ANGIMANGENG 11:32 - KITTA KAREBA MADECENG

³² Rékko iyaro bakké olokolo'é sempé'i riséddié barang, iyaro barangngé mancaji najisi'i. Iyaro gau'é kajajiyangngi untu' sininna rupanna barang polé ri ajué, kaingngé, bingkulangngé, iyaré'ga kaing karungngé, dé' namancaji soal untu' aga iyaro barangngé ripaké. Iyaro barangngé harusu'i riremmé ri uwai, iyakiya tette'i najisi' narapi labu essoé.

ANGIMANGENG 11:32 ပူးပေါင်းရင်းမြစ်များ

ANGIMANGENG 11:31

Nigi-nigi géssai iyaro olokolo'é iyaré'ga bakkéna mancaji najisi'i narapi labu essoé.

ANGIMANGENG 14:46

Ri yolonaro, nigi-nigi muttama ri bolaéro mancaji najisi'i narapi labu essoé.

ANGIMANGENG 15:12

Oring tana iya nagéssaé iyaro tauwé harusu'i rireppa enrengngé pakkakkasa iya nakkatenningngé harusu'i ribissai.

ANGIMANGENG 15:15

Harusu'i nakkasuwiyangeng imangngé manu'-manu' iya sikajué untu' akkarobangeng paddampengeng dosa, sibawa iya sikajuéssi untu' akkarobangeng ritunu. Nanallalengiro pakangkani imangngé upacara pappépaccinna iyaro tauwé ri yolona Puwangnge.

ANGIMANGENG 16:26

Tau iya paleppe'éngngi bémbé'é untu' Azazél ri padang kessi'é harusu'i nasessa pakéyanna sibawa cemmé ri wettu dé'napa nalisu ri akkémangngé.

ANGIMANGENG 17:15

Tungke tau Israélié iyaré'ga tau laing iya manré juku olokolo iya maté riyalé, iyaré'ga maté riyuno ri olokolo masekkangngé, harusu'i sessa'i pakéyanna nainappa cemmé sibawa mattajeng narapi labu essoé, nappai mancaji mapaccing.

ANGIMANGENG 22:6

Séddié imang iya najisi'é muwi cara aga, tette'i najisi' narapi labu essoé. Sibawa narapi labu essoé dé'pa nawedding manré inanré iya riyakkasuwiyangengngé lao ri Puwangnge rékko dé'pa nacemmé.

ANGIMANGENG 6:28

Oring tana iya ripaké untu' séwongngi iyaro juku akkarobangngé harusu'i rireppa. Rékko iya ripaké oring bessi, iyaro oringngé harusu'i rigoso nainappa ripépaccingi sibawa uwai.

ABBILANGENG 19:15

Sininna kendié sibawa oring iya dé'é gaga pattongkona mancaji najisi' towi.

ABBILANGENG 19:7

Nainappa harusu'i imangngé sessa'i pakéyanna sibawa cemmé. Purairo weddinni muttama ri laleng akkémangngé, iyakiya najisi' mupi narapi labu essoé.

TITUS 2:14

Purani nakkarobangeng Aléna untu' idi untu' paleppe'ki polé ri sininna jaé, sibawa pancajiki séddi umma' iya leppe'é polé ri dosaé, iya mancajiyé appunnangen-Na bawang, enrengngé mapato pogau'i makessingngé.

TITUS 3:5

Napassalama'ki, tenniya nasaba puraki pogau'i séuwa iya makessingngé, sangadinna nasaba aléna muto mamaséiki. Napassalama'ki naolai Rohna Allataala, iya mpéréngngékki ajajiyang mabaru sibawa atuwong mabaru ri laleng cara nabissaitta.