ANGIMANGENG 10:15 - KITTA KAREBA MADECENG

¹⁵ Pakkasuwiyang iya ripallaingngé sibawa dadana pakkasuwiyang tanréyangngéro harusu'i ritiwi silaong lunra'na untu' akkarobangeng ritunué, selaku pakkasuwiyang untu' Puwangnge. Iyaro barab-barangngé mancajiwi appunnangemmu sibawa ana'-ana'mu lettu mannennungeng, pada-pada iya napparéntangngé Puwangnge.”

ANGIMANGENG 10:15 ပူးပေါင်းရင်းမြစ်များ

KAJAJIYANG 13:15

Maéloka mabbéréyangngi lao ri iko sibawa lao ri wija-wijammu sininna tana iya muwitaéro kuwammengngi namancaji appunnangemmu mannennungeng.

KAJAJIYANG 17:13

Tungke' tau harusu'i risunna, na iyaro mancaji matu tanrang mallahéreng iya mappaitangngéngngi makkedaé iyaro assijancik-Ku sibawa iko mannennungengngi.

KAJAJIYANG 17:17

Nasuju'na Abraham, iyakiya macawai wettunna mappikkiri, “Pékkugi wedding séddié worowané iya makkéumuru'énna sératu taung lolongeng ana'? Pékkugi wedding Sara mémmana ri umuru aséra pulona taung?”

KAJAJIYANG 17:8

Maélo-Ka mpérékko sibawa wija-wijammu, iyaé tanaé, iya muwonroiyé makkekkuwangngé selaku tau laing. Sininna tana Kanaan mancajiwi matu appunnangenna ana' eppomu untu' mannennungeng sibawa maélo-Ka mancaji Allataalana mennang.”

ASSURENG 29:27

Ri laleng upacara allantikenna imangngé, dadana sibawa poppang ataunna bimbala lai iya ripaké ri laleng upacaraéro harusu'i riyakkasuwiyangeng selaku pakkasuwiyang tanréyangeng untu' alé-Ku sibawa ripallaing untu' sining imangngé.

ASSURENG 29:28

Iyanaé apettuk-Ku iya dé'é nawedding ripinra: Wettunna umma'-Ku polé makkasuwiyangengngi akkarobangeng pappasidamé, dadana sibawa poppanna olokolo'éro iyanaritu tawana sining imangngé. Iyanaro pakkasuwiyanna umma'-Ku untu' Iyya.

ANGIMANGENG 2:3

Lebbinna akkarobangeng ripatalaé iyanaritu untu' sining imangngé. Iyaro akkarobangngé mapaccing senna nasaba riyalai polé ri inanré iya puraé riyakkasuwiyangeng lao ri Puwangnge.

ANGIMANGENG 3:17

Tau Israélié dé' sises-siseng nawedding manré lunra iyaré'ga dara. Iyaro peraturangngé untu' mannennungeng sibawa harusu'i naturusi tungke' tau Israélié kégi-kégi monro.

ANGIMANGENG 7:34

Dadana sibawa poppang ataunna iyanaritu pabbéré ripallaing iya nalaé Puwangnge polé ri pakkasuwiyang tanréyanna bangsa Israélié sibawa riwéréngngi lao ri sining imangngé. Iyanaro subangenna bangsa Israélié untu' sining imangngé lettu mannennungeng.

ABBILANGENG 5:9

Polé ri agi-agi iya nakkasuwiyangengngé tau Israélié lao ri Puwangnge, pakkasuwiyang ripallaingngé mancajiwi bagiyanna imangngé iya tarimaéngngi iyaro pakkasuwiyangngé.