ANGIMANGENG 16:21 - KITTA KAREBA MADECENG

²¹ Harusu'i napalénne iya duwa limanna ri yasé'na ulunna bémbé'éro nanaakuiwi sininna asalanna, dosana sibawa pelanggaranna bangsa Israélié. Nanallalengiwi sininna asalanna bangsa Israélié ripalétté'i ri yasé'na ulunna bémbé'éro. Nainappa séddié tau iya ritugaskangngé harusu'i rukkai iyaro bémbé'é lao ri padang kessi'é.

ANGIMANGENG 16:21 ပူးပေါင်းရင်းမြစ်များ

EZRA 10:1

Wettunna Ezra massempajang naterito sibawa mangaku dosa ri yolona Bolana Puwangnge, maéga senna tau Israél polé maddeppungeng, muwi worowané, iyaré'ga makkunrai sibawa ana'-ana'. Nattulilingiwi mennang naterito maladde.

MAZMUR 32:5

Nainappa uwangakui dosaku lao ri Iko, dé'gaga usubbu asalakku. Upettuini untu' mangakuiwi lao ri Iko, sibawa Muwaddampengengngi sininna dosaku.

MAZMUR 51:3

Amaséika oh Allataala, nasaba tette'-Ko mamasé, leddani dosaku nasaba paressé babuwa-Mu iya battowaé.

ASSURENG 29:10

Nainappa iyaro saping laié harusu'i mutiwi ri yolona Kéma-Ku. Harun sibawa ana'-ana'na harusu'i napalénne limanna ri yasé'na ulunna olokolo'éro.

AMSAL 28:13

Niga subbui dosana dé' nasaro matu. Niga mangakuiwi sibawa salaiwi, riyamaséiwi matu ri Puwangnge.

YESAYA 53:6

Pusa manekki pada-pada bimbala'é, tungke-tungke sappai lalenna muto. Puwangnge pura patakkennai ri aléna jata maneng.

ANGIMANGENG 1:4

Nainappa harusu'i napalénne limanna ri tompo ulunna iyaro olokolo'é, naritarima matu pakkasuwiyanna untu' paddampengeng dosana.

ANGIMANGENG 16:20

Puranana napakangka upacara pappépaccinna Bili' Pommapaccingngé sibawa bagiyab-bagiyang laingngé polé ri Kémana Puwangnge enrengngé mézbana, harusu'i Harun makkasuwiyang lao ri Puwangnge bémbé tuwoé iya ripilé untu' Azazél.

ANGIMANGENG 16:22

Iyaro bémbé'é natiwi manengngi dosana bangsa Israélié ri daéra makabuttué iya dé'é narionroi sibawa harusu'i rileppessang ri padang kessi'é.

ANGIMANGENG 26:40

Iyakiya nangakuiwi matu wija-wijammu dosana mennang sibawa dosana néné-nénéna iya puraé méwa-Ka sibawa maronta lao ri Iyya,

ANGIMANGENG 5:5

Ri laleng tungke' parakaraéro, tau iya pasalaé harusu'i mangakuiwi asalanna.

ROMA 10:10

Nasaba mateppe'i tauwé sibawa atinna, angkanna Allataala tarimai selaku tau iya simadécéngengénna sibawa Allataala. Nasibawang témunna tauwé mangakui, angkanna ripassalama'.

2 KORINTUS 5:21

Dé' namadosa Kristus, iyakiya Allataala mébbui Natanggungngi dosata, kuwammengngi tasimadécéngeng paimeng sibawa Allataala nasaba masséddiki sibawa Kristus.