ANGIMANGENG 14:14 - KITTA KAREBA MADECENG

¹⁴ Harusu'i imangngé malai céddé dara ana' bimbala'é nainappa nassapuwang ri daucculing ataunna, ri indo' jari lima ataunna sibawa indo' jari ajé ataunna tau maéloé ripannessa mapaccing.

ANGIMANGENG 14:14 ပူးပေါင်းရင်းမြစ်များ

ASSURENG 29:20

Nainappa mugéré iyaro bimbala laié, alai céddé darana sibawa sapuwangngi daucculing ataunna Harun sibawa ana'-ana'na, ri indo' jari lima ataunna sibawa indo' ajé ataunna. Sésana iyaro daraé harusu'i muwabboloreng ri iya eppa benrénna mézbaé.

YESAYA 1:5

Magi mumatteru bawang mabbanta? Maélokoga rihukkung lebbi tane'pa? Pennoni ulummu sibawa sining lettang mannanaé, ati sibawa pikkirammu mapeddini.

ANGIMANGENG 14:19

Nainappa harusu'i imangngé makkasuwiyang akkarobangeng paddampengeng dosa kuwammengngi namapaccing tau iya najisi'éro. Purairo harusu'i géré olokolo untu' akkarobangeng ritunu

ANGIMANGENG 14:25

Nainappa imangngé harusu géréi iyaro ana' bimbala'é sibawa massapuwangngi céddé darana ri daucculing ataunna, indo' jari lima ataunna sibawa indo' jari ajé ataunna tau iya maéloé ripannessa mapaccing.

ROMA 12:1

Saudara-saudara! Makessing senna'i Allataala lao ri idi. Iyanaro saba'na uwéllauwi sibawa masero kuwammengngi muwakkasuwiyangengngi aléna selaku séddi akkalarapangeng tuwo iya ripallaingngé untu' Allataala sibawa pésennangiwi atin-Na. Assompako lao ri Allataala harusu'i makkuwaro.

ROMA 6:13

Aja'to muwabbéréyangngi anggota tubummu lao ri akuwasanna dosaé untu' riyakkégunang lao ri akkatta-akkatta majaé. Iyakiya abbéréyangngi alému lao ri Allataala selaku sining tau iya puraé ripalétté polé ri amaténgngé lao ri atuwongngé. Abbéréyang manengngi alému lao ri Allataala kuwammengngi nariyakkégunang untu' élona Allataala.

ROMA 6:19

Nasaba makkumani lemmana pappéjeppummu, makkégunakka conto-conto angatangeng kuwammengngi nalebbi gampang mupahang. Riyolo muwabbéréyangngi alému selaku ata lao ri gau'-gau' iya macarépaé sibawa majaé untu' akkatta-akkatta majaé. Makkuwatoro makkekkuwangngé, sitinajako mabbéréyangngi sininna alému selaku ata lao ri élona Allataala untu' akkatta-akkattana Allataala iya mapaccingngé.

1 KORINTUS 6:20

Allataala pura melliko sibawa purana nawaja maneng. Rimakkuwannanaro, pakéi tubummu pékkugi caramu angkanna Allataala ripakalebbi.

2 KORINTUS 7:1

Saudara-saudara iya upojiyé! Sininna iyaro jancié ripattujui lao ri idi. Rimakkuwannanaro sitinajaki pépaccingiwi alé polé ri sininna iya rota'iyéngngi tubu nyawata. Sitinajaki métau ri Allataala, kuwammengngi tasukku nataulléi tuwo banna untu' Allataala bawang.

ULANGENG 24:8

Rékko engka lasa oli iya mabbahayaé, pogau'i sibawa tonget-tongeng aga iya napparéntangngé imang Léwié lao ri iko; accowériwi panunju-panunju iya uwéréngngéngngi mennang.

FILIPI 1:20

Iya uwacinnai senna'é sibawa uwamménasaiyé iyanaritu kuwammengngi aja' sises-siseng nasala jamakku. Sibalé'na mamménasaka kuwammengngi na tungke' wettu, lebbi-lebbipi makkekkuwangngé, weddikka mappaitang abaraningeng angkanna sininna tubu nyawaku – muwi tuwoka iyaré'ga matéka – ripakalebbii Kristus.

1 PETRUS 2:5

Iko pada-padako batu-batu iya tuwoé. Rimakkuwannanaro sitinajako maélo ripaké untu' patettongngi Bolana Allataala iya rohanié. Nanallalengiro mancajiko imang-ngimang iya tuwoé banna untu' Allataala, sibawa iya naolaéngngi Yésus Kristus makkasuwiyangengngi lao ri Allataala, akkarobangeng rohani iya naéloriyé atinna Allataala.