ANGIMANGENG 10:13 - KITTA KAREBA MADECENG

¹³ Iyaro rotié harusu'i riyanré ri onrong iya mapaccingngé, saba' polé ri inanré iya riyakkasuwiyangengngé lao ri Puwangnge, iyaro rotié mancajiwi tawamu sibawa ana'-ana'mu iya worowané. Iyanaro paréntana Puwangnge lao ri iyya.

ANGIMANGENG 10:13 ပူးပေါင်းရင်းမြစ်များ

YEHEZKIEL 42:13

Makkedai iyaro worowané lao ri iyya, “Mapaccing duwa iyaro bolaé. Kuwaro, sining imang iya weddingngé mangolo ri ahadérékenna Puwangnge, manréi sining akkarobangeng iya kaminang mapaccingngé. Kuwatoniro harusu mennang taroi sining akkarobangeng iya kaminang mapaccingngé, iyanaritu: akkarobangeng gandong sibawa akkarobangeng pappaledda dosa iyaré'ga akkarobangeng passullé aroging.

ANGIMANGENG 10:12

Makkedani Musa lao ri Harun sibawa lao ri iya duwa ana'na, Eléazar sibawa Itamar, “Alano gandong iya nasésaé polé ri inanré iya riyakkasuwiyangengngé lao ri Puwangnge. Polé ri labbu'éro ébbuno roti iya dé'é napaké ragi, nainappa muwanré ri seddéna mézbaé, nasaba iyaro akkarobangngé mapaccing senna'i.

ANGIMANGENG 10:14

Iyakiya iko sibawa ana'-ana'mu worowané sibawa makkunraié weddingngi manréi dadana pakkasuwiyang tanréyangngé sibawa poppanna pakkasuwiyang ripallaingngé. Iyanaro tawana sining imangngé polé ri akkarobangeng pappasidaména bangsa Israélié. Weddikko manréi dé' masala onrong iya dé'é nanajisi'.

ANGIMANGENG 2:3

Lebbinna akkarobangeng ripatalaé iyanaritu untu' sining imangngé. Iyaro akkarobangngé mapaccing senna nasaba riyalai polé ri inanré iya puraé riyakkasuwiyangeng lao ri Puwangnge.

ANGIMANGENG 6:16

Labbu nasésaé harusu'i riyébbu roti iya dé'é raginna sibawa nanréi sining imangngé ri onrong iya ripallaingngé, iyanaritu ri seddéna Kémana Puwangnge. Iyanaro bagiyanna sining imangngé iya nabbéréyangngé Puwangnge lao ri mennang polé ri akkarobangeng inanré. Iyaro inanré mapaccing senna'i, pada-padai akkarobangeng paddampengeng dosaé sibawa akkarobangeng passullé arogingngé.

ABBILANGENG 18:10

Iyaro mapaccingngi untu' alému, jaji harusu'i muwanré ri onrong iya mapaccingngétto. Banna tau worowané wedding manréi.

ABBILANGENG 5:10

Aga iya nakkasuwiyangengngé séddié tau lao ri Puwangnge, mancaji mutowi bagiyanna iyaro tauwé. Banna aga iya nabbéréyangngé lao riséddié imang, mancajiwi bagiyanna iyaro imangngé.