ANGIMANGENG 10:19 - KITTA KAREBA MADECENG

¹⁹ Nappébali Harun, “Mémeng iyaé essoé umma Israélié purani makkasuwiyangeng akkarobang paddampeng dosa sibawa akkarobang ritunué lao ri Puwangnge. Namuni makkuwaro, iyaé abalaé nakennana'. Ebara'na iyaé essoé uwanré towi iyaro akkarobang paddampengeng dosaé, masenna'ga matu Puwangnge?”

ANGIMANGENG 10:19 ပူးပေါင်းရင်းမြစ်များ

YESAYA 1:11

Makkedai Puwangnge, “Muwasengngi Upojiwi sininna akkarobangeng iya matteru-terué muwakkasuwiyangeng lao ri Iyya? Nagélléna sibawa sining bimbala akkarobangeng ritunummu sibawa lunra ana' sapimmu. Dara saping laié, bimbala'é sibawa bémbé'é dé' Upojiwi.

YESAYA 1:15

Rékko muwakkai limammu untu' massempajang, dé' Umaélo jampangiwi. Dé' Upaduliwi siyaga égana sempajammu, dé' Umaélo méngkalingai, saba' nasibawang limammuro purano mabbuno maéga.

YEREMIA 14:12

Namuni mennang mappuwasai, dé' Umaélo jampangiwi pangobbina mennang méllau tulung; sibawa namuni mennang makkasuwiyangngi lao ri Iyya akkarobangeng ritunu sibawa akkarobangeng gandong, dé' Umasennang matu sibawa mennang. Sibalé'na, Upaccappui matu mennang sibawa musu, akkadéreng sibawa sai.”

YEREMIA 6:20

Untu' aga kamennyangngé iya natiwirengngék-Ka mennang polé ri Syéba, iyaré'ga rampa-rampa polé ri wanuwa mabélaé? Dé' Umaélo tarimai pakkasuwiyanna mennang. Dé' Upojiwi akkarobangeng-akkarobangeng ritununna mennang.

HOSEA 9:4

Ri wanuwa-wanuwaéro dé' mulléi matu makkasuwiyangeng anggoro sibawa akkarobangeng olokolo untu' pésennangiwi atinna Puwangnge. Inanrému mébbui matu tungke' tau iya manrééngngi mancaji najisi, pada-pada inanré iya nanré ri upacara attampungengngé. Iyaro inanré banna makkégunai untu' pamessoriwi babuwamu; muwi céddé dé'to naritiwi ri Bolana Puwangnge untu' riyakkasuwiyangeng kuwaro.

ANGIMANGENG 10:20

Masennanni Musa sibawa pappébaliéro.

ANGIMANGENG 9:12

Nainappa Harun maggéré olokolo untu' akkarobangeng ritunué untu' aléna muto. Ana'-ana'na Harun palettu'i darana iyaro olokolo'é lao ri aléna, nainappa nabboloreng ri iya eppa benrénna mézbaé.

ANGIMANGENG 9:8

Nalaona Harun ri mézbaé sibawa géréi saping lai iya maéloé riyakkarobangeng untu' paddampengeng dosana muto.

MALEAKHI 1:10

Makkedai Puwang Iya Pommakuwasaé, “Lebbi kessing muwi ritongko sumpang Bola-Ku, saba' siya-siyako palluwa api ri mézba-Ku. Dé' Upojiko, sibawa dé' Umaélo tarimai pakkasuwiyammu.

MALEAKHI 1:13

Adammu, ‘Najinnani sibawa sininnaro’, namupakariyawa-Ka. Tiwiko olokolo riyénnau, olokolo iya képo iyaré'ga iya malasaé untu' riyakkasuwiyangeng lao ri Iyya. Mupikkiri'i maélo-Ka tarimai pakkasuwiyammuro?

MALEAKHI 2:13

Na iyaé pangkaukemmu iya laingngé. Mupalleriwi mézbana Puwangnge sibawa uwai mata; teriko sibawa mpating nasaba dé' napuwéloi Puwangnge tarimai sining akkarobangemmu.

ULANGENG 12:7

Kuwatoniro, ri yolona Puwang Allataalamu, iko silaong kaluwargamu harusu manréi sibawa marennu nasaba usaha-usahamu iya papolé wassélé nasaba nabarakkakiwi Puwang Allataalamu.

ULANGENG 26:14

Polé ri pakkasuwiyangngéro dé' muwi céddé iya uwanré wettukku mabbarata, iyaré'ga utiwi ri saliwempola wettukku najisi', iyaré'ga uwabbéréyang selaku ripatala lao ri tau maté. Mapatona lao ri Iko, oh Puwang; sininna iya Muwapparéntangngé purani upogau'.

FILIPI 4:4

Tennapodo tuli marennuko nasaba tuwoko masséddi sibawa Puwangngé. Siseppa makkeda: arennuno!

IBRANI 7:27

Dé' napada-pada sining imang lompo laingngé, iya esso-essoé harusu makkasuwiyangeng akkarobangeng nasaba dosa-dosa aléna riyolo, nappa nasaba dosa-dosana umma'é. Yésus makkasuwiyangengngi akkarobangengngé siseng bawang lettu mannennungeng, wettunna nakkasuwiyangeng Aléna selaku akkarobangeng.

IBRANI 9:8

Nasibawang iyaro peraturangngé, nappaitangngi Rohna Allataala ri idi sibawa manessa, makkedaé sipongenna kéma bagiyang ri yoloéro tettong mupi, laleng muttama'é ri Bili' Pommapaccingngé dé'pa natattimpa'.