ANGIMANGENG 17:11 - KITTA KAREBA MADECENG

¹¹ Nyawana tungke'-tungke' anu mannyawaé engkai ri darana. Rimakkuwannanaro napparéntangngi Puwangnge kuwammengngi sininna daraé riyabbolorengngi ri yasé'na mézbaé kuwammengngi nariledda dosa-dosana umma'é. Daraé iyanaritu silaong nyawana, leddai dosaé.

ANGIMANGENG 17:11 ပူးပေါင်းရင်းမြစ်များ

KAJAJIYANG 9:4

Séddi-séddinna iya dé'é nawedding muwanré iyanaritu juku iya engkaé mupa darana, saba' iyaro nyawaé engkai ri laleng daraé.

ANGIMANGENG 1:5

Nainappa iyaro sapingngé harusu'i rigéré ri yolona sumpanna Kémaé. Darana harusu'i nakkasuwiyangeng sining imang wijanna Harun lao ri Puwangnge, nainappa nabboloreng ri iya eppa benrénna mézbaé ri yolona sumpanna Kémaé.

ANGIMANGENG 16:11

Puranana Harun makkasuwiyang sibawa nagéré saping laié untu' akkarobangeng paddampengeng dosa untu' aléna sibawa untu' kaluwargana,

ANGIMANGENG 17:12

Iyanaro saba'na bangsa Israélié iyaré'ga tau laing iya mattette'é ri yelle'na mennang riyattéyangngi manré dara.

ANGIMANGENG 17:14

Nyawana tungke'-tungke' anu mannyawaé engkai ri darana, rimakkuwannanaro nattéyangngi Puwangnge bangsa Israélié manré dara. Tungke' tau iya pogau'éngngi iyaro pangkaukeng riyattéyangngé dé'na nariyangga anggota umma'na Allataala.

ANGIMANGENG 4:25

Harusu'i natellengeng jarinna imangngé ri laleng dara olokolo'éro nainappa nassapuwang ri tanru-tanru sunna mézbaé, na sésana nabbolorengngi ri pabborina mézbaé.

ANGIMANGENG 4:26

Nainappa sininna lunra'na iyaro olokolo'é harusu'i ritunu ri yasé'na mézbaé, pada-pada ri akkarobangeng pappasidamé. Makkuwaniro carana imangngé makkasuwiyangeng akkarobangeng untu' dosana séddié panguwasa, nariyaddampengeng matu iyaro tauwé ri Puwangnge.

ANGIMANGENG 8:15

Nainappa nagéré Musa sibawa malai sibagiyang darana. Iyaro daraé nassapuwangngi sibawa jarinna ri tanru-tanru mézbaé, kuwammengngi iyaro mézbaé naripallaing untu' Allataala. Dara iya nasésaé riyabbolorengngi ri pabborina mézbaé. Makkuwaniro carana iyaro mézbaé ripépaccingi sibawa ripallaing untu' Puwangnge.

MATIUS 20:28

Pada-padato Ana'na Tolinoé; poléi tenniya untu' ritumaningi, iyakiya untu' mattumani, sibawa mabbéréyangngi nyawa-Na untu' paleppe'i maéga tau.”

MATIUS 26:28

Saba' iyanaé dara-Ku iya paessaéngngi assijancingenna Allataala – dara ribollowangngé untu' tau maégaé nariyaddampengeng dosana mennang.

MARKUS 14:24

Purairo makkedani Yésus, “Iyanaé dara-Ku iya paessaéngngi assijancingenna Allataala, dara iya ripatabbolloé untu' maéga tau.

ROMA 3:25

Allataala makkarobangengngi Yésus Kristus kuwammengngi na amatén-Naro ripannessai tolinoé leppe'i polé ri asalangngé rékko mateppe'i mennang ri Aléna. Napogau'i Allataala makkuwaéro untu' mappaitangngi adéléken-Na. Saba' ri wettu labe'é sabbara'i Allataala lao ri dosa-dosana tolinoé, angkanna dé' nahukkungngi mennang.

ROMA 5:9

Makkekkuwangngé simadécéngenni paimeng sibawa Allataala naolai amaténna Kristus; rimakkuwannanaro mattentuni ripassalama' tokki matu polé ri caina nasaba Kristus.

EFESUS 1:7

Saba' amaténna Kristus, napaleppe'ki Allataala, bettuwanna puraki Naddampengeng polé ri dosa-dosata.

ULANGENG 12:23

Iyakiya juku iya engkaé mupa darana dé' nawedding riyanré, nasaba nyawaé engkai ri laleng daraé, nadé' naweddikko manré nyawa silaong jukuna.

KOLOSE 1:14

Nasaba Ana'-Naro naripaleppe'ki; bettuwanna dosa-dosata riyaddampengenni.

KOLOSE 1:20

Sibawa naola towi iyaro Ana'é Allataala pettuiwi sininna séuwa-séuwaé nasimadécéngeng paimeng sibawa Aléna – muwi iya engkaé ri linoé iyaré'ga iya engkaé ri surugaé. Napogau'i Allataala iyaro naolai amaténna Ana'-Na ri aju sallié.

IBRANI 13:12

Iyanaro saba'na namatéto Yésus ri saliwenna pintu gerbanna kotaé untu' pépaccingiwi umma'-Na polé ri dosaé sibawa dara-Na muto.

IBRANI 9:22

Mémeng manuru hukkunna agama Yahudié, céddé'pi nasininna séuwa-séuwaé ripaccingiwi sibawa dara; na dosaé banna weddingngi riyaddampengeng rékko engka dara ripatabbollong.

1 YOHANES 1:7

Iyakiya rékko tuwoki ri laleng tajangngé pada-pada Allataala engka ri laleng tajangngé, tentu tuwoki mareppé enrengngé sipammasé-masé séddié lao ri laingngé, sibawa darana Yésus, Ana'-Na, pépaccingiki polé ri sininna dosaé.

1 YOHANES 2:2

Naolai Yésus Kristus ritu nariyaddampengeng dosa-dosata. Natenniya dosa-dosata bawang, sangadinna dosanato sininna rupa tauwé.

WAHYU 1:5

sibawa polé ri Yésus Kristus, sabbi iya matinulué. Aléna ritu bunge'-bunge' ripatuwo paimeng polé ri amaténgngé sibawa Aléna ritu makuwasa lao risining arunna linoé. Yésus mamaséiki, nanasibawang amatén-Na nanapaleppe'ki polé ri dosa-dosata,