ANGIMANGENG 15:5 - KITTA KAREBA MADECENG

^5-8 Nigi-nigi géssai tau iya passué manning, iyaré'ga onrong atinronna, iyaré'ga tudang ri onrong iya puraé natudangi iyaré'ga namméccui iyaro tauwé, harusu'i nasessa pakéyanna enrengngé cemmé, sibawa najisi'i narapi labu essoé.

ANGIMANGENG 15:5 ပူးပေါင်းရင်းမြစ်များ

MAZMUR 26:6

Ubissaiwi limakku tanrang teppasala, sibawa joppa mattulilingiwi mézba-Mu, oh Puwang,

MAZMUR 51:2

purana riyampareng ri Nabi Natan nasaba malawengngi sibawa Batsyéba.

MAZMUR 51:7

Sitongenna, majaka sipongenna rijajiyang, sibawa nakenna dosa sipongenna ri parémmanangngé.

ASSURENG 19:10

Makkekkuwangngé sitano sining tauwéro, namusuroi iyaé essoé sibawa baja passadiyai aléna untu' massompa. Harusu'i mennang sessa'i pakéyanna.

YESAYA 1:16

Bissaini alému gangka mapaccing. Pappésauwi sininna ja iya mupogau'éro. Ya, aja'na mupogau'i majaé,

YESAYA 22:14

Puwang Iya Pommatanré sibawa Pommakuwasaé mappaitangngi aléna sibawa makkeda lao ri iyya, “Tongeng, jana mennanro dé' uwaddampengengngi matu narapi maté mennang. Iyya, Puwang, pura mabbicara.”

YEHEZKIEL 36:25

Purairo Uweppikiko matu sibawa uwai macinnong, kuwammengngi namumapaccing polé ri sininna barahalamu sibawa polé ri sininna séuwa-séuwaé iya puraé carépaiko.

YEHEZKIEL 36:29

Upaleppe'ko matu polé ri sininna acarépammu. Uparéntangngi matu gandongngé kuwammengngi natuwo sibawa macommo angkanna dé'na naengka nakennako akkadéreng.

ANGIMANGENG 11:24

Séddié tau mancaji najisi'i narapi labu essoé rékko géssai bakké sala sikajunna olokolo'éwé: olokolo iya makkanukué, sangadinna iya mapuwé'é kanukunna enrengngé malléroé, sibawa olokolo iya eppaé ajéna sibawa engka pakkarebbéna. Nigi-nigi tiwi bakké olokolo pada-padaéro harusu'i sessa'i pakéyanna, iyakiya najisi' mupi narapi labu essoé.

ANGIMANGENG 11:32

Rékko iyaro bakké olokolo'é sempé'i riséddié barang, iyaro barangngé mancaji najisi'i. Iyaro gau'é kajajiyangngi untu' sininna rupanna barang polé ri ajué, kaingngé, bingkulangngé, iyaré'ga kaing karungngé, dé' namancaji soal untu' aga iyaro barangngé ripaké. Iyaro barangngé harusu'i riremmé ri uwai, iyakiya tette'i najisi' narapi labu essoé.

ANGIMANGENG 13:34

Ri esso iya mapitué, harusu'i imangngé paréssai paimeng. Rékko dé' natattale peddina, sibawa iyaro bagiyangngé paitai dé' nalebbi marilaleng naiya olié ri seddéna, iyaro tauwé ripannessai mapaccing sibawa harusu'i nasessa pakéyanna.

ANGIMANGENG 13:6

Ri esso mapitué harusu'i imangngé paréssai paimeng, narékko bagiyang iya mapeddié peddani sibawa dé'na natattamba, harusu'i imangngé pannessai iyaro tauwé mapaccing. Iyaro tenniya lasa oli iya mabbahayaé. Iyaro tauwé harusu'i sessa'i pakéyanna namancaji mapaccing.

ANGIMANGENG 14:27

nanakkeppikengngi iyaro minnya'é wekkapitu ri laleng Kémana Puwangnge sibawa jari lima ataunna.

ANGIMANGENG 15:18

Rékko purai siluséreng, muwi worowané iyaré'ga makkunraié harusu'i cemmé, iyakiya tette'i najisi' narapi labu essoé.

ANGIMANGENG 15:4

Onrong iya natudangiyé iyaré'ga natinroiyé iyaro tauwé mancaji najisi'i.

ANGIMANGENG 16:26

Tau iya paleppe'éngngi bémbé'é untu' Azazél ri padang kessi'é harusu'i nasessa pakéyanna sibawa cemmé ri wettu dé'napa nalisu ri akkémangngé.

ANGIMANGENG 16:28

Tau iya tunuéngngi harusu'i sessa'i pakéyanna sibawa cemmé ri wettu dé'napa nalisu ri akkémangngé.

ANGIMANGENG 17:15

Tungke tau Israélié iyaré'ga tau laing iya manré juku olokolo iya maté riyalé, iyaré'ga maté riyuno ri olokolo masekkangngé, harusu'i sessa'i pakéyanna nainappa cemmé sibawa mattajeng narapi labu essoé, nappai mancaji mapaccing.

ABBILANGENG 19:10

Tau iya paddeppungengngéngngi awunna sapingngéro harusu'i nasessa pakéyanna, iyakiya najisi'i narapi labu essoé. Iyaro peraturangngé takkennai untu' mannennungeng, muwi untu' tau Israélié iyaré'ga untu' tau laing iya monro tette'é ri tengnga-tengngana mennang.

ABBILANGENG 19:22

Barab-barang iya nagéssaé iyaro tau najisi'é mancaji najisi'i, sibawa tau laing iya géssaéngngi mancaji najisi' towi narapi labu essoé.

IBRANI 10:22

Rimakkuwannanaro, laono mai taddeppériwi Allataala sibawa ati iya matinulué enrengngé teppe' iya mattinettoé; sibawa ati iya puraé ripépaccingi polé ri pappénedding pasalaé, sibawa watakkalé iya puraé ripépaccingi sibawa uwai iya mapaccingngé.

IBRANI 9:14

Nah, rékko dara sibawa awuéro naulléi pépaccingiwi anajisikenna sining tauwéro, apalagi darana Kristus! Naolai Roh iya mannennungengngé, nakkasuwiyangengngi Aléna lao ri Allataala selaku akkarobangeng iya sukkué. Dara-Na pépaccingiwi atitta polé ri upacara agamaé iya dé'é nakkéguna, kuwammengngi weddikki tumaningiwi Allataala iya tuwoé.

IBRANI 9:26

Saba' rékko makkuwairo, bettuwanna iyaro makkolik-kolinni manrasa-rasa sipongenna ripancaji linoéwé. Iyakiya annessana, makkekkuwangngé ri wettu paccappurengngéwé, siseng bawang polé untu' leddai dosaé ri laleng nakkarobangenna Aléna.

YAKOBUS 4:8

Addeppériwi Allataala, nanaddeppéri tokko matu Allataala. Paccingiwi limammu, iko iya madosaé! Sibawa cinnongiwi atimmu, iko iya mappakka atié!

WAHYU 7:14

Umappébali, “Dé' uwissengngi Puwang. Puwang muto missengngi.” Nakkeda lao ri iyya, “Iyanaé sining tau iya salama'é laloiwi wettu paccallangngé iya maseroé. Purani mennang nasessa jumbana enrengngé naébbui maputé sibawa darana Ana' Bimbala'éro.

1 SAMUEL 20:26

Iyakiya dé' nasinggungngi Saul iyaro keadaangngé ri essoéro, saba' pikkiri'na, “Naullé kapang engka kennai, angkanna dé' namapaccing situru agamaé.”