ANGIMANGENG 11:34 - KITTA KAREBA MADECENG

³⁴ Anrékanré iya nakennaé uwai polé ri oringngéro mancaji najisi'i, sibawa énungeng iya engkaé ri laleng oringngéro mancaji najisi' towi.

ANGIMANGENG 11:34 ပူးပေါင်းရင်းမြစ်များ

AMSAL 15:8

Natarimai Puwangnge sempajanna tau makessingngé, iyakiya nacéccéi pakkasuwiyanna tau majaé.

AMSAL 21:27

Dé' namasennang Puwangnge sibawa pakkasuwiyanna tau madorakaé, lebbi-lebbiwi rékko riyakkasuwiyangengngi sibawa akkatta iya majaé.

AMSAL 21:4

Iyaro tau majaé madosai, nasaba rikuwasaiwi ri abangkakengngé sibawa atempongngé.

AMSAL 28:8

Niga mancaji sugi nasaba malai rénté sibawa saro maéga senna, sempé'i matu asugirenna lao ri tau iya maressé babuwaé lao ri tau kasiyasié.

ANGIMANGENG 11:33

Rékko iyaro bakké sempé'i ri laleng oring tanaé, sininna iya engkaé ri lalenna oringngéro mancaji najisi'i, sibawa iyaro oringngé harusu'i rireppa.

ANGIMANGENG 11:35

Agi-agi iya nageppaé iyaro bakké mancaji najisi'i. Dapo iyaré'ga onrong attunung polé ri tanaé iya nakennaé bakkéro harusu'i rireppa nasaba najisi'i.

TITUS 1:15

Sininna séuwa-séuwaé mapaccing lao risining tau iya mapaccingngé. Iyakiya lao risining tau iya macarépaé pikkiranna sibawa iya dé'é namateppe', dé' muwi séddi iya mapaccingngé, saba' pikkirang sibawa atinna mennang macarépani!