ANGIMANGENG 11:44 - KITTA KAREBA MADECENG

⁴⁴ Iyya'na Puwang Allataalamu, rimakkuwannanaro jagako kuwammengngi tette'ko mapaccing, nasaba Iyya mapaccing.

ANGIMANGENG 11:44 ပူးပေါင်းရင်းမြစ်များ

MAZMUR 99:5

Pakalebbii Puwang Allataalata, suju'no ri yolona kadéra arajan-Na, Mapaccingngi Aléna!

MAZMUR 99:9

Pakalebbii Puwang Allataalata, sibawa sompai Aléna ri Bulu-buluna iya mapaccingngé, saba' mapaccingngi Puwang Allataalata.

ASSURENG 16:12

“Uwéngkalingani annoko-nokokenna tau Israélié. Powadanni mennang makkedaé ri arawéngngé weddingngi manré juku, sibawa ri éléé weddingngi manré roti gangka cau. Nanaissengngi matu mennang makkedaé Iyya'na Puwang, Allataalana.”

ASSURENG 19:10

Makkekkuwangngé sitano sining tauwéro, namusuroi iyaé essoé sibawa baja passadiyai aléna untu' massompa. Harusu'i mennang sessa'i pakéyanna.

ASSURENG 19:6

mallaing untu' alé-Ku muto, na iko tumaningi-Ka matu selaku imang-ngimang.”

ASSURENG 20:2

“Iyya'na Puwang Allataalamu iya tiwiékko massu polé ri Maséré onrommu ripowata.

ASSURENG 22:30

makkuwatoro saping sibawa bimbala lai iya bunge' jajiyé. Leppessangngi iyaro olokolo'é monro ri indo'na pitungngesso ittana, nainappa muwabbéréyang lao ri Iyya ri esso maaruwaé.

ASSURENG 22:31

Iko umma'-Ku, rimakkuwannanaro muwi olokolo aga iya nanré olokolo masekkangngé, dé' nawedding muwanré jukuna; wéréngngi iyaro sining asué.”

ASSURENG 23:25

Rékko musompa-Ka, Puwang Allataalamu, maélo-Ka barakkakiko sibawa inanré enrengngé énungeng, sibawa sininna lasaé maélo-Ka pabélaiwi polé ri iko.

ASSURENG 6:7

Utiwiko matu ri wanuwa iya Uwajjanciyangngé sibawa tanro lao ri Abraham, Ishak sibawa Yakub; iyaro tanaé Uwérékko mancaji appunnangeng ri alému. Iyya'na Puwang.”

YESAYA 43:3

Saba' Iyya ritu Puwang, Allataalamu, Allataala mapaccinna Israélié, Pappassalama'-Mu. Uwabbéréyangngi Maséré selaku pakkamajamu, Sudan sibawa Syéba selaku passullému.

YESAYA 51:15

Saba' Iyya ritu Puwang Allataalamu, iya pabbombangngéngngi tasi'é angkanna memmu bombanna. Asek-Ku iyanaritu Iya Pommakuwasaé.

ANGIMANGENG 10:3

Namakkeda Musa lao ri Harun, “Iyanaro nakkattai Puwangnge wettunna makkeda, ‘Sininna iya tumaningiyékka harusu'i napakalebbi apaccingek-Ku. Maéloka pannessai arajak-Ku lao ri sininna bangsaé!’ ” Iyakiya mammekko bawammi Harun.

ANGIMANGENG 11:43

Aja' mupanajisi'i alému sibawa manréi olokolo makkuwaéro rupanna.

ANGIMANGENG 18:2

palettu'i ri bangsa Israélié paréntaéwé, “Iyya'na Puwang Allataalamu.

ANGIMANGENG 19:10

Aja' mulisu ri palla anggoro'mu untu' paddeppungengngi buwa-buwa anggoro iya musésaé puramuna maccéppu mammulangngé. Makkuwatoro buwa-buwana iya sempé'énna aja' muwalai. Leppessangngi iyaro untu' tau kasiyasié sibawa tau laingngé. Iyya'na Puwang Allataalamu.

ANGIMANGENG 19:2

palettu'i lao ri bangsa Israélié iyaé paréntaé, “Sitinajako mapaccing, nasaba Iyya Puwang Allataalamu iyanaritu mapaccingngi.

ANGIMANGENG 19:3

Tungke' tau harusu'i pakalebbii indo' ambo'na sibawa ramé-raméiwi esso Saba'é pada-pada iya Uwapparéntangngé. Iyya'na Puwang Allataalamu.

ANGIMANGENG 19:4

Aja' musompa barahala. Aja' muwébbu dato'-dato' polé ri bessié sibawa sompai. Iyya'na Puwang Allataalamu.

ANGIMANGENG 20:26

Upallaikko polé ri bangsa-bangsa laingngé kuwammengngi mumancaji appunnangek-Ku. Harusu'ko mapaccing nasaba Iyya'na Puwang, namapaccikko.

ANGIMANGENG 20:7

Jagaiwi kuwammengngi mutette mapaccing, nasaba Iyya Puwang Allataalamu.

ANGIMANGENG 21:8

Bangsa Israélié harusu'i mangakuiwi imangngé selaku tau iya ripallaingengngékka nasaba makkasuwiyangngi akkarobangeng inanré lao ri Iyya. Iyya'na Puwang; mapaccikka sibawa Upaccingiwi umma'-Ku.

AMOS 3:3

Makkulléga duwa tau silaong lao dé' nabarunring lebbi riyolo?

ABBILANGENG 15:40

Iyaro jombé-jombé paréngngerangiko matu untu' turusiwi sininna parénta-Ku, angkammu tonget-tongeng mancaji appunnangek-Ku.

MATIUS 5:48

Ambo'mu ri surugaé namaséiwi sininna tauwé sibawa sukku. Harusu' tokko makkuwaro.”

ULANGENG 14:2

Iko iyanaritu appunnangenna Puwang Allataalamu; polé ri sininna bangsa-bangsaé ri yasé'na linoé, iko iyanaritu iya napilé Allataala untu' mancaji umma'-Na.”

1 TESALONIKA 4:7

Allataala mobbiki, tenniya kuwammengngi tatuwo mappangaddi, sangadinna kuwammengngi tatuwo iya pésennangiyéngngi atin-Na.

YOSUA 24:19

Nanakkeda Yosua, “Iyakiya naullé dé' muwulléi matu mattumani ri Puwangnge, saba' Aléna Allataala iya mapaccingngé, Iya Kaminang Séuwaé. Dé' namaélo engka pada-padanna. Rékko musalaiwi Aléna sibawa massompa lao ri déwata-déwata laingngé, dé' Naddampengengngi matu dosamu. Sibalé'na, méwai matu sibawa hukkukko. Napabbinasako matu, namuni riyolo makessingngi lao ri iko.”

1 PETRUS 2:9

Iyakiya iko iyanaritu bangsa iya ripilé, imang-ngimang iya tumaningiyéngngi Arungngé, bangsa iya mapaccingngé, banna untu' Allataala, umma'na muto Allataala. Allataala piléko sibawa mobbiko massu polé ri pettangngé untu' muttama ri laleng tajanna iya mattappaé, sibawa akkatta kuwammengngi muwappallebbangengngi biritta passalenna sining pangkaukenna iya dé'é padanna.

WAHYU 22:11

Tau iya majaé, leppessanni matteru pogau'i majaé; tau iya najisi'é, leppessanni matteru panajisi'i aléna; tau iya turusiyéngngi élona Allataala, leppessanni matteru turusiwi élona Allataala, sibawa iya tuwoé banna untu' Allataala, leppessanni matteru tuwo banna untu' Allataala.”

1 SAMUEL 2:2

Dé' gaga iya mapaccingngé pada-pada Puwangnge! Banna aléna iya mullé mabbéré allinrungeng.

1 SAMUEL 6:20

Namakkeda pabbanuwana Bét-Sémes, “Nigana wedding tahang ri yolona Puwangnge, Allataala Iya Mapaccingngéro? Kégani iyaro Pettié harusu riyantara kuwammengngi namabéla polé ri idi?”