ANGIMANGENG 18:30 - KITTA KAREBA MADECENG

³⁰ Nakkeda Puwangnge, “Turusiwi sining peraturang iya Uwabbéréyangngé sibawa aja' muturui pangkaukenna sining tau iya monroiyéngngi tana Kanaan ri wettu dé'mupa. Aja' mupanajisi'i alému ri laleng mupogau'na sining pangkaukengngéro. Iyya'na, Puwang Allataalamu.”

ANGIMANGENG 18:30 ပူးပေါင်းရင်းမြစ်များ

1 ARUNG-NGARUNG 14:24

Ri onrong-ngonrongngéro pakangkai mennang accakkuribangeng selaku assompang lao ri déwataé. Mala muwi worowané mancaji towi selaku cakkuribang. Napogau' towi tau Yéhudaé sininna pangkaukeng majaé iya napogau'é bangsa-bangsa iya puraé napaddésu Puwangnge wettunna tau Israélié muttamakiwi wanuwaéro.

1 ARUNG-NGARUNG 21:26

Napogau'i Ahab dosa-dosa iya matuna senna'é: massompai barahala pada-pada iya napogau'é tau Amorié, iyanaritu sining tau iya puraé napaddésu Puwangnge massu polé ri wanuwa Kanaan wettunna tau Israélié muttamakiwi wanuwaéro.

EZRA 9:1

Purana napogau' maneng iyaro, laoni siyagangngaré tomariyolona tau Israélié ri iyya. Nappaissengengngi mennang makkedaé ra'ya' Israélié, sibawa sining tau Léwié dé' napallaingngi aléna polé ri bangsa-bangsa iya monroé ri seddénaro, iyanaritu bangsa Amon, Moab, Maséré, Kanaan, Hét, Féris, Yébus sibawa Amori. Mala sining imangngé sibawa muwi sining tau Léwié pogau' towi makkuwaéro. Napogau' manengngi mennang pangkaukeng-pangkaukeng maja iya napogau'é bangsa-bangsaéro.

ANGIMANGENG 18:29

Muwisseng makkedaé nigi-nigi pogau'i pangkaukeng iya mappakaciddi-ciddi'éro dé'na nariyangga anggota umma'na Allataala.

ANGIMANGENG 19:1

Puwangnge suroi Musa

ANGIMANGENG 20:23

Aja' muturui ampé-ampéna bangsa iya monroé kuwaro. Mappakaciddi-ciddi mennang sibawa sining pangkaukeng iya majaé. Iyanaro saba'na Upaddésu'i mennang, kuwammengngi mulléi muttama ri wanuwaéro.

ANGIMANGENG 22:9

Sininna imangngé harusu'i naturusi sining peraturang iya Uwabbéréyangngé. Rékko dé', pasalai mennang sibawa matéi matu, nasaba najjalékkaiwi sining peraturang iya mapaccingngéro. Iyya'na Puwang, sibawa Iyya ritu pallaingngi mennang untu' alé-Ku.

ULANGENG 11:1

“Eloriwi Puwang Allataalamu, sibawa tuli turusiwi sininna parénta-Na.

ULANGENG 12:30

Puranana ripaccappu bangsa-bangsaéro, atike'ko aja' narapii muturu mennang sompa déwata-déwata laing, saba' iyaro pangkaukengngé papoléi abala.

ULANGENG 12:31

Carana iyaro bangsa-bangsaé sompai déwata-déwatana mennang, aja' muturui untu' sompai Puwang Allataalamu, saba' massompai mennang sibawa pogau'i pangkaukeng-pangkaukeng majaé iya nabenciyé Puwangnge. Mala ana'-ana'na muto mennang natunu ri yasé'na mézbaé selaku akkarobangeng untu' déwata-déwatana mennang.

HAKING-HAKING 20:6

Nauwalani ujuna nainappa ulétta-létta, nainappa kiringngi lao ri iya seppulo duwa sukué ri laleng bangsata tungke-tungke silétta. Upogau'i iyaro gau'é nasaba iyaro sining tau Gibéaé purai napogau' séuwaé iya majaé sibawa mappakasiri-sirié ri yelle'na umma Israélié.