ANGIMANGENG 17:10 - KITTA KAREBA MADECENG

¹⁰ Rékko séddi tau Israélié iyaré'ga tau laing iya monro tette'é ri yelle'na tau Israélié manré dara, rihukkungngi matu ri Puwangnge, sibawa dé'na nariyangga anggota umma'na.

ANGIMANGENG 17:10 ပူးပေါင်းရင်းမြစ်များ

KAJAJIYANG 9:4

Séddi-séddinna iya dé'é nawedding muwanré iyanaritu juku iya engkaé mupa darana, saba' iyaro nyawaé engkai ri laleng daraé.

2 SAMUEL 23:17

Makkedai, “Oh Puwang, dé' uwulléi ménungngi iyaé uwai! Rékko uwénungngi samanna uwénungngi darana sining tau iya puraé mappésonangngi nyawana mennang!” Jaji dé' sises-siseng namaélo Daud ménungngi iyaro uwai. Iyaro jasa-jasana iya tellu tau pajuwang iya baraniéro.

MAZMUR 34:16

Najampangiwi Puwangnge tau malempué, maréngkalingai rékko kelli'i mennang méllau tulung.

ASSURENG 30:33

Tau iya mébbué minnya pada-padaéro, iyaré'ga pakéi untu' tau iya tenniyaé imang, dé'na nariyangga anggota umma'-Ku.”

YEREMIA 21:10

Purani Upettui untu' mancuru'i kotaéwé, sibawa dé' Usayangngi. Iyaé kotaé riyabbéréyangngi matu lao ri arung Babél; natunui matu gangka cappu siseng. Iyya, Puwang, pura mabbicara.”

YEREMIA 44:11

Rimakkuwannanaro, Iyya, Puwang Iya Pommakuwasaé, Allataalana Israélié, méwako matu sibawa mancuru'i sininna Yéhuda.

YEHEZKIEL 14:8

Uwéwai matu sibawa pancajiwi conto untu' tau laingngé. Upassalai matu polé ri masaraka'na umma'-Ku, nanaissengngi umma'-Ku makkedaé Iyya ritu Puwang.

YEHEZKIEL 15:7

Uhukkungngi matu mennang. Namuni leppe'ni mennang polé ri apié, iyakiya apito paccappui matu mennang. Namuwissengngi matu makkedaé Iyya ritu Puwang.

YEHEZKIEL 33:25

Rimakkuwannanaro Puwang Iya Pommatanré suroka palettu'i pasengngéwé lao ri mennang, “Muwanréi juku iya engkaé mupa darana; sompako barahala sibawa pogau' abbunowang. Barani tongekko mangaku iyaé tanaé selaku appunnangemmu.

YEHEZKIEL 44:7

Purai mennang nacarépai Bola-Ku, saba' wettunna riyakkasuwiyangeng lunra sibawa dara akkarobangengngé lao ri Iyya, napalaloi mennang muttama ri lalenna sining tau laing iya dé'é narisunna, sibawa iya dé'é naturusi-Ka. Nasibawang sining pangkaukenna mennang iya mappakaciddi-ciddi'éro, purani mennang najjalékkai assijancik-Ku sibawa mennang.

ANGIMANGENG 17:11

Nyawana tungke'-tungke' anu mannyawaé engkai ri darana. Rimakkuwannanaro napparéntangngi Puwangnge kuwammengngi sininna daraé riyabbolorengngi ri yasé'na mézbaé kuwammengngi nariledda dosa-dosana umma'é. Daraé iyanaritu silaong nyawana, leddai dosaé.

ANGIMANGENG 19:26

Aja' muwanré dara. Aja' mupakéi sining paddissengeng mappallajangngé.

ANGIMANGENG 26:17

Uhukkukko matu, angkammu ricau risining balimmu sibawa rikuwasai risining tau iya benciyékko. Métau senna'ko matu angkammu lari, namuni dé'gaga mallellung.

ANGIMANGENG 3:17

Tau Israélié dé' sises-siseng nawedding manré lunra iyaré'ga dara. Iyaro peraturangngé untu' mannennungeng sibawa harusu'i naturusi tungke' tau Israélié kégi-kégi monro.

AMOS 9:4

Rékko ritawangngi mennang ri balié, Uwapparéntangngi matu kuwammengngi nariyuno mennang. Mattonget-tongek-Ka untu' paccappui mennang, sibawa dé' Ubantui matu mennang.”

RIWAYA'NA RASUL-RASUL-E 15:20

Iyakiya harusu'ki moki sure' lao ri mennang sibawa pangajariwi kuwammengngi aja' mennang nanré anré najisi'é iya puraé riyakkasuwiyangeng lao ri barahalaé, iyaré'ga manré juku olokolo iya maté riyanrekké'é, iyaré'ga manré dara. Sibawato kuwammengngi napabélaiwi aléna polé risining pangkaukeng malawengngé.

RIWAYA'NA RASUL-RASUL-E 15:29

aja' muwanréi nanré puraé riyakkasuwiyangeng lao ri barahalaé; aja' muwanréi juku olokolo iya maté riyanrekké'é, sibawa abélaiwi sining pangkaukeng malawengngé. Narékko mupabélaiwi alému polé risining gau'éro, mupogau'nitu iya madécéngngé. Sikumiro bawang, salama'!”

ULANGENG 12:16

Banna darana dé' nawedding riyanré, iyakiya harusu'i ritiri ri tanaé pada-pada uwai.

ULANGENG 12:23

Iyakiya juku iya engkaé mupa darana dé' nawedding riyanré, nasaba nyawaé engkai ri laleng daraé, nadé' naweddikko manré nyawa silaong jukuna.

ULANGENG 15:23

Dé' nawedding riyanré darana, iyakiya harusu'i ritiri ri tanaé pada-pada uwai.”

IBRANI 10:29

Pékkugi lebbi tane'na pahukkungeng iya harusu'é ripakennaiwi tau iya léjja'-léjja'éngngi Ana'na Allataala. Iyaro tauwé nangga' matunai dara assijancingenna Allataala, iyanaritu amaténna Kristus iya pépaccingiyéngngi polé ri dosaé. Napakatunai Roh iya mabbéré pammasé.

1 SAMUEL 14:32

angkanna makkabéttang mennang mala barang rirappa iya nalolongengngé polé ri balié; malani mennang bimbala sibawa saping nanagéréi ri onrongngéttoro, namatteru nanré jukuna iya engkaé mupa darana.

1 SAMUEL 14:33

Nainappa ripaiisengi ri Saul makkuwaé, “Datu, madosani ra'ya'é lao ri Puwangnge nasaba manréi juku sibawa darana.” Naggera' Saul, “Bali'bellako! Galéttéi séddi batu loppo laono mai.”