ANGIMANGENG 11:13 - KITTA KAREBA MADECENG

^13-19 Ri yelle'na manu'-manu'é, iyanaé dé' nawedding riyanré nasaba najisi'i: kuwajangngé, kacoci'é, sininna rupanna bokangngé, nazar-é, kaokaoé, manu'-manu' untaé, bokang tasi'é, campongngé sibawa sininna rupanna coko'é, bannya liyaé, manu'-manu' kasaé sibawa panningngé.

ANGIMANGENG 11:13 ပူးပေါင်းရင်းမြစ်များ

AYUB 28:7

Dé' naissengngi bokangngé laleng laowé kuwaro, sibawa manu'-manu' nasar-é dé' naengka naluttu ri yasé'na.

AYUB 38:41

Niga bantui kao-kao iya alupurengngé sibawa mallampareng lao tulili sappa anré? Niga topa tulungngi rékko gorai ana'-ana'na lao ri iyya méllau inanré?

YEREMIA 4:13

Itai, mompoi balié pada-pada ellungngé. Karéta-karéta musuna pada-padai anginrajaé, sining anyaranna lebbi magattii naiya kuwajangngé. Wah, cilakani! Cappuki!

YEREMIA 4:22

Makkedai Puwangnge, “Madonggo senna umma'-Ku, dé' mennang naissek-Ka. Pada-padai mennang ana'-ana' madonggoé simata temmappéjeppu muwi céddé; macca ri laleng jaé, temmallolongeng ri laleng akessingengngé.”

YEREMIA 48:40

Makkedai Puwangnge, “Pada-pada kuwajangngé masséro sibawa panni mallebba'é, makkuwatoniro séddié bangsa polé matu sibawa séro'i Moab.

AWATINGENG 4:19

Masitta senna sining pallellutta mabélai lebbi gatti naiya kuwajangngé. Nalellukki mennang ri bulué, sibawa madakki ri padang kessi'é.

HOSEA 8:1

Makkedai Puwangnge, “Paoniwi tanrang bahayaé! Nagasai balié wanuwak-Ku pada-pada bokangngé séro'i anréna! Najjalékkaiwi umma'-Ku assijancik-Ku sibawa mennang, sibawa méwai sining pappagguruwakku.

HABAKUK 1:8

Anyaranna lebbi magattii naiya macang tutul-é, sibawa lebbi masekkangngi naiya serigala iya malupué. Pasukang makkinnyaranna poléi ri wanuwa-wanuwa mabélaé; poléi mennang pada-pada bokang iya séro'éngngi anréna.

ZAKHARIA 5:9

Makkitaka ri yasé nauwitai duwa makkunrai luttu lao ri iyya. Mappunnaiwi mennang panni iya masse'é pada-pada panni coko'é. Nalai mennang bakaé onna nanatiwii mennang luttu.

MATIUS 24:28

Kégi engka bakké, kuwatowitu engka manu'-manu' pakkanré bakké.”

TITUS 3:3

Saba' riyolo idi paimeng madonggoto, pusa sibawa temmatinulu. Ripowataki rimaddupa-rupang napessué sibawa cinna'é, tuwoki sibawa niya'-niya' majaé sibawa mangémpuru, enrengngé sisullé sibenci.