ANGIMANGENG 11:40 - KITTA KAREBA MADECENG

⁴⁰ Tau iya tiwiéngngi iyaré'ga manréi iyaro bakké harusu'i nasessa pakéyanna, iyakiya tette'i najisi' narapi labu essoé.

ANGIMANGENG 11:40 ပူးပေါင်းရင်းမြစ်များ

ASSURENG 22:31

Iko umma'-Ku, rimakkuwannanaro muwi olokolo aga iya nanré olokolo masekkangngé, dé' nawedding muwanré jukuna; wéréngngi iyaro sining asué.”

YESAYA 1:16

Bissaini alému gangka mapaccing. Pappésauwi sininna ja iya mupogau'éro. Ya, aja'na mupogau'i majaé,

YEHEZKIEL 36:25

Purairo Uweppikiko matu sibawa uwai macinnong, kuwammengngi namumapaccing polé ri sininna barahalamu sibawa polé ri sininna séuwa-séuwaé iya puraé carépaiko.

YEHEZKIEL 4:14

Iyakiya mappébalika, “Aduh Puwang Iya Pommatanré! Mappammulai baiccu'ku lettu makkekkuwangngé, dé'pa naengka upanajisi'i aléku sibawa manré bakké olokolo iyaré'ga sésa inanréna olokolo masekkangngé. Dé' naengka uwanré inanré iya riyangga harangngé.”

YEHEZKIEL 44:31

Manu'-manu' sibawa olokolo iya maté riyalé, iyaré'ga iya ritikkengngé ri olokolo masekkangngé, dé' nawedding nanré sining imangngé.”

ANGIMANGENG 11:39

Nigi-nigi géssai bakké olokolo iya hallala'é mancaji najisi'i narapi labu essoé.

ANGIMANGENG 14:46

Ri yolonaro, nigi-nigi muttama ri bolaéro mancaji najisi'i narapi labu essoé.

ANGIMANGENG 15:15

Harusu'i nakkasuwiyangeng imangngé manu'-manu' iya sikajué untu' akkarobangeng paddampengeng dosa, sibawa iya sikajuéssi untu' akkarobangeng ritunu. Nanallalengiro pakangkani imangngé upacara pappépaccinna iyaro tauwé ri yolona Puwangnge.

ANGIMANGENG 15:27

Nigi-nigi géssai iyaro onrongngé mancaji najisi' towi. Harusu'i nasessa pakéyanna enrengngé cemmé, sibawa najisi'i narapi labu essoé.

ANGIMANGENG 16:26

Tau iya paleppe'éngngi bémbé'é untu' Azazél ri padang kessi'é harusu'i nasessa pakéyanna sibawa cemmé ri wettu dé'napa nalisu ri akkémangngé.

ANGIMANGENG 16:28

Tau iya tunuéngngi harusu'i sessa'i pakéyanna sibawa cemmé ri wettu dé'napa nalisu ri akkémangngé.

ANGIMANGENG 22:6

Séddié imang iya najisi'é muwi cara aga, tette'i najisi' narapi labu essoé. Sibawa narapi labu essoé dé'pa nawedding manré inanré iya riyakkasuwiyangengngé lao ri Puwangnge rékko dé'pa nacemmé.

ANGIMANGENG 22:8

Riyattéyangngi manré juku olokolo iya maté riyalé iyaré'ga riyunoé ri olokolo masekkangngé. Rékko manréi, mancaji najisi'i. Iyya'na Puwang.

ZAKHARIA 13:1

Makkedai Puwang Iya Pommakuwasaé, “Iyaro essoé jompii matu séddi mata uwai untu' paccingiwi wijanna Daud sibawa pabbanuwana Yérusalém polé ri dosana nenniya assompang barahala iya puraé napogau' mennang.

ABBILANGENG 19:19

Harusu'i naeppi ri esso matellué sibawa esso mapitué. Ri esso mapituéro tépuni upacara pappépaccinna iyaro tau najisi'é. Iyaro tauwé harusu'i nasessa pakéyanna sibawa cemmé. Mappammulai labunna essoé mapaccinni.

1 KORINTUS 10:21

Dé' naweddikko ménung polé ri énungeng anggoro'na Puwangngé sibawa massamang polé ri énungeng anggoro'na sétangngétto. Dé' naweddikko manré ri méjanna Puwangngé, sibawa ri méjannato sétangngé.

1 KORINTUS 6:11

Siyagangngaré ri yelle'mu riyolo kédo-kédo makkuwaro. Iyakiya makkekkuwangngé ripannessano mapaccing polé ri dosaé. Mancajino appunnangenna Allataala iya ripallaingngé. Simadécéngenno paimeng sibawa Allataala, nasaba mateppe'ko lao ri Puwang Yésus Kristus sibawa nasaba akuwasanna Roh polé ri Allataala.

ULANGENG 14:21

Olokolo iya maté riyalé dé' nawedding muwanré, iyakiya wedding nanré tau laing iya monroé ri yelle'mu, iyaré'ga ribalu lao ri bangsa laingngé. Iko iyanaritu umma iya ripallaingngé untu' Puwang Allataalamu. Juku ana' bimbala iyaré'ga ana' bémbé'é dé' nawedding rinasu silaong uwai susunna indo'na.”

1 YOHANES 1:7

Iyakiya rékko tuwoki ri laleng tajangngé pada-pada Allataala engka ri laleng tajangngé, tentu tuwoki mareppé enrengngé sipammasé-masé séddié lao ri laingngé, sibawa darana Yésus, Ana'-Na, pépaccingiki polé ri sininna dosaé.