ANGIMANGENG 12:7 - KITTA KAREBA MADECENG

⁷ Imangngé harusu mabéréyangngi pakkasuwiyanna lao ri Puwangnge sibawa pogau'i upacaraé untu' leddai anajisikenna iyaro makkunraié, angkanna mancaji mapaccing. Jaji iyanaro harusu napogau' séddié makkunrai rékko purai mémmana'.

ANGIMANGENG 12:7 ပူးပေါင်းရင်းမြစ်များ

AYUB 1:5

Purana tungke' pésta, tuli moto'i Ayub maélé nanakkasuwiyangeng akkarobangeng untu' tungke'-tungke' ana'na kuwammengngi nariyaddampengeng ri Puwangnge. Saba' mappikkiri'i Ayub, weddissa jaji ana'-ana'naro madosani sibawa napakatunai Allataala tennattungkai.

AYUB 14:4

Naulléga tolino iya madosaé mappapolé gau iya sukkué?

ANGIMANGENG 1:4

Nainappa harusu'i napalénne limanna ri tompo ulunna iyaro olokolo'é, naritarima matu pakkasuwiyanna untu' paddampengeng dosana.

ANGIMANGENG 12:6

Puranana wettu pappépaccinna, muwi nasaba purai jajiyang ana' worowané iyaré'ga ana' makkunrai, iyaro makkunraié harusu'i tiwii pakkasuwiyang lao ri imangngé ri yolona sumpang Kémana Puwangnge. Iyaro pakkasuwiyangngé iyanaritu sikaju ana' bimbala iya makkéumuru sitaungngé untu' akkarobang ritunu, sibawa sikaju jangang-jangang lolo untu' akkarobang paddampengeng dosa.

ANGIMANGENG 12:8

Rékko iyaro makkunraié dé' naulléi passadiya sikaju ana' bimbala, harusu'i tiwi duwak-kaju jangang-jangang lolo iyaré'ga bekku lolo: sikaju untu' akkarobang ritunu sibawa sikaju untu' akkarobang paddampengeng dosa. Harusu'i imangngé napogau' upacaraé untu' leddai anajisikenna iyaro makkunraié, namancaji mapaccing.

ANGIMANGENG 15:15

Harusu'i nakkasuwiyangeng imangngé manu'-manu' iya sikajué untu' akkarobangeng paddampengeng dosa, sibawa iya sikajuéssi untu' akkarobangeng ritunu. Nanallalengiro pakangkani imangngé upacara pappépaccinna iyaro tauwé ri yolona Puwangnge.

ANGIMANGENG 4:20

Carana pada-pada pakkasuwiyang saping lai untu' akkarobangeng paddampengeng dosaé. Makkuwaniro carana Imang Lompoé makkasuwiyangeng akkarobangeng untu' dosa-dosana umma'é, nanaddampengengngi matu Puwangnge iyaro dosa-dosaé.

ANGIMANGENG 4:26

Nainappa sininna lunra'na iyaro olokolo'é harusu'i ritunu ri yasé'na mézbaé, pada-pada ri akkarobangeng pappasidamé. Makkuwaniro carana imangngé makkasuwiyangeng akkarobangeng untu' dosana séddié panguwasa, nariyaddampengeng matu iyaro tauwé ri Puwangnge.

ANGIMANGENG 4:31

Sininna lunra'na iyaro olokolo'é harusu'i riyala pada-pada akkarobangeng pappasidamé. Iyaro lunra'é harusu'i natunu imangngé ri yasé'na mézbaé, na baunna pésennangiwi atinna Puwangnge. Makkuwaniro carana imangngé makkasuwiyangeng akkarobangeng untu' dosana séddié tau polé ri ra'ya' biyasaé, nariyaddampengeng iyaro tauwé ri Puwangnge.

ANGIMANGENG 4:35

Nainappa harusu'i riyala maneng lunra'na iyaro olokolo'é pada-pada ri akkarobangeng pappasidamé. Iyaro lunra'é harusu'i ritunu ri yasé'na mézbaé, silaong akkarobangeng inanré iya riyakkasuwiyangengngé lao ri Puwangnge. Makkuwaniro carana imangngé makkasuwiyangeng akkarobangeng untu' dosana tauwéro, nariyaddampengeng matu ri Puwangnge.

ROMA 3:23

Sininna tauwé madosani sibawa mabélai polé ri Allataala iya maéloé passalama'i mennang.

ROMA 3:26

Iyakiya makkekkuwangngé tinda'i lao ri dosaé untu' pabuttiwi adéléken-Na. Nasibawang caraéro, nappaitangngi makkedaé tongengngi Aléna; sibawa tungke' tau iya mateppe'é ri Yésus, Ripannessai selaku tau iya simadécéngengngé paimeng sibawa Allataala.

1 KORINTUS 7:14

Nasaba lakkai iya dé'é namateppe' ripalaloi untu' mancaji umma'na Allataala nasaba allaibinéngenna sibawa bainé iya mancajiyénna appunnangenna Allataala. Makkuwatoro bainé iya dé'é namateppe' ripalaloi mancaji umma'na Allataala, nasaba allaibinéngenna sibawa lakkai iya mancajiyénna appunnangenna Allataala. Rékko dé' nakkuwaro, ana'-ana'na mennang tentu pada-padai ana'-ana' kapéré'é, padahal iyaro ana'-ana'é riyangga'i selaku anggotana umma'na Allataala.

GALATIA 3:28

Ri laleng passalengngéwé dé'na naripasilaingeng tau Yahudié sibawa tenniyaé Yahudi, ataé sibawa tau maradéka'é, worowané sibawa makkunraié. Séddi maneng mani Saudara nasaba Kristus Yésus.