ANGIMANGENG 14:13 - KITTA KAREBA MADECENG

¹³ Iyaro ana' bimbala'é harusu'i rigéré ri onrong iya ripallaingngé untu' maggéré olokolo untu' akkarobangeng paddampeng dosaé sibawa akkarobangeng ritunué. Iyaro bimbala'é harusu'i rigéré kuwaro nasaba akkarobangeng passullé arogingngé sibawa akkarobangeng paddampengeng dosaé iyanaritu mapaccing senna'i sibawa mancajiwi bagiyanna imangngé.

ANGIMANGENG 14:13 ပူးပေါင်းရင်းမြစ်များ

ASSURENG 29:11

Géréi iyaro saping laié ri yolo-Ku, ri sumpang Kémaé.

YEHEZKIEL 42:13

Makkedai iyaro worowané lao ri iyya, “Mapaccing duwa iyaro bolaé. Kuwaro, sining imang iya weddingngé mangolo ri ahadérékenna Puwangnge, manréi sining akkarobangeng iya kaminang mapaccingngé. Kuwatoniro harusu mennang taroi sining akkarobangeng iya kaminang mapaccingngé, iyanaritu: akkarobangeng gandong sibawa akkarobangeng pappaledda dosa iyaré'ga akkarobangeng passullé aroging.

ANGIMANGENG 1:11

Iyaro tauwé harusu'i nagéré iyaro olokolo'é ri seddé manoranna mézbaé, nainappa sining imangngé harusu mabbolorengngi darana ri iya eppa benrénna mézbaé.

ANGIMANGENG 1:5

Nainappa iyaro sapingngé harusu'i rigéré ri yolona sumpanna Kémaé. Darana harusu'i nakkasuwiyangeng sining imang wijanna Harun lao ri Puwangnge, nainappa nabboloreng ri iya eppa benrénna mézbaé ri yolona sumpanna Kémaé.

ANGIMANGENG 10:17

“Magi iyaro akkarobangeng paddampengeng dosaé dé' muwanréi ri onrong iya mapaccingngé? Iyaro akkarobangngé mapaccing senna; Puwangnge mabbéréyangngi lao ri iko, kuwammengngi nariyaddampengeng dosana umma Israélié.

ANGIMANGENG 2:10

Lebbinna iyanaritu untu' imangngé. Iyaro rotié mapaccing senna nasaba riyalai polé ri inanré iya puraé riyakkasuwiyangeng lao ri Puwangnge.

ANGIMANGENG 2:3

Lebbinna akkarobangeng ripatalaé iyanaritu untu' sining imangngé. Iyaro akkarobangngé mapaccing senna nasaba riyalai polé ri inanré iya puraé riyakkasuwiyangeng lao ri Puwangnge.

ANGIMANGENG 21:22

Iyakiya weddingngi manré inanré iya riyakkasuwiyangngé, muwi akkarobang inanré iya mapaccingngé muwi akkarobangeng inanré iya mapaccing senna'é.

ANGIMANGENG 4:24

Harusu'i napalénne limanna ri tompo ulunna iyaro olokolo'é, nainappa nagéré ri seddé manoranna mézba, onrong maggéré olokolo'é untu' akkarobangeng ritunué.

ANGIMANGENG 4:4

Iyaro sapingngé harusu'i natiwi ri sumpang Kémana Puwangnge. Harusu'i Imang Lompoé palénne'i limanna ri tompo ulunna iyaro olokolo'é, nainappa nagéré ri yolona Kémaé.

ANGIMANGENG 7:2

Olokolo untu' akkarobangngé harusu'i rigéré ri onrong aggéréreng olokolo untu' akkarobangeng ritunué, nainappa darana riyabboloreng ri iya eppa benrénna mézbaé.