ANGIMANGENG 17:5 - KITTA KAREBA MADECENG

⁵ Akkattana iyaro paréntaé kuwammengngi bangsa Israélié natiwii ri Kémana Puwangnge sinininna olokolo pakkasuwiyangngé iya biyasaé nagéré ri dare'é. Waji'i mennang natiwi iyaro pakkasuwiyangngé lao ri imangngé ri yolona sumpanna Kémana Puwangnge sibawa géréi kuwaro untu' akkarobangeng pappasidamé.

ANGIMANGENG 17:5 ပူးပေါင်းရင်းမြစ်များ

KAJAJIYANG 21:33

Nanatanenna Abraham sipong aju tamariska ri Bersyéba namappammulai wettuéro iyaro onrongngé napakéi untu' sompai Puwangnge, Allataala iya mannennungengngé.

KAJAJIYANG 22:13

Nainappa makkita Abraham ri seddéna nanaitani sikaju bimbala lai iya tassakkaé tanru'na ri laleng alekale'é. Nalani Abraham iyaro bimbala'é nanakkasuwiyangengngi lao ri Puwangnge selaku akkarobangeng ritunu passulléna ana'na.

KAJAJIYANG 22:2

Adanna Allataala, “Laono ri tana Moria sibawa Ishak, ana' tungke'mu, iya muwamaséi senna'é. Kuwaro, ri séddié bulu iya Ujellokengngékko matu, akkasuwiyangengngi ana'mu selaku akkarobangeng ritunu lao ri Iyya.”

KAJAJIYANG 31:54

Géréni sikaju olokolo na nakkasuwiyangengngi ri yasé'na bulu-buluéro. Nainappa naundang sining taunna untu' sisama manré. Puranana manré, mabbennini ri bulu-buluéro.

1 ARUNG-NGARUNG 14:23

Ri tompo'na bulu-bulué sibawa ri yawana ajukajung battowaé, patettongngi mennang onrong-ngonrong assompang barahala, sibawa patettongngi tugu-tugu nenniya dato-dato'na déwi Asyéra untu' nasompa.

1 ARUNG-NGARUNG 3:2

Nasaba dé'pa naripatettong Bolana Puwangnge wettuéro, makkarobang mupi ra'ya'é akkarobangeng ri maddupa-rupang onrong.

1 ARUNG-NGARUNG 3:3

Namaséiwi Salomo Puwangnge sibawa maccowériwi panunju'-panunju' polé ri ambo'na, iyakiya maggéré mupi sibawa makkasuwiyangeng olokolo ri maddupa-rupang onrong.

2 ARUNG-NGARUNG 16:4

Makkasuwiyangngi Ahas akkarobangeng sibawa mattunu dupa ri onrong-ngonrong assompang déwataé ri bulu-bulué sibawa ri ajukajung iya maworongngé.

2 ARUNG-NGARUNG 17:10

Ri tompo'na tungke, bulu-bulué, sibawa ri yawana tungke' aju iya maworongngé, patettongngi mennang tugu-tugu sibawa dato-dato'na Déwi Asyéra.

2 TAWARIKH 28:4

Makkasuwiyangngi Ahas akkarobangeng sibawa mattunu dupa ri onrong-ngonrong assompang déwataé risining bulu-bulué sibawa ri yawana ajukajung iya maworongngé.

ASSURENG 24:5

Nanasuroni Musa siyagangngaré kallolo, sibawa makkasuwiyangenni mennang akkarobangeng ritunu untu' Puwangnge enrengngé géré siyagangngaré saping untu' akkarobangeng pappasidamé.

YEHEZKIEL 20:28

Utiwii mennang lao ri tana iya puraé Uwajjanciyang lao ri mennang. Wettunna naita mennang sining bulu-bulu iya matanré sibawa ajukajung iya maworongngé, makkasuwiyangenni mennang akkarobangeng ri onrong-ngonrongngéro. Naébbu-Ka mennang macai nasaba sining akkarobangeng ritunué sibawa pakkasuwiyang anggoro'na.

YEHEZKIEL 22:9

Ri yelle'na pabbanuwamu engka tau mappakiri-kiri iya pojiyéngngi pétenna'i tau laingngé kuwammengngi narihukkung maté. Engkato pojiwi manréi juku iya riyakkarobangengngé lao ri barahalaé. Engkato pojiwi mappangaddi.

YEHEZKIEL 43:27

Labe'nana iya pitu essoéro, sining imangngé harusu'i mappammula makkasuwiyang ri yasé'na mézbaéro akkarobangeng ritunu sibawa akkarobangeng assidaméngeng untu' umma'é. Na-Umasennang matu sibawa iko maneng. Iyya, Puwang Iya Pommatanré pura mabbicara.”

YEHEZKIEL 44:15

Makkedai Puwang Iya Pommatanré, “Wettunna tau Israélié nasalai-Ka, sining imang Léwié polé ri wija-wijanna Zadok tette'i matinulu tumaningi-Ka ri Bola-Ku. Rimakkuwannanaro mennang ritu makkekkuwangngé harusu tumaningi-Ka sibawa lao ri yolo-Ku untu' makkasuwiyangeng lunra sibawa dara polé risining akkarobangengngé.

ANGIMANGENG 17:6

Harusu'i nabboloreng imangngé iyaro dara olokolo'é risining benrénna mézbaé ri yolona sumpanna Kémana Puwangnge nainappa natunu lunra'na kuwammengngi baunna napésennangiwi atinna Puwangnge.

ULANGENG 12:2

Muttama'muna ri wanuwaéro harusu'ko mancuru'i onrong-ngonrong assompangngé ri tompo'na sining bulu matanré, ri bulu-bulué sibawa ri yawana ajukajung maworongngé, onronna bangsa iya monroé kuwaro sompai déwata-déwatana mennang.