ANGIMANGENG 18:24 - KITTA KAREBA MADECENG

²⁴ Aja' mupanajisi'i alému sibawa sining pangkaukengngéro, saba' nasibawang caraéro bangsa-bangsa iya monroé ri Kanaan ri wettu dé'mupa purani napanajisi' aléna mennang. Rimakkuwannanaro rirukkai mennang ri Puwangnge, kuwammengngi mulléi monroiwi wanuwaéro.

ANGIMANGENG 18:24 ပူးပေါင်းရင်းမြစ်များ

KAJAJIYANG 15:16

Labe'nana eppa assossoreng, lisuni matu ana' eppomu kuwaé, nasaba dé' Urukkai matu tau Amorié ri wettu dé'napa mennang namaja senna angkanna parellui rihukkung.”

1 ARUNG-NGARUNG 9:7

Upaddésu'i matu umma'-Ku Israélié polé ri wanuwa iya puraé Uwéréngngi mennang. Usalai towi matu iyaé bolaé iya puraé Upattette mancaji onrong assompang lao ri Iyya. Kégi-kégi ripakatunai matu tau Israélié sibawa ricawa-cawai.

2 TAWARIKH 33:2

Madosai lao ri Puwangnge, nasaba naccowériwi abiyasang-abiyasang majana bangsa-bangsa iya napaddésu'é Puwangnge polé ri Kanaan wettunna tau Israélié muttamakiwi wanuwaéro.

EZRA 9:1

Purana napogau' maneng iyaro, laoni siyagangngaré tomariyolona tau Israélié ri iyya. Nappaissengengngi mennang makkedaé ra'ya' Israélié, sibawa sining tau Léwié dé' napallaingngi aléna polé ri bangsa-bangsa iya monroé ri seddénaro, iyanaritu bangsa Amon, Moab, Maséré, Kanaan, Hét, Féris, Yébus sibawa Amori. Mala sining imangngé sibawa muwi sining tau Léwié pogau' towi makkuwaéro. Napogau' manengngi mennang pangkaukeng-pangkaukeng maja iya napogau'é bangsa-bangsaéro.

MAZMUR 106:39

Nasaba sining pangkaukengngéro namancaji najisi'na mennang, sibawa dé' namatinulu lao ri Allataala.

YEREMIA 44:4

Matteru-teru-Ka kiringngi lao ri iko ata-atak-Ku sining nabié, iya mattéyangngéngngi mennang pogau'i ja iya ucéccéro.

YEHEZKIEL 36:17

“Eh tolino dé'é namannennungeng, wettunna sining tau Israélié monro ri wanuwanna muto, purai mennang nacarépai sibawa tindakanna nenniya ampé-ampéna mennang. Uwangga'i iyaro ampé-ampéna mennang harangngi, pada-padai makkunrai iya mattengngangngé maddara.

ANGIMANGENG 18:3

Aja' muturui pangkaukenna tauwé ri Maséré, onrong puraé muwonroi, iyaré'ga tauwé ri Kanaan, kégi Utiwiko makkekkuwangngé.

ANGIMANGENG 18:30

Nakkeda Puwangnge, “Turusiwi sining peraturang iya Uwabbéréyangngé sibawa aja' muturui pangkaukenna sining tau iya monroiyéngngi tana Kanaan ri wettu dé'mupa. Aja' mupanajisi'i alému ri laleng mupogau'na sining pangkaukengngéro. Iyya'na, Puwang Allataalamu.”

ABBILANGENG 35:34

Aja' mucarépaiwi tana iya muwonroiyé, nasaba Iyya'na Puwang, na Iyya monro ri tengnga-tengngana bangsa Israélié.”

1 KORINTUS 3:17

Rékko engka tau solangiwi Bolana Allataala, iyaro tauwé nasolangi towi Allataala. Nasaba Bolana Allataala iyanaritu banna untu' Allataala bawang, na ikona iyanaritu iyaro bolaé.

ULANGENG 12:31

Carana iyaro bangsa-bangsaé sompai déwata-déwatana mennang, aja' muturui untu' sompai Puwang Allataalamu, saba' massompai mennang sibawa pogau'i pangkaukeng-pangkaukeng majaé iya nabenciyé Puwangnge. Mala ana'-ana'na muto mennang natunu ri yasé'na mézbaé selaku akkarobangeng untu' déwata-déwatana mennang.

ULANGENG 18:12

Tau iya pogau'éngngi sining pangkaukeng majaéro ribenciwi ri Puwang Allataalamu, na iyanaro saba'na iyaro bangsa-bangsaé ripaddésu'i polé ri yolomu.

ULANGENG 9:4

Puranana napaddésukekko Puwang Allataalamu, aja' muwasengngi makkedaé natiwiko kuwaro untu' mappunnaiwi tanaéro nasaba makessikko sibawa pogau'i élona Puwang Allataalamu angkanna sitinaja tarimai. Dé' sises-siseng! Napaddésu'i Puwangnge bangsa-bangsaéro untu' iko nasaba majai mennang. Naleppessakko Puwangnge malai tanana mennang, nasaba macinnai rupaiwi jancin-Na lao ri néné-nénému Abraham, Ishak sibawa Yakub.

HAKING-HAKING 20:10

Tawa seppulona polé risininna tau worowané Israélié harusu passadiya inanré untu' ménnang iya mammusué. Iya laingngé laowi gasai Gibéa untu' hukkungngi mennang nasaba jana iya puraé napogau' ri yelle'na umma Israélié.”

HAKING-HAKING 20:5

Napolé sining tau Gibéaé ri wennié untu' sappaka. Nakeppungngi bola iya uwonroiyé mabbenni sibawa akkatta untu' mpunoka, iyakiya rimunri nakédo salaiwi gundi'ku gangka maté.

HAKING-HAKING 20:6

Nauwalani ujuna nainappa ulétta-létta, nainappa kiringngi lao ri iya seppulo duwa sukué ri laleng bangsata tungke-tungke silétta. Upogau'i iyaro gau'é nasaba iyaro sining tau Gibéaé purai napogau' séuwaé iya majaé sibawa mappakasiri-sirié ri yelle'na umma Israélié.