ANGIMANGENG 14:7 - KITTA KAREBA MADECENG

⁷ Imangngé makkeppikengngi wékkapitu iyaro dara manu'-manu'é lao ri tau iya majjappaénna, sibawa pannessai mapaccing. Nainappa manu'-manu' iya tuwoé mupa harusu'i rileppessang ri padangngé.

ANGIMANGENG 14:7 ပူးပေါင်းရင်းမြစ်များ

2 ARUNG-NGARUNG 5:10

Suroni Elisa séddi pattumani untu' makkeda makkuwaé lao ri Naaman, “Laoki Puwang cemmé wékkapitu ri Salo Yordan, namajjappa siseng matti Puwang.”

2 ARUNG-NGARUNG 5:14

Rimakkuwannanaro laoni Naaman ri Salo Yordan, nanauttama sibawa patallemme'i aléna ri laleng saloéro wékkapitu pada-pada iya nassurowangngé Elisa. Nanajjappana Naaman. Madisinni watakkaléna paimeng pada-pada watakkaléna kalloloé.

MAZMUR 51:2

purana riyampareng ri Nabi Natan nasaba malawengngi sibawa Batsyéba.

MAZMUR 51:7

Sitongenna, majaka sipongenna rijajiyang, sibawa nakenna dosa sipongenna ri parémmanangngé.

YESAYA 52:15

Iyakiya makkekkuwangngé maéga bangsa naébbu hérang, mammekkoi sining arungngé nasaba bengngai. Naitai matu sibawa najeppuiwi, iya riyolonaé dé' mennang naissengngi.”

YEHEZKIEL 36:25

Purairo Uweppikiko matu sibawa uwai macinnong, kuwammengngi namumapaccing polé ri sininna barahalamu sibawa polé ri sininna séuwa-séuwaé iya puraé carépaiko.

DANIEL 9:24

Wékkapitu pituppulo taung iyanaritu wettu iya napattette'é Allataala untu' paleppe'i bangsamu sibawa kotamu iya mapaccingngéro polé ri dosaé sibawa jaé. Sininna dosaé riyaddampengengngi sibawa ripatettongngi adélékeng iya mannennungengngé, angkanna pakkitang sibawa botoéro mannessai matu, sibawa Bolana Puwang iya mapaccingngéro riyassompaisi matu lao ri Puwangnge.

ANGIMANGENG 13:13

sibawa manuru pamaréssanna iyaro lasaé massanrani risininna watakkaléna sibawa maputé manenni olina, iyaro tauwé ripannessani mapaccing.

ANGIMANGENG 13:17

untu' riparéssa paimeng. Rékko iyaro boro mannanaé mémeng maputéni, imangngé pannessai iyaro tauwé mapaccing.

ANGIMANGENG 14:51

Nainappa aju camaraé, tulu cella'é, hisop-é sibawa manu'-manu' tuwoé mupa harusu'i ritellengeng ri laleng dara manu'-manu' iya pura géréé sibawa ri laleng uwai makessingngé. Puranana, iyaro bolaé harusu'i riyeppiki wékkapitu.

ANGIMANGENG 16:14

Nainappa harusu'i Harun malai céddé dara sapingngé, nanakkeppikengngi sibawa jarinna iyaro daraé lao ri bagiyang yolona pattongkona Petti Assijancingngé sibawa wékkapitu ri yolona Pettié.

ANGIMANGENG 16:19

Nasibawang jarinna harusu'i makkeppikengngi céddé iyaro wékkapitu ri yasé'na mézbaé. Nasibawang caraéro napaccingiwi mézbaé polé ri anajisikenna bangsa Israélié, kuwammengngi namancaji mapaccing.

ANGIMANGENG 16:22

Iyaro bémbé'é natiwi manengngi dosana bangsa Israélié ri daéra makabuttué iya dé'é narionroi sibawa harusu'i rileppessang ri padang kessi'é.

ANGIMANGENG 4:17

Kuwaniro harusu natellengeng jarinna ri laleng daraéro nainappa nakkeppikeng wékkapitu ri yolona paddenring iya lacce'éngngi Bili' Mapaccingngé.

ANGIMANGENG 4:6

Nainappa harusu'i natellereng jarinna ri laleng daraéro nanakkeppikengngi wékkapitu ri yolona paddenring iya lacce'éngngi Bili' Mapaccingngé.

ANGIMANGENG 8:11

Céddé polé ri minnya'éro riyakkeppikeng wékkapitu ri yasé'na mézbaé sibawa sininna passakke'na, makkuwatoro ri yasé'na kullangngé sibawa pabborina. Nanallalengiwi iya manenna ripallaingngi untu' Puwangnge.

MIKHA 7:19

Maressési-Ko matu lao ri idi sibawa maddampengekki. Muléjja'-léjja'i matu dosa-dosata sibawa Muwaggenrungengngi lao ri borina tasi'é!

ABBILANGENG 19:12

Ri esso matellué sibawa mapitué harusu'i napépaccingi aléna sibawa uwai upacara; nappai mapaccing. Iyakiya rékko ri esso matellué sibawa mapitué dé' napépaccingiwi aléna, tette'i najisi'.

YOHANES 19:34

Iyakiya sala séddinna polé risining prajuri'éro gajangngi benrénna Yésus sibawa bessi; nassuna daraé sibawa uwai.

IBRANI 10:22

Rimakkuwannanaro, laono mai taddeppériwi Allataala sibawa ati iya matinulué enrengngé teppe' iya mattinettoé; sibawa ati iya puraé ripépaccingi polé ri pappénedding pasalaé, sibawa watakkalé iya puraé ripépaccingi sibawa uwai iya mapaccingngé.

IBRANI 12:24

Laoko mangolo ri Yésus, Pappasisumpung untu' assijancingeng iya mabaruéro; muwoloiwi pecci dara iya tanggungngéngngi gau'-gau' iya mabéla lebbi kessingngé naiya natanggungngé darana Habél.

IBRANI 9:13

Dara bémbé sibawa saping laié enrengngé awunna akkarobangenna ana' sapingngé, ripakéi untu' meppikiwi sining tau iya najisi'é manuru hukkung agamaé; kuwammengngi namapaccing mennang.

IBRANI 9:19

Bunge'-bunge'na napalettu'i Musa sininna paréntana hukkunna Allataala lao ri bangsa Israélié. Purairo malani Musa dara ana' saping sibawa dara bémbé lai, nainappa nacampuru'i sibawa uwai, nainappa naeppikeng Kitta' Hukkung-hukkunna Allataala sibawa ri sininna bangsa Israélié sibawa paké wella hisop sibawa bulu-bulu bimbala' macella cowaé.

IBRANI 9:21

Nainappa nasibawang cara iya padaé, nakkeppikeng toni Musa iyaro daraé ri Kémana Puwangngé sibawa ri sininna paréwa-paréwa untu' assompangngé.

IBRANI 9:26

Saba' rékko makkuwairo, bettuwanna iyaro makkolik-kolinni manrasa-rasa sipongenna ripancaji linoéwé. Iyakiya annessana, makkekkuwangngé ri wettu paccappurengngéwé, siseng bawang polé untu' leddai dosaé ri laleng nakkarobangenna Aléna.

1 YOHANES 5:6

Yésus Kristus ritu iya polé ri linoé sibawa uwai paccemmé-Na enrengngé nasibawang dara amatén-Na. Poléi tenniya banna nasibawang uwai bawang, iyakiya nasibawang uwai sibawa dara. Na Rohna muto Allataala mabbéré asabbiyang makkedaé tongengngi iyaro, saba' Roh-é dé' naengka nabbellé.