹⁰ Aja' mulisu ri palla anggoro'mu untu' paddeppungengngi buwa-buwa anggoro iya musésaé puramuna maccéppu mammulangngé. Makkuwatoro buwa-buwana iya sempé'énna aja' muwalai. Leppessangngi iyaro untu' tau kasiyasié sibawa tau laingngé. Iyya'na Puwang Allataalamu.

ANGIMANGENG 19:10 ပူးပေါင်းရင်းမြစ်များ

YESAYA 17:6

Pada-pada pong zaitun iya puraénna ricéppu buwana, sibawa siyagangngaré mani bawang monro ri cappa-cappa takkéna, makkuwatoro ri Israélié céddé bawang tau iya salama'é matu. Iyya, Puwang, Allataalana Israélié, pura mabbicara.”

YESAYA 24:13

Iyanaro kajajiyang matu ri sininna linoé ri tungke bangsa. Padai gau'na ri wettu éngngalangngé, wettunna riyala buwa zaitungngé gangka cappu sibawa buwa anggoro iya paccappurengngé ricéppu polé ri ponna.

YEREMIA 49:9

Rékko maccéppu buwa anggoro'i tauwé, tuli engka nasésa, sibawa rékko poléi pangaé ri wennié, banna nalai aga iya nacinnaiyé.

ANGIMANGENG 11:44

Iyya'na Puwang Allataalamu, rimakkuwannanaro jagako kuwammengngi tette'ko mapaccing, nasaba Iyya mapaccing.

ANGIMANGENG 19:11

Aja' muwénnau, pabengnguwang iyaré'ga mabbellé.

ANGIMANGENG 19:25

Ri laleng taung malimaé nappako wedding manréi buwana. Rékko mupogau' manengngi sininna peraturangngéro, mabbuwai matu lebbi maéga pong buwa-buwamu. Iyya'na Puwang Allataalamu.

ANGIMANGENG 19:9

Rékko méngngalako, aja' muwéngngalai gandong iya tuwoé ri wiring-wiring dare'mu, sibawa aja' mulisu untu' paddeppungengngi gandong iya musésaé puramuna méngngala.

ANGIMANGENG 23:22

Rékko méngngalako, aja' muwéngngalai gandong iya tuwoé ri wiring-wiring dare'mu sibawa aja' mulisu untu' paddeppungengngi gandong iya nasésae puranana éngngalangnge. Leppessangngi iyaro untu' tau kasiyasié sibawa tau laingngé. Puwangnge iyanaritu Allataalamu.

ANGIMANGENG 25:6

Namuni makkuwaro, iyaro tanaé mabbéré towi matu wassélé untu' mancaji inanrému, ata-atammu, sining tau mupagajiyé, sibawa sining tau laing iya muéwaé sionrong.

OBAJA 1:5

Panga iyaré'ga parampo iya polé ri wennié, banna nalai iya nacinnaiyé. Tau iya maccéppu anggoro'é ri palla'é, tuli napallaingngi siyagangngaré batunna. Iyakiya risarikko gangka cappu risining balimmu.

MIKHA 7:1

Macilakaka! Pada-padaka séddié tau alupureng iya laowé maccéppu buwa labe'nana wettunna. Dé'na gaga buwa-buwa ri ajukajungngé. Buwa anggoro sibawa buwa ara iya makessingngé cappu manenni ricéppu.

ULANGENG 24:19

Rékko mupaddeppungengngi wassélé tanamu, aja' mulisu untu' malai wessé gandong iya musalaiyé. Iyaro gandongngé harusu'i rileppessang untu' tau laingngé, ana' béué sibawa sining jandaé, kuwammengngi naribarakkakiko ri Puwang Allataalamu ri laleng sininna usahamu.

ULANGENG 24:20

Rékko purano siseng céppui buwa zaitummu sibawa buwa anggoro'mu, aja'na mulisu untu' paddeppungengngi buwa-buwa iya musalaiyé. Iyaro harusu'i muleppessang untu' tau laingngé, ana' béué sibawa sining jandaé.

HAKING-HAKING 8:2

Iyakiya mappébaliwi Gidéon, “Aga iya upogau'é dé' nasiyaga angke'na rékko ripasibandingngi sibawa aga iya puraé mupogau'. Namuni iya mupogau'é céddé bawang, iyakiya iyaro céddé'é lebbi mangke'i naiya sininna iya puraé napogau' sininna tentarana appakku.

RUT 2:2

Riséuwaé esso makkedai Rut lao ri Naomi, “Indo', mapparamisika maélo lao ri dare'é untu' mitté gandong iya sempé'é polé ri limanna sining paréngngalaé. Upérasai tentu engka tau iya leppessangngékka matu pogau'i gau'éro.” Nappébali Naomi, “Makessinni na', laono!”