ANGIMANGENG 15:14 - KITTA KAREBA MADECENG

¹⁴ Ri esso iya maaruwaé harusu'i tiwii duwakkaju jangang-jangang lolo iyaré'ga bekku lolo ri yolona sumpanna Kémana Puwangnge nainappa nabbéréyang lao ri imangngé.

ANGIMANGENG 15:14 ပူးပေါင်းရင်းမြစ်များ

ANGIMANGENG 1:14

Rékko iya nakkasuwiyangengngé sikajuwi manu'-manu', harusu'i iyaro manu'-manu'é bekku iyaré'ga jangang-jangang maloloé.

ANGIMANGENG 12:6

Puranana wettu pappépaccinna, muwi nasaba purai jajiyang ana' worowané iyaré'ga ana' makkunrai, iyaro makkunraié harusu'i tiwii pakkasuwiyang lao ri imangngé ri yolona sumpang Kémana Puwangnge. Iyaro pakkasuwiyangngé iyanaritu sikaju ana' bimbala iya makkéumuru sitaungngé untu' akkarobang ritunu, sibawa sikaju jangang-jangang lolo untu' akkarobang paddampengeng dosa.

ANGIMANGENG 12:8

Rékko iyaro makkunraié dé' naulléi passadiya sikaju ana' bimbala, harusu'i tiwi duwak-kaju jangang-jangang lolo iyaré'ga bekku lolo: sikaju untu' akkarobang ritunu sibawa sikaju untu' akkarobang paddampengeng dosa. Harusu'i imangngé napogau' upacaraé untu' leddai anajisikenna iyaro makkunraié, namancaji mapaccing.

ABBILANGENG 6:10

Ri esso iya maaruwaé harusu'i tiwi duwakkaju jangang-jangang iyaré'ga bekku lao ri imangngé ri sumpang Kémana Puwangnge.

2 KORINTUS 5:21

Dé' namadosa Kristus, iyakiya Allataala mébbui Natanggungngi dosata, kuwammengngi tasimadécéngeng paimeng sibawa Allataala nasaba masséddiki sibawa Kristus.

IBRANI 10:10

Purani napogau' Yésus Kristus iya napuwéloé Allataala makkasuwiyangengngi Aléna selaku akkarobangeng. Iyakiya iyaro pakkasuwiyangengngé Napogau'i banna sisemmi bawang lettu mannennungeng ripaccingi manekki polé ri dosaé.

IBRANI 10:12

Sibalé'na, Kristus makkasuwiyangeng banna séddi akkarobangeng untu' paddampengeng dosa, iyaro akkarobangengngé makkanréi lettu mannennungeng. Purana nakkasuwiyangeng iyaro akkarobangengngé, tudanni Kristus ri seddé ataunna Allataala, mapparénta silaong Aléna.

IBRANI 10:14

Jaji nasibawang séddi akkarobangeng, napassukkui Kristus sining tau iya puraé ripaccingi polé ri dosaé.

IBRANI 7:26

Jaji, Yésusnaro ritu Imang Lompo iya tapparelluwangngé. Mapaccingngi: ri Aléna dé'gaga asalang iyaré'ga muwi dosa aga. Ripallaingngi polé risining tau madosaé, sibawa ripaénré'i lettu ri onrong iya lebbi matanré polé ri sininna langié.