ANGIMANGENG 15:15 - KITTA KAREBA MADECENG

¹⁵ Harusu'i nakkasuwiyangeng imangngé manu'-manu' iya sikajué untu' akkarobangeng paddampengeng dosa, sibawa iya sikajuéssi untu' akkarobangeng ritunu. Nanallalengiro pakangkani imangngé upacara pappépaccinna iyaro tauwé ri yolona Puwangnge.

ANGIMANGENG 15:15 ပူးပေါင်းရင်းမြစ်များ

ANGIMANGENG 11:24

Séddié tau mancaji najisi'i narapi labu essoé rékko géssai bakké sala sikajunna olokolo'éwé: olokolo iya makkanukué, sangadinna iya mapuwé'é kanukunna enrengngé malléroé, sibawa olokolo iya eppaé ajéna sibawa engka pakkarebbéna. Nigi-nigi tiwi bakké olokolo pada-padaéro harusu'i sessa'i pakéyanna, iyakiya najisi' mupi narapi labu essoé.

ANGIMANGENG 11:31

Nigi-nigi géssai iyaro olokolo'é iyaré'ga bakkéna mancaji najisi'i narapi labu essoé.

ANGIMANGENG 11:32

Rékko iyaro bakké olokolo'é sempé'i riséddié barang, iyaro barangngé mancaji najisi'i. Iyaro gau'é kajajiyangngi untu' sininna rupanna barang polé ri ajué, kaingngé, bingkulangngé, iyaré'ga kaing karungngé, dé' namancaji soal untu' aga iyaro barangngé ripaké. Iyaro barangngé harusu'i riremmé ri uwai, iyakiya tette'i najisi' narapi labu essoé.

ANGIMANGENG 11:39

Nigi-nigi géssai bakké olokolo iya hallala'é mancaji najisi'i narapi labu essoé.

ANGIMANGENG 11:40

Tau iya tiwiéngngi iyaré'ga manréi iyaro bakké harusu'i nasessa pakéyanna, iyakiya tette'i najisi' narapi labu essoé.

ANGIMANGENG 12:7

Imangngé harusu mabéréyangngi pakkasuwiyanna lao ri Puwangnge sibawa pogau'i upacaraé untu' leddai anajisikenna iyaro makkunraié, angkanna mancaji mapaccing. Jaji iyanaro harusu napogau' séddié makkunrai rékko purai mémmana'.

ANGIMANGENG 12:8

Rékko iyaro makkunraié dé' naulléi passadiya sikaju ana' bimbala, harusu'i tiwi duwak-kaju jangang-jangang lolo iyaré'ga bekku lolo: sikaju untu' akkarobang ritunu sibawa sikaju untu' akkarobang paddampengeng dosa. Harusu'i imangngé napogau' upacaraé untu' leddai anajisikenna iyaro makkunraié, namancaji mapaccing.

ANGIMANGENG 4:20

Carana pada-pada pakkasuwiyang saping lai untu' akkarobangeng paddampengeng dosaé. Makkuwaniro carana Imang Lompoé makkasuwiyangeng akkarobangeng untu' dosa-dosana umma'é, nanaddampengengngi matu Puwangnge iyaro dosa-dosaé.

ANGIMANGENG 4:26

Nainappa sininna lunra'na iyaro olokolo'é harusu'i ritunu ri yasé'na mézbaé, pada-pada ri akkarobangeng pappasidamé. Makkuwaniro carana imangngé makkasuwiyangeng akkarobangeng untu' dosana séddié panguwasa, nariyaddampengeng matu iyaro tauwé ri Puwangnge.

ANGIMANGENG 4:31

Sininna lunra'na iyaro olokolo'é harusu'i riyala pada-pada akkarobangeng pappasidamé. Iyaro lunra'é harusu'i natunu imangngé ri yasé'na mézbaé, na baunna pésennangiwi atinna Puwangnge. Makkuwaniro carana imangngé makkasuwiyangeng akkarobangeng untu' dosana séddié tau polé ri ra'ya' biyasaé, nariyaddampengeng iyaro tauwé ri Puwangnge.

ANGIMANGENG 4:35

Nainappa harusu'i riyala maneng lunra'na iyaro olokolo'é pada-pada ri akkarobangeng pappasidamé. Iyaro lunra'é harusu'i ritunu ri yasé'na mézbaé, silaong akkarobangeng inanré iya riyakkasuwiyangengngé lao ri Puwangnge. Makkuwaniro carana imangngé makkasuwiyangeng akkarobangeng untu' dosana tauwéro, nariyaddampengeng matu ri Puwangnge.

ABBILANGENG 15:25

Nainappa harusu'i napogau' imangngé upacara paddampengeng dosaé untu' umma'é. Nariyaddampengeng matu mennang nasaba iyaro asalangngé dé' nattungkaiwi pogau'i, sibawa nasaba purani mennang tiwi akkarobangeng paddampengeng dosa nenniya akkarobangeng ritunu lao ri Puwangnge.

ABBILANGENG 25:13

Aléna sibawa wija-wijanna Upattette selaku imang untu' mannennungeng, nasaba makkuwamani patona pura méwai-Ka, Allataalana, sibawa pura pakangka pappasidamé untu' dosana tau Israélié.”

MATIUS 3:17

Nainappa naéngkalingani saddanna Allataala makkeda, “Iyanaé Ana'-Ku iya Uwamaséiyé. Napésennangi atik-Ku.”

EFESUS 1:6

Ripojiwi Allataala iya marajaé nasaba naolai Ana'-Na iya naéloriyé, Nanamaséi senna'ki.

IBRANI 1:3

Aléna ritu mattapparengngi arajanna Allataala iya millakkillangngé; Aléna ritu gambara'na Allataala iya manessaé. Aléna tona piyarai akkalépunna alangngéwé ri laleng saddan-Na iya makuwasa senna'é. Puranana napakkullé rupa tauwé untu' ripaleppe polé ri dosa-dosana mennang, natudangini kadéra apparéntangngé ri surugaé silaong Allataala, Panguwasa iya kaminang matanré.