ANGIMANGENG 15:28 - KITTA KAREBA MADECENG

²⁸ Mappésaunnana iyaro addarangngé, iyaro makkunraiyé harusu'i mattajeng pitungngesso ittanasi. Purapiro nainappa mapaccing.

ANGIMANGENG 15:28 ပူးပေါင်းရင်းမြစ်များ

ANGIMANGENG 15:27

Nigi-nigi géssai iyaro onrongngé mancaji najisi' towi. Harusu'i nasessa pakéyanna enrengngé cemmé, sibawa najisi'i narapi labu essoé.

ANGIMANGENG 15:29

Ri esso maaruwaé harusu'i tiwi duwakkaju jangang-jangang lolo iyaré'ga bekku lolo lao ri imangngé ri yolona sumpanna Kémana Puwangnge.

MATIUS 1:21

Najajiyangngi matu Maria séddi ana' worowané. Iyaro ana'é harusu'i muwéréng aseng Yésus, nasaba Napassalama'i matu umma'-Na polé ri dosana mennang.”

1 KORINTUS 1:30

Allataala muto mébbui angkanna Saudara masséddi sibawa Kristus Yésus. Naolai Kristus naripancajiki mapanré. Sibawa naolai Alénato, naébbuki Allataala simadécéngeng paimeng sibawa Aléna enrengngé pancajiki umma'-Na iya mapaccingngé, kuwaéttopa paleppe'ki.

1 KORINTUS 6:11

Siyagangngaré ri yelle'mu riyolo kédo-kédo makkuwaro. Iyakiya makkekkuwangngé ripannessano mapaccing polé ri dosaé. Mancajino appunnangenna Allataala iya ripallaingngé. Simadécéngenno paimeng sibawa Allataala, nasaba mateppe'ko lao ri Puwang Yésus Kristus sibawa nasaba akuwasanna Roh polé ri Allataala.

GALATIA 3:13

Iyakiya Kristus paleppe'ki polé ri tanrona Hukkunna Agamaé. Napogau'i iyaro ri laleng naleppessanna aléna tattanro nasaba idi. Saba' ri laleng Kitta'é tarokii, “Tattanroi tau iya maté rigattung ri alliri ajué.”

GALATIA 4:4

Iyakiya ri wettunna iya teppa'é, nasuroi Allataala Ana'-Na lao ri linoé. Iyaro Ana'-Na rijajiyangngi riséddié makkunrai sibawa tuwo ri yawana akuwasanna Hukkunna Agamaé.