ANGIMANGENG 10:1 - KITTA KAREBA MADECENG

¹ Riséuwaé esso Nadab sibawa Abihu, ana'-ana'na Harun, nalai onrong apinna tungke'-tungke' nanalisekiwi sibawa bara. Nainappa nataroi dupa ri laleng apiéro namakkasuwiyang lao ri Puwangnge. Iyakiya iyaro apié dé' nahallala nasaba dé' narisuro mennang makkasuwiyang ri Puwangnge.

ANGIMANGENG 10:1 ပူးပေါင်းရင်းမြစ်များ

1 ARUNG-NGARUNG 18:38

Nanakirinna Puwangnge api polé ri langié nanatunui gangka mangu akkarobangngéro silaong aju tununna, sining batunna sibawa tanana enrengngé lépe'i gangka cappu uwai iya engkaé ri laleng sépe'éro.

MAZMUR 141:2

Tarimai sempajakku selaku pakkasuwiyang dupa, sibawa limakku iya maddeppa-reppaé selaku akkarobangeng wenni.

ASSURENG 24:1

Nainappa makkeda Puwangnge lao ri Musa, “Enré'no untu' mangolo ri Iyya, iko silaong Harun, Nadab sibawa Abihu, enrengngé pituppulo pamimpinna bangsaé, namusuju' sompa-Ka polé mabéla.

ASSURENG 24:9

Purairo Musa, Harun, Nadab, Abihu sibawa pituppulo pamimpingngéro tuppuiwi bulué,

ASSURENG 27:3

Ebbuno pamuttu-pamuttu, kénro, mangko'-mangko', sondo sibawa onrong api. Iya manenna paréwaéro harusu'i riyébbu polé ri gessaé.

ASSURENG 28:1

“Obbii Harun kakamu enrengngé ana'-ana'na Nadab, Abihu, Eléazar sibawa Itamar, namupallaingngi mennang kuwammengngi weddingngi tumaningika selaku imang.

ASSURENG 31:11

minnya upacara, sibawa dupa bau untu' Bili' Mapaccingngé. Iya manennaro harusu'i mennang naébbu situru pappaita iya Uwéréngngékko.”

ASSURENG 37:29

Mébbu towi Bézaleel minnya upacara sibawa dupa tuléng iya mabaué, ricampuru pada-pada minnya wangié.

ASSURENG 38:3

Naébbu towi pamuttu-pamuttué, sikopangngé, mangko'-mangko'é, sondo'-sondo'é sibawa onrong apié. Sininna iyaro paréwaé riyébbui polé ri gessaé.

ASSURENG 40:27

naritunu dupa mabaué pada-pada iya napparéntangngé Puwangnge lao ri Musa.

ASSURENG 6:23

Korah mappunnaiwi tellu ana' worowané: Asir, Elkana sibawa Abiasaf. Mennang ritu néné-nénéna polé ri appanna Korah.

ASSURENG 8:27

Harusu'ki lao ri padang kessi'é bélana tellungngesso allalengeng untu' makkasuwiyangeng akkarobangeng lao ri Puwang Allataala, pada-pada iya Napparéntangngé lao ri idi.”

YEREMIA 19:5

Napatettongengngi mennang mézba Baal untu' makkasuwiyangengngi ana'-ana'na selaku akkarobangeng ritunu, padahal dé' naengka Usuroi mennang pogau'i gau'éro, mala dé' naengka naompo gau' makkuwaéro ri laleng pikkirak-Ku.

YEREMIA 32:35

Patettongngi mennang sining mézba untu' Baal ri Lompo Hinom, sibawa makkasuwiyangengngi ana'-ana'na lao ri Déwa Molokh. Padahal, dé' naengka Usuroi mennang pogau'i gau'éro, mala dé' naengka naompo ri laleng pikkirak-Ku makkedaé napogau'i matu mennang pangkaukeng maja makkuwaéro nenniya mébbui tau Yéhudaé madosa.”

YEREMIA 44:15

Namaéga senna'na tau lao ri iyya, iyanaritu sininna worowané iya missengngéngngi makkedaé bainéna makkasuwiyangengngi akkarobangeng lao ri déwataé, sibawa sininna makkunrai iya mattengngangngé tettong kuwaro, muttama'ni tau Israél iya monroé ri Patros, bagiyang yattanna Maséré. Makkedai mennang lao ri iyya,

YEREMIA 44:8

Magi mupogau'i gau'-gau' iya mébbuék-Ka macai? Laoko sibawa monro ri Maséré, wanuwa iya dé'é muwissengngiro, nainappako massompa barahala sibawa makkasuwiyangeng akkarobangeng lao ri déwata-déwatana wanuwaéro! Maélokoga mancuru'i alému kuwammengngi naripakatunako ri sininna bangsaé ri linoé sibawa ripakéi asemmu selaku tanro?

YEREMIA 7:31

Séuwa mézba iya riyasengngé Tofét pura napatettong mennang ri Lompo Hinom untu' makkasuwiyangengngi ana'-ana'na mennang selaku akkarobangeng ritunu. Padahal dé' naeng-Ka Usuroi mennang pogau'i gau'éro, mala dé' naengka naompo ri laleng pikkirak-Ku gau' makkuwaéro.

ANGIMANGENG 16:1

Maténana iya duwa ana'na Harun wettunna makkasuwiyangeng api iya dé'é naéloriwi Puwangnge, mabbicarani Puwangnge lao ri Musa,

ANGIMANGENG 16:12

harusu'i mala onrong api polé ri mézbaé nanalisekiwi gangka penno sibawa bara api, sibawa duwakkemmo dupa nenné, nainappa natiwi ri Bili' Pommapaccingngé.

ANGIMANGENG 22:9

Sininna imangngé harusu'i naturusi sining peraturang iya Uwabbéréyangngé. Rékko dé', pasalai mennang sibawa matéi matu, nasaba najjalékkaiwi sining peraturang iya mapaccingngéro. Iyya'na Puwang, sibawa Iyya ritu pallaingngi mennang untu' alé-Ku.

ANGIMANGENG 9:24

Tennasenna-sennana napanonnoi Puwangnge api iya tunuéngngi gangka cappu akkarobangeng ritunué sibawa sining bagiyanna iya mallunra'é ri yasé'na mézbaé, wettunna naita umma Israélié, gora-gorani mennang nainappa suju' massompa.

ABBILANGENG 16:46

nainappa makkeda Musa lao ri Harun, “Alai onrong apimmu, lisekiwi sibawa bara api polé ri mézbaé sibawa taroiwi dupa ri yasé'na. Tiwii masitta ri umma'é sibawa pogau'i upacara paddampengeng dosaé untu' mennang! Malluwa'-luwa'ni caina Puwangnge sibawa mappammulani saié.”

ABBILANGENG 26:61

Nadab sibawa Abihu matéi wettunna mennang makkasuwiyangengngi api iya dé'é napuwéloi Allataala.

ULANGENG 12:32

Pogau'ni sininna iya uparéntangngékko; aja' naritambai iyaré'ga narikurangi.

ULANGENG 17:3

sibawa parénta-Na ri laleng massompana nenniya mattumaninna lao ri déwata-déwata laingngé iyaré'ga lao ri mata essoé, kétengngé iyaré'ga sining wéttowingngé,

ULANGENG 4:2

Aga uwapparéntang, aja' naritamba iyaré'ga narikurangi muwi céddé. Apatoiwi parénta-paréntana Puwang Allataalamu iya uwéréngngékko.

IBRANI 9:4

Ri laleng bili'éro engka mézba iya riyébbué polé ri ulawengngé untu' mattunu dupa, sibawa engkato Petti Assijancingeng iya rilapiri manengngé sibawa ulaweng. Ri laleng Pettiéro engka oring ulaweng mallise' manna, tekkenna Harun iya cura'énna, sibawa duwa pépeng batu iya riyarokiriyé seppulo parénta polé ri Allataala.