ANGIMANGENG 1:9 - KITTA KAREBA MADECENG

⁹ Nainappa iyaro tauwé harusu'i nabissai lise babuwana enrengngé poppanna iyaro sapingngé, na imang iya majjamaé harusu'i natunu maneng. Baunna iyaro akkarobangeng ritunué pésennangiwi atinna Puwangnge.

ANGIMANGENG 1:9 ပူးပေါင်းရင်းမြစ်များ

KAJAJIYANG 8:21

Bau mabauna iyaro akkarobangeng pakkasuwiyangngé pésennangiwi atinna Puwangnge, nanakkeda-Na ri laleng ati, “Dé'na Umaélona tanroiwi linoéwé nasaba pangkaukenna tolinoé; Uwisseng makkedaé mappammulai wettu malolona, iyaro pikkiranna tolinoé majai. Dé'na matu naengkana Upabbinasai sininna mahlu' iya tuwoé pada-pada iya nappaé Upogau'éwé.

1 TAWARIKH 6:34

Elkana, Yéroham, Eliél, Toah,

2 TAWARIKH 4:6

Mébbu towi Arung Salomo 10 katowang loppo, lima untu' ritaro ri seddé yattanna Bolana Puwangnge, sibawa lima untu' ri seddé manoranna. Akkégunanna iyaro sining katowangngé untu' bissaiwi sépa'-sépa' olokolo iya maéloé ritunu selaku akkarobangeng. Uwai ri laleng kullang battowaéro ripassadiyangengngi sining imangngé untu' bissaiwi aléna.

MAZMUR 51:6

Lao ri Iko, lao ri Iko bawang madosaka, sibawa upogau'i aga iya Muwangga'é maja. Nasipato Muhukkukka, adélé'i apettum-Mu.

MAZMUR 66:15

Uwakkasuwiyangengngi ri Iko akkarobangeng ritunué polé ri olokolo ripilé, bémbé bimbala sibawa saping lai, rumpunna mallaso ménré ri langié.

ASSURENG 12:9

Iyaro ana' bimbala'é harusu'i ripanggang maneng, sukku sibawa ulunna, ajéna sibawa lise' babuwana. Anréni iyaro juku puraé ripanggang, aja' naengka riyanré mamata iyaré'ga rinasu.

ASSURENG 29:18

Akkasuwiyangeng manengngi iyaro bimbala laié ri yasé'na mézbaé untu' akkarobangeng ritunu. Baunna iyaro akkarobangengngé pésennangiwi atik-Ku.

ASSURENG 29:25

Nainappa muwala iyaro rotié polé ri mennang sibawa tunui ri yasé'na mézbaé, ri yasé'na akkarobangeng ritunuéro. Iyaro baunna akkarobangengngé napésennangiwi atik-Ku.

YEREMIA 4:14

Yérusalém, abbéyangngi jaé polé ri laleng atimmu kuwammengngi naripassalama'ko. Gangka kégi iyaro sining pikkirang majaé maélo mutaro ri laleng atimmu?

YEHEZKIEL 20:28

Utiwii mennang lao ri tana iya puraé Uwajjanciyang lao ri mennang. Wettunna naita mennang sining bulu-bulu iya matanré sibawa ajukajung iya maworongngé, makkasuwiyangenni mennang akkarobangeng ri onrong-ngonrongngéro. Naébbu-Ka mennang macai nasaba sining akkarobangeng ritunué sibawa pakkasuwiyang anggoro'na.

YEHEZKIEL 20:41

Puramuna Utiwi massu polé ri wanuwa-wanuwa onrommu ripassara-sarang, Upaddeppungekko matu sibawa tarimai sininna akkarobangeng ritunummu. Nanaissengngi sininna bangsaé makkedaé Iyya'é Allataala Iya Pommapaccingngé.

YEHEZKIEL 40:38

Ri seddé saliwenna engka séddi bili' pattambana ri gerbang lalengngé tibang manorang. Polé ri bili' pattambanaro engka séddi sumpang iya mattujué ri bili' battowaé. Kuwaniro ribissai sining olokolo untu' akkarobangeng ritunué.

ANGIMANGENG 1:13

Nainappa iyaro tauwé nabissai lise babuwana sibawa poppanna iyaro olokolo'é. Nainappa harusu'i nakkasuwiyangeng maneng imangngé lao ri Puwangnge, sibawa tunui ri yasé'na mézbaé. Baunna iyaro akkarobangeng ritunué pésennangiwi atinna Puwangnge.

ANGIMANGENG 1:17

Nainappa iyaro manu'-manu'é harusu'i ribibbi ri pong pannina, iyakiya dé' nawedding pettu pannina. Nainappa iyaro manu'-manu'é harusu'i ritunu ri yasé'na mézbaé. Iyaro baunna akkarobangeng ritunué pésennangiwi atinna Puwangnge.

ANGIMANGENG 2:16

Harusu'i natunu imangngé sibagiyang gandongngé sibawa minnya'éro enrengngé sininna kamennyanna, selaku tanrang makkedaé pura manenni riyakkasuwiyangeng lao ri Puwangnge.

ANGIMANGENG 2:2

Harusu'i natiwi risining imang wija-wijanna Harun. Imang iya majjamaé harusu malai sikemmo iyaro labbu'é sibawa minnya zaitunna enrengngé sininna kamennyanna, nainappa natunu ri yasé'na mézbaé selaku tanrang makkedaé purani riyakkasuwiyangeng maneng lao ri Puwangnge. Baunna iyaro akkarobangeng inanré pésennangiwi atinna Puwangnge.

ANGIMANGENG 2:9

Imangngé malai sibagiyang iyaro rotié nainappa natunu ri yasé'na mézbaé selaku tanrang makkedaé pura manenni riyakaksuwiyangeng lao ri Puwangnge. Baunna pésennangiwi atinna Puwangnge.

ANGIMANGENG 3:11

Imang iya majjamaé harusu'i natunu manenro ri yasé'na mézbaé untu' akkarobangeng inanré lao ri Puwangnge.

ANGIMANGENG 3:5

Iya manennaro, silaong sibawa akkarobangeng ritunu laingngé, harusu'i ritunu ri yasé'na mézbaé. Baunna iyaro akkarobangeng inanré pésennangiwi atinna Puwangnge.

ANGIMANGENG 4:31

Sininna lunra'na iyaro olokolo'é harusu'i riyala pada-pada akkarobangeng pappasidamé. Iyaro lunra'é harusu'i natunu imangngé ri yasé'na mézbaé, na baunna pésennangiwi atinna Puwangnge. Makkuwaniro carana imangngé makkasuwiyangeng akkarobangeng untu' dosana séddié tau polé ri ra'ya' biyasaé, nariyaddampengeng iyaro tauwé ri Puwangnge.

ANGIMANGENG 6:14

Iyanaé peraturang-peraturanna passalenna akkarobangeng ripatalaé untu' Puwangnge. Iyaro akkarobangngé harusu'i ritiwi ri yolona mézbaé riséddié tau polé ri wijanna Harun.

ANGIMANGENG 8:28

Puranana nala Musa iyaro inanré polé ri mennang sibawa natunu ri yasé'na mézbaé, nasibawang akkarobangeng ritunué untu' akkarobangeng allantikeng. Baunna iyaro akkarobangeng inanré pésennangiwi atinna Puwangnge.

ANGIMANGENG 9:14

Nainappa lise babuwana sibawa poppanna iyaro olokolo'é nabissai nanatunui silaong akkarobang ritunué ri yasé'na mézbaé.

ZAKHARIA 13:7

Makkedai Puwang Iya Pommakuwasaé, “Tokkonno, éh peddang, sibawa gasani pakkampi iya mappallaungengngék-Ka! Unoi, natassiya-siya matu sining bimbala'é. Maélo-Ka gasai umma'-Ku,

ABBILANGENG 15:3

Untu' akkarobangeng ritunué iyaré'ga akkarobangeng pappaleppe tinja'é iyaré'ga akkarobangeng cenning atié iyaré'ga akkarobangeng ramé-ramé biyasaé, weddikko makkasuwiyang lao ri Puwangnge: saping lai, bimbala lai, bimbala iyaré'ga bémbé. Baunna iyaro sining akkarobangngé pésennangiwi atinna Puwangnge.

ABBILANGENG 28:11

Ri pammulanna tungke' uleng harusu'i riyakkasuwiyangeng lao ri Puwangnge akkarobangeng ritunué maddupa duwakkaju saping lai lolo, sikaju bimbala lai, pitukkaju ana' bimbala lai makkéumuru sitaung, tungke'-tungke' iya dé'é gaga sala-salanna.

ABBILANGENG 28:7

Nasibawang iyaro ana' bimbala'é harusu towi riyakkasuwiyangeng sibang uwai anggoro iya riyabbolorengngé ri yasé'na mézbaé.

ABBILANGENG 28:8

Ana' bimbala untu' akkarobangeng arawéngngé harusu'i riyakkarobangeng sibawa cara iya padaé pada-pada pakkasuwiyang éléé, nasibawang uwai anggoro. Baunna akkarobangeng ritunuéro pésennangiwi atinna Puwangnge.

2 KORINTUS 2:15

Saba' idi'é iyanaritu pada-padaki bau kamennyang iya mabaué, iya natunué Kristus untu' Allataala. Lao risining tau iya mattengngangngé mattuju lao ri ancurukengngé, idi'é pada-padaki bau amaténg iya paunoé; iyakiya lao risining tau iya mattengngangngé ripassalama', pada-padaki bau mabaué iya tiwié atuwong. Na nigana mulléi paddupai iyaé jamangngé?

EFESUS 5:2

Atuwommu sitinajai rinyawaiwi ri pammasé, pada-padato Kristus mamaséiki. Nakkarobangengngi aléna untu' idi, selaku séddi pakkasuwiyang iya mabaué sibawa pésennangiyéngngi atinna Allataala.

ULANGENG 12:27

Akkarobangeng ritunué sibawa akkarobangeng iya riyanré jukuna harusu'i riyakkasuwiyangeng ri yasé'na mézbana Puwang Allataalamu sibawa darana ritiri'i ri yasé'na mézbaéro.

FILIPI 4:18

Purani utarima maneng – mala lebbi nagenne'é! Sininna pabbéré iya muwakkiringengngé lao ri iyya, purani utarima polé ri Epafroditus. Makkekkuwangngé uwappunnaini sininna iya uwapparelluwangngé. Sining pabbérémuro iyanaritu pada-padai bau mabau polé ri akkarobangeng iya riyakkasuwiyangengngé lao ri Allataala sibawa iya natarimaé Allataala sibawa masennang ati.