ANGIMANGENG 14:21 - KITTA KAREBA MADECENG

²¹ Rékko kasiyasiwi iyaro tauwé, sibawa dé' namampu, untu' akkarobang passullé arogingngé weddingngi tiwi sikaju ana' bimbala lai bawang untu' pakkasuwiyang tanréyangeng lao ri Puwangnge. Séddi kilo labbu ricampuru sibawa minnya zaitun, sibawa untu' akkarobangeng ripatalaé, tawatellubbang minnya zaitun.

ANGIMANGENG 14:21 ပူးပေါင်းရင်းမြစ်များ

AYUB 34:19

Dé' naccowé lao risining arungngé, iyaré'ga lebbirengngi tau sugié naiya tau kasiyasié. Nasaba iya manenna mennang iyanaritu winru-Na.

AMSAL 17:5

Niga méllé-kéllé'i tau kasiyasié, napakatunai Allataala sibawa pappancajinna. Niga marennu lao ri acilakanna tauwé, pasti lolongeng pahukkungeng.

AMSAL 22:2

Tau sugié sibawa tau kasiyasié mappunnaiwi séddi gau' iya padaé: Puwangnge ritu pancaji manengngi mennang.

YEHEZKIEL 46:7

Nasilaongeng tungke saping laié sibawa bémbé laié, harusu'i makkasuwiyangeng gandong singngéga 17,5 bang, sibawa nasilaongeng tungke ana' bimbala'é, siyagi-siyagi situru cinnana. Tungke akkarobangeng gandongngé harusu'i nasilaongeng pakkasuwiyang minnya zaitun tellu bang.

ANGIMANGENG 1:14

Rékko iya nakkasuwiyangengngé sikajuwi manu'-manu', harusu'i iyaro manu'-manu'é bekku iyaré'ga jangang-jangang maloloé.

ANGIMANGENG 12:8

Rékko iyaro makkunraié dé' naulléi passadiya sikaju ana' bimbala, harusu'i tiwi duwak-kaju jangang-jangang lolo iyaré'ga bekku lolo: sikaju untu' akkarobang ritunu sibawa sikaju untu' akkarobang paddampengeng dosa. Harusu'i imangngé napogau' upacaraé untu' leddai anajisikenna iyaro makkunraié, namancaji mapaccing.

ANGIMANGENG 14:10

Ri esso iya maaruwaé harusu'i iyaro tauwé tiwi duwa ana' bimbala' lai sibawa sikaju ana' bimbala' komba iya makkéumuru'é sitaung, iya dé'é gaga sala-salanna. Ri lainnaʻro telluto kilo labbu iya puraé ricampuru sibawa minnya zaitun nenniya tawatellubbang minnya zaitun.

ANGIMANGENG 14:22

Harusu towi tiwi duwakkaju jangang-jangang lolo iyaré'ga bekku malolo: sikaju untu' akkarobangeng paddampengeng dosa, sibawa sikaju untu' akkarobangeng ritunu.

ANGIMANGENG 27:8

Rékko tau iya mattinja'é kasiyasi senna'i untu' mpajai iya ripattentué, harusu'i natiwi tau iya puraé riyakkasuwiyangeng lao ri Puwang-ngéro lao ri imangngé. Harusu'i imangngé pattentui elli iya lebbi mariyawaé situru amampungenna tauwéro.

ANGIMANGENG 5:11

Rékko tau iya pasalaé dé' namampu passadiya sipasang bekku iyaré'ga jangang-jangang untu' akkarobangeng paddampengeng dosa, harusu'i tiwi sikilo labbu. Iyaro labbu'é dé' nawedding ricampuru minnya zaitun iyaré'ga nasibawang kamennyang, saba' iyaro akkarobangngé iyanaritu akkarobang paddampengeng dosa na tenniya akkarobangeng ripatala.

ANGIMANGENG 5:7

Iyakiya rékko tau iya pasalaé dé' namampu passadiya bimbala iyaré'ga bémbé untu' mpajai dosana, harusu'i tiwi sipasang bekku iyaré'ga jangang-jangang lolo, sikaju untu' akkarobangeng paddampengeng dosa, sibawa sikaju untu' akkarobangeng ritunu.

LUKAS 6:20

Naitani Yésus ana'-ana' gurun-Na, nainappa makkeda, “Asennanno iko sining tau kasiyasié, nasaba anggotanako umma'na Allataala!

2 KORINTUS 8:12

Rékko macennikko mabbéré, natarimai matu Allataala iyaro pabbérému situru aga iya engkaé ri iko, dé' nasituru' aga iya dé'é naengka ri iko.

2 KORINTUS 8:9

Saba' muwisseng tongeng makkedaé riyamaséi senna'ki ri Yésus Kristus Puwatta: Aléna sugii, iyakiya napakasiyasiwi Aléna untu' apentingemmu, kuwammengngi nasaba akasiyasin-Naro, namusugi.

1 SAMUEL 2:8

Polé ri apeddirengngé Naakkai tau dé'é angke'na, polé ri anrasa-rasangngé Napaleppe'i tau iya matunaé. Ripancajiwi mennang sellaona sining arungngé, sibawa riwéréng jabatang malebbi. Pallanggana linoé nappunnaiwi Puwangnge, ri yasé'na Napatettongngi linoé.