ANGIMANGENG 1:4 - KITTA KAREBA MADECENG

⁴ Nainappa harusu'i napalénne limanna ri tompo ulunna iyaro olokolo'é, naritarima matu pakkasuwiyanna untu' paddampengeng dosana.

ANGIMANGENG 1:4 ပူးပေါင်းရင်းမြစ်များ

ASSURENG 28:38

Iyaro bélo-bélo ulawengngé harusu'i napasang Harun ri linrona kuwammengngi Iyya, Puwang, maélo-Ka tarima manengngi pakkasuwiyanna iya natiwié tau Israélié lao ri Iyya, namuni ri laleng natiwina iyaro pakkasuwiyangngé purai pogau' asalang.

ASSURENG 29:10

Nainappa iyaro saping laié harusu'i mutiwi ri yolona Kéma-Ku. Harun sibawa ana'-ana'na harusu'i napalénne limanna ri yasé'na ulunna olokolo'éro.

ASSURENG 29:15

Nainappa alai sala sikajunna polé ri bimbala laiéro. Harun sibawa ana'-ana'na harusu'i palénne'i limanna mennang ri yasé'na ulunna olokolo'éro.

ASSURENG 29:19

Alai bimbala lai iya sikajuéppa, iyanaritu bimbala lai untu' upacara allantikengngé. Suroi Harun sibawa ana'-ana'na palénne'i limanna ri yasé'na ulunna olokolo'éro.

ASSURENG 29:33

Harusu'i mennang nanré iya riyakkasuwiyangengngé ri laleng upacara paddampengeng dosaé wettunna rilanti. Banna imangngé wedding manréi inanré iya puraé ripallaing untu' alé-Kuro.

YESAYA 56:7

“Utiwiko matu ri Sion, ri bulu-bulu-Ku mapaccingngé, sibawa Uwéréng arennung ri bola assompak-Ku. Sining akkarobangeng iya muwakkasuwiyangengngé ri mézba-Ku Utarimai matu. Riteppui matu Bola-Ku bola sempajang untu' sininna bangsaé.”

DANIEL 9:24

Wékkapitu pituppulo taung iyanaritu wettu iya napattette'é Allataala untu' paleppe'i bangsamu sibawa kotamu iya mapaccingngéro polé ri dosaé sibawa jaé. Sininna dosaé riyaddampengengngi sibawa ripatettongngi adélékeng iya mannennungengngé, angkanna pakkitang sibawa botoéro mannessai matu, sibawa Bolana Puwang iya mapaccingngéro riyassompaisi matu lao ri Puwangnge.

ANGIMANGENG 16:21

Harusu'i napalénne iya duwa limanna ri yasé'na ulunna bémbé'éro nanaakuiwi sininna asalanna, dosana sibawa pelanggaranna bangsa Israélié. Nanallalengiwi sininna asalanna bangsa Israélié ripalétté'i ri yasé'na ulunna bémbé'éro. Nainappa séddié tau iya ritugaskangngé harusu'i rukkai iyaro bémbé'é lao ri padang kessi'é.

ANGIMANGENG 16:24

Nainappa harusu'i cemmé riséuwaé onrong iya ripallaingngé sibawa pakéi pakéyanna muto. Puranana harusu'i massu sibawa makkasuwiyangeng akkarobangeng ritunu untu' paddampengeng dosana muto sibawa dosana bangsa Israélié.

ANGIMANGENG 22:21

Rékko séddié tau makkasuwiyang lao ri Puwangnge akkarobangeng pappasidamé untu' paleppe'i tinja'na iyaré'ga akkarobangeng cenning ati, iyaro olokolo'é dé' nawedding engka sala-salanna, kuwammengngi weddingngi ritarima.

ANGIMANGENG 3:13

Kuwaniro harusu napalénne limanna ri tompo ulunna bémbé'éro nainappa nagéré ri yolona Kémaé. Harusu'i imangngé mabbolorengngi iyaro dara olokolo'é ri iya eppa benrénna mézbaé.

ANGIMANGENG 3:2

Tau iya makkasuwiyangengngéngngi harusu'i napalénne limanna ri tompo ulunna iyaro olokolo'é nainappa nagéré ri yolona sumpanna Kémana Puwangnge. Sining imang wijanna Harun harusu'i mabbolorengngi iyaro dara sapingngé ri iya eppa benrénna mézbaé.

ANGIMANGENG 3:8

Kuwaniro harusu napalénne limanna ri tompo ulunna iyaro bimbala'é nainappa nagéré ri yolona Kémaé. Nainappa imangngé harusu mabbolorengngi iyaro dara bimbala'é ri iya eppa benrénna mézbaé.

ANGIMANGENG 4:15

Sining pamimping bangsaé harusu'i palénne'i limanna mennang ri tompo ulunna olokolo'éro, nainappa nagéré ri onrongngéro.

ANGIMANGENG 4:20

Carana pada-pada pakkasuwiyang saping lai untu' akkarobangeng paddampengeng dosaé. Makkuwaniro carana Imang Lompoé makkasuwiyangeng akkarobangeng untu' dosa-dosana umma'é, nanaddampengengngi matu Puwangnge iyaro dosa-dosaé.

ANGIMANGENG 4:24

Harusu'i napalénne limanna ri tompo ulunna iyaro olokolo'é, nainappa nagéré ri seddé manoranna mézba, onrong maggéré olokolo'é untu' akkarobangeng ritunué.

ANGIMANGENG 4:26

Nainappa sininna lunra'na iyaro olokolo'é harusu'i ritunu ri yasé'na mézbaé, pada-pada ri akkarobangeng pappasidamé. Makkuwaniro carana imangngé makkasuwiyangeng akkarobangeng untu' dosana séddié panguwasa, nariyaddampengeng matu iyaro tauwé ri Puwangnge.

ANGIMANGENG 4:29

Harusu'i napalénne limanna ri tompo ulunna iyaro olokolo'é, nainappa nagéré ri seddé manoranna mézba onrong maggéré olokolo untu' akkarobangeng ritunué.

ANGIMANGENG 4:31

Sininna lunra'na iyaro olokolo'é harusu'i riyala pada-pada akkarobangeng pappasidamé. Iyaro lunra'é harusu'i natunu imangngé ri yasé'na mézbaé, na baunna pésennangiwi atinna Puwangnge. Makkuwaniro carana imangngé makkasuwiyangeng akkarobangeng untu' dosana séddié tau polé ri ra'ya' biyasaé, nariyaddampengeng iyaro tauwé ri Puwangnge.

ANGIMANGENG 4:33

Harusu'i napalénne limanna ri tompo ulunna iyaro olokolo'é, nainappa nagéré ri seddé manoranna mézbaé, onronna maggéré olokolo untu' akkarobangeng ritunué.

ANGIMANGENG 4:35

Nainappa harusu'i riyala maneng lunra'na iyaro olokolo'é pada-pada ri akkarobangeng pappasidamé. Iyaro lunra'é harusu'i ritunu ri yasé'na mézbaé, silaong akkarobangeng inanré iya riyakkasuwiyangengngé lao ri Puwangnge. Makkuwaniro carana imangngé makkasuwiyangeng akkarobangeng untu' dosana tauwéro, nariyaddampengeng matu ri Puwangnge.

ANGIMANGENG 4:4

Iyaro sapingngé harusu'i natiwi ri sumpang Kémana Puwangnge. Harusu'i Imang Lompoé palénne'i limanna ri tompo ulunna iyaro olokolo'é, nainappa nagéré ri yolona Kémaé.

ANGIMANGENG 5:6

Sibawa untu' pakkamaja dosana, harusu'i tiwi sikaju bimbala iyaré'ga bémbé lai untu' Puwangnge. Imangngé harusu' makkasuwiyangengngi iyaro akkarobangngé kuwammengngi nariyaddampengeng dosana iyaro tauwé.

ANGIMANGENG 6:7

Imangngé makkarobangengngi untu' dosana iyaro tauwé, nariyaddampengeng matu ri Puwangnge.

ANGIMANGENG 8:14

Puranana malani Musa sikaju saping lai malolo untu' akkarobangeng paddampengeng dosa. Harun sibawa ana'-ana'na palénne'i limanna mennang ri yasé'na ulunna iyaro olokolo'é.

ANGIMANGENG 8:18

Nainappa Musa mala bimbala lai untu' akkarobangeng ritunu, nainappa Harun sibawa ana'-ana'na palénne'i limanna ri tompo ulunna iyaro bimbala'é.

ANGIMANGENG 8:22

Nainappa nala Musa iyaro bimbala lai sikajuéppa untu' akkarobangeng allantikeng imang. Harun sibawa ana'-ana'na palénne'i limanna mennang ri tompo ulunna iyaro bimbala'é,

ANGIMANGENG 9:7

Purananaro makkedani lao ri Harun, “Laono ri mézbaé sibawa passadiyai akkarobangeng paddampengeng dosaé sibawa akkarobangeng ritunué, kuwammengngi dosamu sibawa dosana umma'é naddampengengngi Puwangnge. Pogau'ni iyaro pada-pada iya napparéntangngé Puwangnge.”

ABBILANGENG 15:25

Nainappa harusu'i napogau' imangngé upacara paddampengeng dosaé untu' umma'é. Nariyaddampengeng matu mennang nasaba iyaro asalangngé dé' nattungkaiwi pogau'i, sibawa nasaba purani mennang tiwi akkarobangeng paddampengeng dosa nenniya akkarobangeng ritunu lao ri Puwangnge.

ABBILANGENG 15:28

Harusu'i imangngé pogau' upacara paddampengeng dosa ri yolona Puwangnge, kuwammengngi nariyaddampengeng dosana iyaro tauwé.

ABBILANGENG 25:13

Aléna sibawa wija-wijanna Upattette selaku imang untu' mannennungeng, nasaba makkuwamani patona pura méwai-Ka, Allataalana, sibawa pura pakangka pappasidamé untu' dosana tau Israélié.”

ABBILANGENG 8:10

Harusu'i umma'é palénne'i limanna mennang ri yasé'na ulunna sining tau Léwié,

ABBILANGENG 8:12

Nainappa harusu'i tau Léwié palénne'i limanna mennang ri tompo ulunna iya duwa saping laiéro; iya sikajué harusu'i riyakkasuwiyangeng untu' akkarobangeng paddampengeng dosa, naiya sikajuéssi untu' akkarobangeng ritunu. Nasibawang upacaraéro ripépaccingiwi tau Léwié.

ROMA 12:1

Saudara-saudara! Makessing senna'i Allataala lao ri idi. Iyanaro saba'na uwéllauwi sibawa masero kuwammengngi muwakkasuwiyangengngi aléna selaku séddi akkalarapangeng tuwo iya ripallaingngé untu' Allataala sibawa pésennangiwi atin-Na. Assompako lao ri Allataala harusu'i makkuwaro.

ROMA 3:25

Allataala makkarobangengngi Yésus Kristus kuwammengngi na amatén-Naro ripannessai tolinoé leppe'i polé ri asalangngé rékko mateppe'i mennang ri Aléna. Napogau'i Allataala makkuwaéro untu' mappaitangngi adéléken-Na. Saba' ri wettu labe'é sabbara'i Allataala lao ri dosa-dosana tolinoé, angkanna dé' nahukkungngi mennang.

ROMA 5:11

Nalebbi na iyaro, marennu tokki nasaba akessingenna Allataala naolai Puwatta Yésus Kristus. Saba' naolai Kristus, ripéneddingiwi makkekkuwangngé assisumpungetta iya madécéngngéro sibawa Allataala.

FILIPI 4:18

Purani utarima maneng – mala lebbi nagenne'é! Sininna pabbéré iya muwakkiringengngé lao ri iyya, purani utarima polé ri Epafroditus. Makkekkuwangngé uwappunnaini sininna iya uwapparelluwangngé. Sining pabbérémuro iyanaritu pada-padai bau mabau polé ri akkarobangeng iya riyakkasuwiyangengngé lao ri Allataala sibawa iya natarimaé Allataala sibawa masennang ati.

IBRANI 10:4

saba' mémeng dara sapingngé sibawa dara bémbé laié dé' naulléi leddai dosaé.

1 YOHANES 2:2

Naolai Yésus Kristus ritu nariyaddampengeng dosa-dosata. Natenniya dosa-dosata bawang, sangadinna dosanato sininna rupa tauwé.