ANGIMANGENG 10:11 - KITTA KAREBA MADECENG

¹¹ Sininna hukkung iya uwéréngngékko naolaé Musa, harusu'ko mulléi mappagguruwangngi lao ri bangsa Israélié.”

ANGIMANGENG 10:11 ပူးပေါင်းရင်းမြစ်များ

2 TAWARIKH 15:3

Maitta senna'ni Israélié dé' nassompa ri Allataala iya tongengngé, dé' nappunnai hukkung-hukkung iya harusu'é riturusi, sibawa dé' nappunnai imang-ngimang iya pagguruéngngi mennang.

2 TAWARIKH 17:9

Laowi mennang kégi-kégi sibawa tiwii kitta Hukkung-hukkunna Puwangnge ri sininna kotana Yéhuda sibawa paggurui ra'ya'é kuwaro.

2 TAWARIKH 30:22

Iyaro sining tau Léwié makkuwamani accana pimpingngi assompangngé lao ri Puwangnge, angkanna Hizkia pojiwi mennang. Labe'nana 7 esso ittana mennang péneddingiwi inanré polé ri ramé-raméro sibawa makkasuwiyangeng akkarobangeng untu' mattarima kasi lao ri Puwangnge, Allataalana toriyolona,

NEHEMIA 8:2

Nanatiwini Ezra iyaro kitta'é ri yolona jema'é, worowané, makkunrai sibawa ana'-ana' iya balléré'énna untu' mappahang.

NEHEMIA 8:8

Nalémbani mennang Hukkunna Allataalaro tassibagiyang-tassibagiyang enrengngé pakatajangngi angkanna naulléni pahangngi ra'ya'é iyaro ribacaé.

YEREMIA 18:18

Makkedai tauwé, “Laono mai tasikongkolo méwai Yérémia. Tenniya bawang aléna iya weddingngé mabicara untu' Allataala. Tuli engka matu imang iya weddingngé mappagguru, engka tau mapanré iya weddingngé mappangaja; sibawa engka nabi iya weddingngé palettukekki sining paseng polé ri Allataala. Laono mai tappissengengngi ri pengadilangngé sibawa aja'na taéngkalingai ada-adanna.”

YEREMIA 2:8

Sining imangngé dé'gaga makkutana kéga-Ka, Puwan-na. Muwi sining pappatettong hukkungngé dé'to naissengngi niga Iyya, sining panguwasaé maronta'i lao ri Iyya. Ri laleng asenna Baal mabbicarai sining nabié, sibawa sompai barahala iya dé'é nakkéguna.”

MALEAKHI 2:7

Mémeng kewajibanna sining imangngé untu' mappagguruwangngi iya tongengngé passalek-Ku, Puwang Iya Pommatanré. Lao ri mennang ritu harusu'i makkutana ra'ya'é aga élo-Ku, nasaba mennang ritu sining suro-Ku.

MATIUS 28:20

Paggurui mennang turusiwi sininna iya puraé Uparéntakko. Na éngngerangngi tuli Usibawakko matu lettu paccappurenna linoé.”

RIWAYA'NA RASUL-RASUL-E 20:27

Dé' naengka ulari polé ri jama-jamakku untu' pakatajangngi lao ri iko sininna rancanana Allataala.

ULANGENG 17:10

Mennang ritu mabbéré apettung, sibawa iko harusu pajoppai sibawa matutu aga iya napowadaé mennang lao ri iko.

ULANGENG 17:11

Tarimai apettunna mennang sibawa pogau'i aga napattette mennang lettu ri passaleng iya baiccu'é.

ULANGENG 24:8

Rékko engka lasa oli iya mabbahayaé, pogau'i sibawa tonget-tongeng aga iya napparéntangngé imang Léwié lao ri iko; accowériwi panunju-panunju iya uwéréngngéngngi mennang.

ULANGENG 33:10

Napaggurui mennang umma'-Mu turusiwi sininna parénta-Mu sibawa makkasuwiyangengngi akkarobangengngé ri yasé'na mézba-Mu.

1 TESALONIKA 4:2

Saba' muwissenni panunju'-panunju' iya puraé riwérékko ri laleng akuwasanna Puwang Yésus.