ANGIMANGENG 18:20 - KITTA KAREBA MADECENG

²⁰ Aja' musiluséreng sibawa bainéna tau laingngé; iyaro pangkaukengngé napanajisi'ko.

ANGIMANGENG 18:20 ပူးပေါင်းရင်းမြစ်များ

2 SAMUEL 11:27

Nainappa leppe'nana wettu abbaratanna, nassuro mobbini Daud iyaro makkunraié lao ri saorajaé sibawa mancajini bainéna. Siyagangngaré uleng rimunrinna jajiyanni séddi ana' worowané. Iyakiya dé' namasennang Puwangnge sibawa pangkaukenna Daudro.

ASSURENG 20:14

Aja' mumalaweng.

AMSAL 6:25

Aja' murigoda ri agellorenna mennang, aja' mutattaré ri matanna mennang iya mappalécé.

YEHEZKIEL 18:6

Dé' nasompai barahalana tau Israélié iyaré'ga manréi akkarobangeng pakkasuwiyangngé ri onrong-ngonrong assompanna déwata-déwataé. Dé' naengka naganggui bainéna tau laingngé iyaré'ga silaong matinro makkunrai iya maddaraé.

ANGIMANGENG 20:10

Rékko séddié tau Israél malaweng sibawa bainéna tau sibangsana, aléna sibawa makkunraiéro harusu'i rihukkung maté.

MALEAKHI 3:5

Adanna Puwang Iya Pommakuwasaé, “Polé-Ka matu ri iko untu' mangadéléki. Masitta'-Ka matu mancaji sabbi lao ri passéhéré'é, sining tau iya malawengngé, iya sabbi bellé-bellé, iya macéko-cékoé ri laleng pagajiwi tau napéssaroiyé, iya tenre'éngngi sining jandaé, ana' béué sibawa tau laingngé, lao risininna tau iya dé'é napakalebbi-Ka.”

ROMA 2:22

Mupaggurui tauwé kuwammengngi aja' namalaweng, padahal Saudara muto malaweng! Mubenciwi barahalaé, padahal Saudara muto malai barab-barang polé ri bola-bola abbarahalangngé.

1 KORINTUS 6:9

Muwissegga makkedaé sining tau iya dé'é naturusiwi élona Allataala, dé' namancaji matu anggotana umma'na Allataala? Aja' naribelléko. Sining tau iya pogau'éngngi pappangaddiyangngé, sining tau iya massompaé barahala, iya malawengngé, iya pogau'éngngi pangkaukeng mappakasiri-sirié lao ri pada-padanna,

GALATIA 5:19

Cinnana sipa'na rupa tauwé manessai ri laleng pangkaukeng-pangkaukeng iya mappangaddié, macarépaé, sibawa dé'é nasipato;

ULANGENG 22:22

Rékko séddié worowané ripoléi kédo sala sibawa bainéna tau laingngé, harusu'i rihukkung maté iya duwa. Nanallalengiro mupallennye'i iyaro jaé.

ULANGENG 22:25

Iyakiya laing gau'na rékko ri dare'é séddi tau worowané kédosalaiwi séddié ana'dara iya mattunangangngénna sibawa tau laingngé. Ri laleng gau'éro banna worowané harusu'i rihukkung maté.

ULANGENG 5:18

Aja' mumalaweng.

IBRANI 13:4

Sininna tauwé harusu'i mappaitangngi kédo-kédo mappakalebbié lao ri akawingengngé, iyanaro saba'na sitinajai lakkaié sibawa bainé matinulu séddié lao ri laingngé. Tau iya mappangaddié sibawa tau iya malawengngé ri adélékiwi matu ri Allataala.