ANGIMANGENG 11:33 - KITTA KAREBA MADECENG

³³ Rékko iyaro bakké sempé'i ri laleng oring tanaé, sininna iya engkaé ri lalenna oringngéro mancaji najisi'i, sibawa iyaro oringngé harusu'i rireppa.

ANGIMANGENG 11:33 ပူးပေါင်းရင်းမြစ်များ

YEREMIA 48:38

Ri tompo'na sining coppo bolaé sibawa ri tana-tana lapangngé banna riyéngkalingai teriyé. Saba' purani Ureppa Moab pada-pada bémpa iya dé'é naripoji.

ANGIMANGENG 11:34

Anrékanré iya nakennaé uwai polé ri oringngéro mancaji najisi'i, sibawa énungeng iya engkaé ri laleng oringngéro mancaji najisi' towi.

ANGIMANGENG 11:35

Agi-agi iya nageppaé iyaro bakké mancaji najisi'i. Dapo iyaré'ga onrong attunung polé ri tanaé iya nakennaé bakkéro harusu'i rireppa nasaba najisi'i.

ANGIMANGENG 13:52

Harusu'i natunu imangngé iyaro barab-barangngé, nasaba iyaro atabukengngé iyanaritu iya tattale'é, jaji harusu'i ripaccappu sibawa api.

ANGIMANGENG 14:45

sibawa harusu'i ribongkara'. Batu-batunna, sining ajunna sibawa sininna paléstéranna harusu'i ritiwi ri onrong iya najisi'é ri saliweng kota.

ANGIMANGENG 15:12

Oring tana iya nagéssaé iyaro tauwé harusu'i rireppa enrengngé pakkakkasa iya nakkatenningngé harusu'i ribissai.

ANGIMANGENG 6:21

Iyaro labbu'é harusu'i rikoré minnya, naritunu ri yasé'na appanggangengngé, nainappa ripuwé'-puwé' nariyakkasuwiyangeng selaku akkarobangeng inanré. Baunna iyaro akkarobangngé pésennangiwi atinna Puwangnge.

ANGIMANGENG 6:28

Oring tana iya ripaké untu' séwongngi iyaro juku akkarobangngé harusu'i rireppa. Rékko iya ripaké oring bessi, iyaro oringngé harusu'i rigoso nainappa ripépaccingi sibawa uwai.

ABBILANGENG 19:15

Sininna kendié sibawa oring iya dé'é gaga pattongkona mancaji najisi' towi.

FILIPI 3:21

Watakkaléta iya malemmaé sibawa weddingngé ancuru'é, napinrai matu Kristus mancaji pada-pada watakkalé-Na iya malebbié. Weddingngi napogau' iyaro nasaba mappunnaiwi akuwasang untu' patunru'i sini-sininnaé.