ANGIMANGENG 15:18 - KITTA KAREBA MADECENG

¹⁸ Rékko purai siluséreng, muwi worowané iyaré'ga makkunraié harusu'i cemmé, iyakiya tette'i najisi' narapi labu essoé.

ANGIMANGENG 15:18 ပူးပေါင်းရင်းမြစ်များ

2 SAMUEL 11:4

Nassurowanni Daud mobbii iyaro makkunraié, napolénana ri saorajaé, siatinronni sibawa Daud. (Silalona Batsyéba pura pogau'i upacara pappépaccing pajanana maddara.) Purairo lisuni ri bolana.

MAZMUR 51:5

Saba' uwangakuiwi sining asalakku, tuli uwéngngerangngi dosaku.

ANGIMANGENG 15:16

Rékko séddié worowané passu manning, harusu'i cemmé iyakiya tette'i najisi' narapi labu essoé.

ANGIMANGENG 15:17

Agi-agi polé ri kaingngé iyaré'ga bingkulangngé iya nakennaé manningngéro harusu'i ribissai, iyaro aga-agaé najisi'i narapi labu essoé.

ANGIMANGENG 15:5

Nigi-nigi géssai tau iya passué manning, iyaré'ga onrong atinronna, iyaré'ga tudang ri onrong iya puraé natudangi iyaré'ga namméccui iyaro tauwé, harusu'i nasessa pakéyanna enrengngé cemmé, sibawa najisi'i narapi labu essoé.

1 KORINTUS 6:12

Engka powadai, makkedaé tungke' tau weddingngi napogau' sininna séuwa-séuwaé. Iyakiya untu' ri aléku dé' nakkéguna maneng. Jaji namuni wedding upogau' agi-agi, iyakiya dé' umaélo malleppessangngi aléku rikuwasai ri muwi aga.

1 KORINTUS 6:18

Abélaiwi pangkaukeng-pangkaukeng iya mappangaddiyé. Saba' sininna dosa laing iya napogau'é tauwé, kajajiyangngi ri saliwenna tubunna tauwéro. Iyakiya tau iya pogau'éngngi mappangaddiyé, bettuwanna pogau'i dosa lao ri tubunna muto.

2 TIMOTIUS 2:22

Abélaiwi asennangeng-asennangenna tau malaloé. Akkuragano untu' tuwo situru élona Allataala, matinulu lao ri pappagguruwan-Na, mamaséiwi pada-padatta sibawa mappunnai ariyawang ri laleng atié. Tuwono makkuwaro sibawa mennang iya mangobbié méllau pattulung ri Puwangngé sibawa ati iya mapaccingngé.

IBRANI 13:4

Sininna tauwé harusu'i mappaitangngi kédo-kédo mappakalebbié lao ri akawingengngé, iyanaro saba'na sitinajai lakkaié sibawa bainé matinulu séddié lao ri laingngé. Tau iya mappangaddié sibawa tau iya malawengngé ri adélékiwi matu ri Allataala.

1 PETRUS 2:11

Saudara-saudara iya ripojiyé! Iko iyanaritu tau polé-polé sibawa passollé ri linoéwé. Rimakkuwannanaro uwéllauwi sibawa masero kuwammengngi aja' muwaccowériwi hawa napessu tolinomu iya tuli mammusué méwai nyawaé.