ANGIMANGENG 12:6 - KITTA KAREBA MADECENG

⁶ Puranana wettu pappépaccinna, muwi nasaba purai jajiyang ana' worowané iyaré'ga ana' makkunrai, iyaro makkunraié harusu'i tiwii pakkasuwiyang lao ri imangngé ri yolona sumpang Kémana Puwangnge. Iyaro pakkasuwiyangngé iyanaritu sikaju ana' bimbala iya makkéumuru sitaungngé untu' akkarobang ritunu, sibawa sikaju jangang-jangang lolo untu' akkarobang paddampengeng dosa.

ANGIMANGENG 12:6 ပူးပေါင်းရင်းမြစ်များ

KAJAJIYANG 15:9

Nappébali Puwangnge, “Alak-Ka sikaju saping komba, sikaju bémbé komba sibawa sikaju bémbé lai, tungke'-tungke' makkéumuru telluttaung, sibawa sikajuto bekku sibawa sikaju jangang-jangang.”

ANGIMANGENG 12:2

untu' bangsa Israélié. Rékko séddié makkunrai jajiyang ana' worowané, pitungngesso ittana najisi' iyaro makkunraié, pada-pada muto wettunna maddara.

ANGIMANGENG 12:5

Rékko séddié makkunrai jajiyang ana' makkunrai, seppulo eppa essona iyaro makkunraié najisi', pada-pada muto ri wettunna maddara. Purairo enneng pulona enneng essosi iyaro makkunraié najisi'i nasaba maddarai.

ANGIMANGENG 12:7

Imangngé harusu mabéréyangngi pakkasuwiyanna lao ri Puwangnge sibawa pogau'i upacaraé untu' leddai anajisikenna iyaro makkunraié, angkanna mancaji mapaccing. Jaji iyanaro harusu napogau' séddié makkunrai rékko purai mémmana'.

ANGIMANGENG 14:22

Harusu towi tiwi duwakkaju jangang-jangang lolo iyaré'ga bekku malolo: sikaju untu' akkarobangeng paddampengeng dosa, sibawa sikaju untu' akkarobangeng ritunu.

ANGIMANGENG 15:14

Ri esso iya maaruwaé harusu'i tiwii duwakkaju jangang-jangang lolo iyaré'ga bekku lolo ri yolona sumpanna Kémana Puwangnge nainappa nabbéréyang lao ri imangngé.

ANGIMANGENG 15:29

Ri esso maaruwaé harusu'i tiwi duwakkaju jangang-jangang lolo iyaré'ga bekku lolo lao ri imangngé ri yolona sumpanna Kémana Puwangnge.

ABBILANGENG 6:10

Ri esso iya maaruwaé harusu'i tiwi duwakkaju jangang-jangang iyaré'ga bekku lao ri imangngé ri sumpang Kémana Puwangnge.

LUKAS 2:22

Narapini wettunna Yusuf sibawa Maria pajoppai ade' pappépaccing siturué hukkunna Musa. Jaji natiwini iyaro Anana'é ri Yérusalém untu' riyabbéréyang lao ri Puwangngé.

YOHANES 1:29

Pappa bajanana, naitani Yohanés, Yésus lao ri aléna. Nakkeda Yohanés, “Itai, iyanaro Ana' Bimbala'na Allataala iya leddaéngngi dosana linoé.

2 KORINTUS 5:21

Dé' namadosa Kristus, iyakiya Allataala mébbui Natanggungngi dosata, kuwammengngi tasimadécéngeng paimeng sibawa Allataala nasaba masséddiki sibawa Kristus.

IBRANI 7:26

Jaji, Yésusnaro ritu Imang Lompo iya tapparelluwangngé. Mapaccingngi: ri Aléna dé'gaga asalang iyaré'ga muwi dosa aga. Ripallaingngi polé risining tau madosaé, sibawa ripaénré'i lettu ri onrong iya lebbi matanré polé ri sininna langié.