ANGIMANGENG 11:24 - KITTA KAREBA MADECENG

^24-28 Séddié tau mancaji najisi'i narapi labu essoé rékko géssai bakké sala sikajunna olokolo'éwé: olokolo iya makkanukué, sangadinna iya mapuwé'é kanukunna enrengngé malléroé, sibawa olokolo iya eppaé ajéna sibawa engka pakkarebbéna. Nigi-nigi tiwi bakké olokolo pada-padaéro harusu'i sessa'i pakéyanna, iyakiya najisi' mupi narapi labu essoé.

ANGIMANGENG 11:24 ပူးပေါင်းရင်းမြစ်များ

YESAYA 22:14

Puwang Iya Pommatanré sibawa Pommakuwasaé mappaitangngi aléna sibawa makkeda lao ri iyya, “Tongeng, jana mennanro dé' uwaddampengengngi matu narapi maté mennang. Iyya, Puwang, pura mabbicara.”

ANGIMANGENG 11:23

Iyakiya sininna rupanna béré-béré laingngé iya makképannié sibawa iyato makkalolo'é iyanaritu harangngi.

ANGIMANGENG 11:31

Nigi-nigi géssai iyaro olokolo'é iyaré'ga bakkéna mancaji najisi'i narapi labu essoé.

ANGIMANGENG 11:8

Dé' nawedding riyanré jukuna sibawa muwi bakkéna dé'to nawedding rigéssa nasaba iyaro olokolo'é harangngi.

ANGIMANGENG 14:46

Ri yolonaro, nigi-nigi muttama ri bolaéro mancaji najisi'i narapi labu essoé.

ANGIMANGENG 15:10

Nigi-nigi géssai séuwaé iya puraé natudangi tauwéro mancaji najisi'i narapi labu essoé. Tungke' tau iya makkaéngngi iyaro barangngé harusu'i nasessa pakéyanna sibawa cemmé, sibawa najisi'i narapi labu essoé.

ANGIMANGENG 15:11

Rékko tau iya passué manning dé' nabissaiwi limanna lebbi riyolo nanagéssai tau laingngé, tau iya nagéssaéro harusu'i nasessa pakéyanna enrengngé cemmé, sibawa mancaji najisi'i narapi labu essoé.

ANGIMANGENG 15:15

Harusu'i nakkasuwiyangeng imangngé manu'-manu' iya sikajué untu' akkarobangeng paddampengeng dosa, sibawa iya sikajuéssi untu' akkarobangeng ritunu. Nanallalengiro pakangkani imangngé upacara pappépaccinna iyaro tauwé ri yolona Puwangnge.

ANGIMANGENG 15:21

Nigi-nigi géssai onrong iya natinroiyé iyaré'ga natudangiyé makkunrai iya mattengngangngé maddara, harusu'i nasessa pakéyanna sibawa cemmé, sibawa najisi'i narapi labu essoé.

ANGIMANGENG 15:27

Nigi-nigi géssai iyaro onrongngé mancaji najisi' towi. Harusu'i nasessa pakéyanna enrengngé cemmé, sibawa najisi'i narapi labu essoé.

ANGIMANGENG 15:5

Nigi-nigi géssai tau iya passué manning, iyaré'ga onrong atinronna, iyaré'ga tudang ri onrong iya puraé natudangi iyaré'ga namméccui iyaro tauwé, harusu'i nasessa pakéyanna enrengngé cemmé, sibawa najisi'i narapi labu essoé.

ANGIMANGENG 16:26

Tau iya paleppe'éngngi bémbé'é untu' Azazél ri padang kessi'é harusu'i nasessa pakéyanna sibawa cemmé ri wettu dé'napa nalisu ri akkémangngé.

ANGIMANGENG 16:28

Tau iya tunuéngngi harusu'i sessa'i pakéyanna sibawa cemmé ri wettu dé'napa nalisu ri akkémangngé.

ANGIMANGENG 22:4

Séddié wija-wijanna Harun iya nakennaé lasa oli iya mabbahayaé, iyaré'ga iya malasa katawangngé angkanna passu manning, riyattéyang manré pakkasuwiyang mapaccing rékko dé'pa naripannessa mapaccing. Séddié imang mancaji najisi'i rékko géssai séuwaé iya najisi'é nasaba nakennai uju. Najisi' towi rékko massui manninna,

ANGIMANGENG 22:5

iyaré'ga géssa olokolo iyaré'ga tau iya najisi'é.

ANGIMANGENG 22:6

Séddié imang iya najisi'é muwi cara aga, tette'i najisi' narapi labu essoé. Sibawa narapi labu essoé dé'pa nawedding manré inanré iya riyakkasuwiyangengngé lao ri Puwangnge rékko dé'pa nacemmé.

ANGIMANGENG 5:2

Rékko séddié tau pasala nasaba dé' nattungkaiwi mancaji najisi', saba' géssai séuwa iya najisi'é, ébara'na bakké olokolo, nainappa namaingeki pangkaukenna.

ANGIMANGENG 7:21

Rékko séddié tau manréi iyaro juku akkarobangngé ri wettu purana géssa anu iya najisi'é, muwi iya polé ri rupa tauwé muwi iya polé ri olokolo'é, dé'tona nariyangga anggota umma'na Allataala.

ABBILANGENG 19:7

Nainappa harusu'i imangngé sessa'i pakéyanna sibawa cemmé. Purairo weddinni muttama ri laleng akkémangngé, iyakiya najisi' mupi narapi labu essoé.

1 KORINTUS 15:33

Aja' muribengnguwang! Assiwollompollongeng iya majaé nasolangi ampé-ampé iya makessingngé.

2 KORINTUS 6:17

Rimakkuwannanaro, salaiwi iyaro sining tau iya dé'é naissengngi Allataala, sibawa pallaingngi alému polé ri mennang. Aja' sises-siseng musisumpung sibawa iya najisi'é, na-Utarimako matu.

EFESUS 5:11

Aja' mupogau'i pangkaukeng-pangkaukeng iya dé'é nakkéguna iya napogau'é sining tau iya tuwoé ri laleng pettangngé. Sibalé'na sitinajako nabuwang gau'-gau' makkuwaéro. (

KOLOSE 2:20

Purani matéko silaong Kristus, sibawa purani ripaleppe polé ri roh-roh iya makuwasaiyéngngi alangngé. Nah, magi namutuwo pada-pada tau iya rikuwasaiyé mupa ri linoéwé? Magi saudara natunru lao ri peraturang-peraturang pada-padaéwé,

IBRANI 9:26

Saba' rékko makkuwairo, bettuwanna iyaro makkolik-kolinni manrasa-rasa sipongenna ripancaji linoéwé. Iyakiya annessana, makkekkuwangngé ri wettu paccappurengngéwé, siseng bawang polé untu' leddai dosaé ri laleng nakkarobangenna Aléna.

1 YOHANES 1:7

Iyakiya rékko tuwoki ri laleng tajangngé pada-pada Allataala engka ri laleng tajangngé, tentu tuwoki mareppé enrengngé sipammasé-masé séddié lao ri laingngé, sibawa darana Yésus, Ana'-Na, pépaccingiki polé ri sininna dosaé.