ANGIMANGENG 14:40 - KITTA KAREBA MADECENG

^40-41 harusu'i napparéntang kuwammengngi batu-batu témbo' iya nakennaé atabukenro ribongkara'i sibawa sininna témbo' bagiyang ri lalenna ri keri'i. Akkerikeng sininna peléstéranna sibawa batu-batuéro harusu'i riyabbéyang riséuwaé onrong iya najisi'é ri saliweng kota.

ANGIMANGENG 14:40 ပူးပေါင်းရင်းမြစ်များ

MAZMUR 101:5

Tau mappétenna'é sibawa mammekko-mekko upabbinasai matu. Tau matempoé sibawa matanré atié dé' matu uleppessangngi.

AMSAL 22:10

Paddésu'i tau iya pojiyéngngi mappakatuna, namappésauna assisalangngé, assimusurengngé sibawa sicella-cellaé.

ANGIMANGENG 14:39

Ri esso iya mapitué harusu'i polé sibawa paréssai paimeng. Rékko tattale'i iyaro atabukengngé,

ANGIMANGENG 6:11

Purairo harusu'i nasulléi pakéyanna nanatiwii iyaro awué ri saliwenna akkémangngé, ri onrong iya ripattentué untu' iyaro.

MATIUS 18:17

Rékko dé' natarimai pangajana iyaro sining tauwé, paissengini iyaro gau'é lao ri jema'é. Na angkanna, rékko dé' namaélo tarimai pangajana jema'é, angga'ni selaku passinge' sima sibawa séddi tau iya dé'é naissengngi Allataala.”

YOHANES 15:2

Tungke' takké-Ku iya dé'é nakkébuwa, narette'i, sibawa tungke' takké mabbuwaé, nakurangiwi daunna sibawa Napaccingiwi kuwammengngi nalebbi maégapasi buwana.

TITUS 3:10

Tau iya nassabariyé assisalang ri laleng jema'é, sitinajai muwampareng siseng iyaré'ga wékkaduwa; purairo aja'na musiwollompollong sibawa aléna.

WAHYU 2:2

Uwisseng aga iya muwébbué: majjama laddé'ko enrengngé sabbara senna'. Uwisseng makkedaé dé' muwéréngngi ati tau majaé. Sibawa sining tau iya mangakuiyéngngi aléna rasul, padahal tenniya, purani muwoji, namulolongengngi makkedaé pabbelléngngi mennang.

WAHYU 2:20

Iyakiya iyaé pappotane'-Ku lao ri iko: Muwéréngngi ati Izebél, makkunrai iya mangakuiyéngngi aléna surona Allataalaro. Maégani ata-atak-Ku iya nabengnguwangngé enrengngé napaggurui untu' mappangaddi enrengngé untu' manréi nanré iya puraé riyakkasuwiyangeng lao ri barahalaé.

WAHYU 2:6

Iyakiya engka séuwa iya makessingngé ri iko, iyanaritu: Mubenciwi pangkaukenna sining tau maccowériyéngngi Nikolaus, iya Ubenciyétto.

WAHYU 22:15

Iyakiya sining tau iya pogau'éngngi sining gau' iya matunaé, iya makkégunangngéngngi sining pangissengeng mappalennye'-lennye'é, iya pogau'éngngi pangkaukeng mappangaddié, iya mabbunoé, iya massompaé barahala, sibawa iya madosaé muwi sibawa ada-ada iyaré'ga sibawa pangkaukeng, sininna tauwéro onronna iyanaritu ri saliwennai kotaéro.