ANGIMANGENG 10:2 - KITTA KAREBA MADECENG

² Napapoléna Puwangnge api iya tunuéngngi mennang angkanna maté ri Kémana Puwangnge.

ANGIMANGENG 10:2 ပူးပေါင်းရင်းမြစ်များ

2 SAMUEL 6:7

Iyatoro wettué namacai Puwang Allataala lao ri Uza, nasaba iyaro pangkaukenna sinrupai pappakatuna lao ri Puwangnge. Naunoi Uza ri onrongngéro, ri seddéna Petti Assijancingngé.

1 ARUNG-NGARUNG 13:28

Naruntu'ni ujuna iyaro nabi polé ri Yéhuda lénne mupi ri lalengngé sibawa kaleddé'é nenniya singaé ri seddéna. Iyaro singaé dé' naluruiwi kaleddé'é, sibawa dé'to nanréi iyaro ujué.

1 ARUNG-NGARUNG 18:38

Nanakirinna Puwangnge api polé ri langié nanatunui gangka mangu akkarobangngéro silaong aju tununna, sining batunna sibawa tanana enrengngé lépe'i gangka cappu uwai iya engkaé ri laleng sépe'éro.

2 ARUNG-NGARUNG 1:10

Nappébali Elia, “Rékko mémekka atanna Allataala, sitinajai nonno apié polé ri langié sibawa tunuko enrengngé sininna ana' buwamu!” Iyatoro wettué nananonno apié sibawa tunui iyaro parawiraé silaong iya limappulo ana' buwana.

2 ARUNG-NGARUNG 1:12

Nappébali Elia, “Rékko atannaka Allataala, sitinajai nonno apié polé ri langié sibawa tunuko gangka cappu silaong sininna ana' buwamu!” Iyatoro wettué nanonno apié polé ri Allataala sibawa tunui iyaro parawiraé gangka cappu sibawa iya limappulo ana' buwana.

1 TAWARIKH 13:10

Iyatoro wettué namacai Puwangnge lao ri Uza nasaba iyaro pangkaukenna sinrupai séuwa pappakatuna lao ri Puwangnge. Nanaunoi Uza kuwaro. Nappammula wettuéro iyaro onrongngé riyasenni “Pérés-Uza”. Macaini Daud nasaba Puwangnge pabbinasai Uza.

1 TAWARIKH 15:13

Wettunna iyaro Pettié untu' bunge'-bunge'na ripalétté, dé'ko gaga kuwaro untu' tiwii. Rimakkuwannanaro Puwangnge, Allataalata, hukkukki saba' tasompai dé' nasituru élo-Na.”

AYUB 1:16

Wettunna mabbicara mupa, poléni ata maduwaé makkeda, “Sining bimbala'na Puwang sibawa sining pakkampié nakennai letté angkanna maté maneng. Banna atatta bawang leppe angkanna weddingngi laporo'i ri Puwang.”

MAZMUR 50:3

Poléi Allataalata sibawa dé' naonro mammekko, ripoddiyoloi ri api iya mallépe-lépe'é, sibawa riyattulilingi ri anginraja iya maseroé.

ASSURENG 24:1

Nainappa makkeda Puwangnge lao ri Musa, “Enré'no untu' mangolo ri Iyya, iko silaong Harun, Nadab sibawa Abihu, enrengngé pituppulo pamimpinna bangsaé, namusuju' sompa-Ka polé mabéla.

YESAYA 30:33

Riyilopa napura napassadiya onrong attunung untu' arung Asyur. Iyaro onrongngé maliyung sibawa malowang, mallise aju tunung iya maggoppo-goppoé. Puwangnge palluwa'i matu sibawa masseppungengngi nappase'-Na pada-pada salo belérangngé.

ANGIMANGENG 10:5

Poléni mennang sibawa tiwii sining uju iya mappakéyangngé muparo massu ri akkémangngé, pada-pada iya napparéntangngé Musa.

ANGIMANGENG 16:1

Maténana iya duwa ana'na Harun wettunna makkasuwiyangeng api iya dé'é naéloriwi Puwangnge, mabbicarani Puwangnge lao ri Musa,

ANGIMANGENG 9:24

Tennasenna-sennana napanonnoi Puwangnge api iya tunuéngngi gangka cappu akkarobangeng ritunué sibawa sining bagiyanna iya mallunra'é ri yasé'na mézbaé, wettunna naita umma Israélié, gora-gorani mennang nainappa suju' massompa.

ABBILANGENG 16:35

Nainappa mappapolé Puwangnge api iya mangurengngéngngi iya 250 tau iya makkasuwiyangngéngngi dupaéro.

ABBILANGENG 16:49

Iya maté wettuéro engka 14.700 tau, dé' nauttama mennang iya maté wettunna ronta'na Kora.

ABBILANGENG 26:61

Nadab sibawa Abihu matéi wettunna mennang makkasuwiyangengngi api iya dé'é napuwéloi Allataala.

RIWAYA'NA RASUL-RASUL-E 5:10

Iyatoro wettué namabuwang bainéna Ananias namaté ri yolona Pétrus. Na wettunna iyaro sining kalloloé muttama', napoléini maté. Nanatiwini ujuna massu, nanakuburu'i ri seddéna lakkainna.

RIWAYA'NA RASUL-RASUL-E 5:5

Naéngkalingana Ananias iyaro ada-adaé, mabuwanni namaté. Sininna tau méngkalingaéngngi iyaro kajajiyangngé métauni.

1 KORINTUS 10:11

Iya manenna gau'éro kajajiyangngi lao ri mennang untu' mancaji conto lao risining tau laingngé. Na iya manennaro taroki towi untu' mancaji papparéngngerang lao ri idi. Saba' tuwoki makkekkuwangngé ri wettu accappurenna linoé.

1 SAMUEL 6:19

Iyakiya nasaba iyaro sining tau Bét-Sémes-é célléngngi muttama ri laleng Petti Assijancinna Puwangnge, pituppulo tau ri yelle'na mennang riyuno ri Puwangnge. Nanabbarata ra'ya'é nasaba Puwangnge pateppaiwi mennang abala iya makkuwaéro loppona.