ANGIMANGENG 1:3 - KITTA KAREBA MADECENG

³ Rékko iya riyakkasuwiyangengngé sikaju saping, iyaro olokolo'é harusu'i iya laié sibawa dé'é gaga sala-salanna. Iyaro sapingngé harusu'i natiwi ri sumpang Kémana Puwangnge, kuwammengngi natarimai Puwangnge iyaro tauwé.

ANGIMANGENG 1:3 ပူးပေါင်းရင်းမြစ်များ

KAJAJIYANG 22:13

Nainappa makkita Abraham ri seddéna nanaitani sikaju bimbala lai iya tassakkaé tanru'na ri laleng alekale'é. Nalani Abraham iyaro bimbala'é nanakkasuwiyangengngi lao ri Puwangnge selaku akkarobangeng ritunu passulléna ana'na.

KAJAJIYANG 22:2

Adanna Allataala, “Laono ri tana Moria sibawa Ishak, ana' tungke'mu, iya muwamaséi senna'é. Kuwaro, ri séddié bulu iya Ujellokengngékko matu, akkasuwiyangengngi ana'mu selaku akkarobangeng ritunu lao ri Iyya.”

KAJAJIYANG 22:8

Nappébali Abraham, “Aléna muto Allataala maélo passadiyai iyaro ana' bimbala'é.” Nainappa joppa matteru iya duwa.

KAJAJIYANG 8:20

Patettonni Nuh séuwa mézba untu' Puwangnge. Nalani sikaju polé ri tungke' rupanna manu'-manu'é sibawa olokolo laingngé iya hallala'é, nainappa nakkasuwiyangeng selaku akkarobangeng ritunu ri yasé'na mézbaéro.

2 TAWARIKH 29:32

Tiwii mennang 70 saping lai, 100 bimbala, sibawa 200 ana' bimbala nanakkasuwiyangengngi untu' akkarobangeng ritunu lao ri Puwangnge.

2 TAWARIKH 35:12

Tungke kalompo kaluwarga iya engkaé kuwaro lolongeng sikaju polé ri olokolo iya maéloé riyakkasuwiyangeng selaku akkarobangeng ritunu. Nanallalengiwi weddingngi mennang makkasuwiyangeng akkarobangeng situru peraturang iya tarokié ri laleng kitta Hukkunna Musa.

MAZMUR 110:3

Ri esso apolémmu sibawa akuwasang, ri bulu-bulu iya mapaccingngé, mallurui ra'ya'mu sibawa cenning ati. Pada-pada cinoddoé ri éléé, sining kalloloé poléi ri iko.

MAZMUR 40:8

Naumakkeda, “Iyya'naé, ri laleng kitta lulungngé tarokii untu' aléku:

ASSURENG 12:5

Weddikko pilé bimbala iyaré'ga bémbé, iyakiya harusu'i iya laié, umuru'na sitaung, sibawa dé'gaga sala-salanna.

ASSURENG 24:5

Nanasuroni Musa siyagangngaré kallolo, sibawa makkasuwiyangenni mennang akkarobangeng ritunu untu' Puwangnge enrengngé géré siyagangngaré saping untu' akkarobangeng pappasidamé.

ASSURENG 29:18

Akkasuwiyangeng manengngi iyaro bimbala laié ri yasé'na mézbaé untu' akkarobangeng ritunu. Baunna iyaro akkarobangengngé pésennangiwi atik-Ku.

ASSURENG 29:4

Suroi Harun sibawa ana'-ana'na lao ri sumpang Kéma-Ku sibawa bissaiwi aléna.

ASSURENG 29:42

Makkuwaniro untu' sininna wettué, iyaro akkarobangeng ritunué harusu'i riyakkarobangeng ri yolo-Ku ri sumpanna Kéma-Ku. Kuwaniro maélo-Ka siruntu sibawa umma'-Ku enrengngé mabbicara lao ri iko.

ASSURENG 32:6

Bajanana maélé senna'ni, sining tau Israélié tiwii siyagangngaré kajunna olokolo untu' akkarobangeng ritunu, sibawa siyagangngaré kajunnasi untu' akkarobangeng pappasidamé. Tudanni mennang manré sibawa ménung, nainappa tokkong untu' massennas-sennang.

ASSURENG 35:21

nanigi-nigi iya ripakédoé atinna, tiwii pakkasuwiyang lao ri Puwangnge untu' passakke'i Kémana Puwangnge. Natiwi towi mennang sininna iya riyapparelluwangngé untu' assompangngé sibawa bahang untu' pakéyanna imangngé.

ASSURENG 35:29

Sininna tau Israélié macenning atinna tiwii pakkasuwiyanna mennang ri Puwangnge untu' jama-jamang iya napparéntangngé Puwangnge naolai Musa.

ASSURENG 35:5

Tiwino pakkasuwiyang lao ri Puwangnge. Nigi-nigi ripakédo atinna, harusu'i makkasuwiyangeng ulaweng, péra' sibawa gessa;

ASSURENG 36:3

Riwérénni mennang ri Musa sininna iya nassumbangengngé tau Israélié untu' jama-jamang patettongngi Kémana Puwangnge. Iyakiya bangsa Israélié matteru mupi tiwii pakkasuwiyang lao ri Musa élé-élé.

ASSURENG 38:1

Malani Bézaleel aju akasia, nainappa naébbu mézba untu' akkarobangeng ritunué. Iyaro mézbaé massulapa'i, lampéna sibawa sakkana tungke'-tungke' 2,2 météré, sibawa tanréna 1,3 météré.

YESAYA 1:11

Makkedai Puwangnge, “Muwasengngi Upojiwi sininna akkarobangeng iya matteru-terué muwakkasuwiyangeng lao ri Iyya? Nagélléna sibawa sining bimbala akkarobangeng ritunummu sibawa lunra ana' sapimmu. Dara saping laié, bimbala'é sibawa bémbé'é dé' Upojiwi.

YEHEZKIEL 20:40

Saba' ri tana Israélié, ri coppo bulu-Ku iya mapaccingngé, iko maneng, bangsa Israélié sompa-Ka matu. Kuwaniro masennak-Ka matu lao ri iko sibawa tarimai sining akkarobangemmu, sining pakkasuwiyammu iya kaminang makessingngé nenniya sining pabbérému iya ripallaingngé.

YEHEZKIEL 40:39

Ri bili' battowaéro engka eppa méjang, duwa ri tungke benrénna. Ri yasé'na sining méjangngénnaro rilétta olokolo untu' akkarobangeng ritunué, iyaré'ga akkarobangeng pappaledda dosaé iyaré'ga akkarobangeng passullé arogingngé.

ANGIMANGENG 1:10

Rékko iyaro riyakkasuwiyangengngé sikaju bimbala iyaré'ga bémbé, iyaro olokolo'é harusu'i iya laié sibawa dé'é gaga sala-salanna.

ANGIMANGENG 14:10

Ri esso iya maaruwaé harusu'i iyaro tauwé tiwi duwa ana' bimbala' lai sibawa sikaju ana' bimbala' komba iya makkéumuru'é sitaung, iya dé'é gaga sala-salanna. Ri lainnaʻro telluto kilo labbu iya puraé ricampuru sibawa minnya zaitun nenniya tawatellubbang minnya zaitun.

ANGIMANGENG 16:7

Iya duwa kajunna bémbé lai polé ri umma Israélié harusu'i natiwi ri yolona sumpanna Kémana Puwangnge.

ANGIMANGENG 17:8

Rékko séddié tau Israélié iyaré'ga tau laing iya monroé mattette ri yelle'na tau Israélié makkasuwiyangeng akkarobangeng ritunu iyaré'ga akkarobangeng laing,

ANGIMANGENG 17:9

lao ri Puwangnge, harusu'i nakkasuwiyangeng ri yolona sumpang Kémana Puwangnge. Rékko makkasuwiyangngi ri onrong laingngé, dé'na nawedding riyangga anggota umma'na Allataala.

ANGIMANGENG 23:12

Ri esso muwakkasuwiyangenna iyaro gandongngé, harusu tokko makkasuwiyang untu' akkarobangeng ritunu sikaju ana' bimbala lai iya makkéumuru sitaungngé sibawa dé'é sala-salanna.

ANGIMANGENG 23:18

Nasibawang iyaro rotié harusu'i bangsa Israélié makkasuwiyangeng pitukkaju ana' bimbala iya makkéumuru sitaungngé, sikaju saping lai lolo sibawa duwakkaju bémbé. Tungke'-tungke' dé' nawedding engka sala-salanna sibawa harusu'i riyakkasuwiyangeng untu' akkarobangeng ritunu untu' Puwangnge, sibawa akkarobangeng ripatala enrengngé akkarobangeng uwai anggoro. Na iyaro akkarobangengngé napésennangiwi atinna Puwangnge.

ANGIMANGENG 3:1

Rékko séddié tau makkasuwiyangeng sikaju saping untu' akkarobangeng pappasidamé, iyaro sapingngé wedding lai, wedding komba, iyakiya dé' nawedding engka sala-salanna.

ANGIMANGENG 4:15

Sining pamimping bangsaé harusu'i palénne'i limanna mennang ri tompo ulunna olokolo'éro, nainappa nagéré ri onrongngéro.

ANGIMANGENG 4:23

namaingekinna muwa, harusu'na makkarobangeng sikaju bémbé lai iya dé'é gaga sala-salanna untu' paddampengeng dosa.

ANGIMANGENG 4:3

Rékko Imang Lompoé madosa, angkanna maccowé towi bangsa Israélié pasala, harusu'i makkasuwiyangeng sikaju saping lai malolo iya dé'é sala-salanna lao ri Puwangnge kuwammengngi nariyaddampengeng dosana.

ANGIMANGENG 4:32

Rékko séddié tau makkarobangeng sikaju bimbala untu' paddampengeng dosana, iyaro bimbala'é harusu'i komba sibawa dé'é gaga sala-salanna.

ANGIMANGENG 5:15

Rékko séddié tau dé' nattungkaiwi pogau' dosa nasaba takkalupai ri laleng mabbéréyangngi sining pakkasuwiyanna iya riwajikengngé untu' Puwangnge, iyaro tauwé harusu'i tiwi akkarobangeng passullé aroging. Iyaro akkarobangngé harusu'i sikaju bimbala iyaré'ga bémbé lai iya dé'é gaga sala-salanna, sibawa riyangke situru ellinna iya ripatakkennaé ri Kémana Puwangnge.

ANGIMANGENG 5:18

Untu' akkarobangeng passullé arogingngé harusu'i tiwi sikaju bimbala iyaré'ga bémbé lai iya dé'é gaga sala-salanna sibawa riyangke'i situru ellinna iya ripatakkennaé ri Kémana Puwangnge. Imangngé makkarobangengngi untu' dosana iyaro tauwé, nariyaddampengeng matu ri Puwangnge.

ANGIMANGENG 6:2

Séddié tau harusu'i makkasuwiyangeng akkarobangeng rékko madosai lao ri Puwangnge nasaba dé' namaélo palisui barang iya ripaddettangiyéngngi ri pada-padanna, iyaré'ga bengnguwangngi tauwé, ménnauwi baranna, iyaré'ga lolongengngi barang iya teddéngngé, iyakiya nassakkarengngi sibawa mattanro.

ANGIMANGENG 6:8

Puwangnge suroi Musa

ANGIMANGENG 7:16

Rékko séddié tau tiwi akkarobangeng pappasidamé untu' rupaiwi jancinna, dé' naparellu riyanré maneng iyatoro essoé. Bagiyang lebbinna weddingngi riyanré pappa bajana.

ANGIMANGENG 8:18

Nainappa Musa mala bimbala lai untu' akkarobangeng ritunu, nainappa Harun sibawa ana'-ana'na palénne'i limanna ri tompo ulunna iyaro bimbala'é.

ANGIMANGENG 9:2

Nakkeda Musa lao ri Harun, “Alano sikaju saping lai malolo sibawa sikaju bimbala lai, iya duwa dé'gaga sala-salanna. Akkasuwiyangengngi iya duwa olokolo'éro lao ri Puwangnge, saping laié untu' akkarobangeng paddampengeng dosa, sibawa bimbala laié untu' akkarobangeng ritunu.

ZAKHARIA 13:7

Makkedai Puwang Iya Pommakuwasaé, “Tokkonno, éh peddang, sibawa gasani pakkampi iya mappallaungengngék-Ka! Unoi, natassiya-siya matu sining bimbala'é. Maélo-Ka gasai umma'-Ku,

MALEAKHI 1:14

Tattanroi topabbelléng iya makkasuwiyangengngé lao ri Iyya olokolo iya dé'é angke'na, rékko ri yelle'na olokolo'na engka olokolo makessing iya puraé najjanciyang lao ri Iyya! Saba' Iyya ritu Arung Maraja, sibawa ripakalebbi ri sininna bangsaé.”

ABBILANGENG 15:3

Untu' akkarobangeng ritunué iyaré'ga akkarobangeng pappaleppe tinja'é iyaré'ga akkarobangeng cenning atié iyaré'ga akkarobangeng ramé-ramé biyasaé, weddikko makkasuwiyang lao ri Puwangnge: saping lai, bimbala lai, bimbala iyaré'ga bémbé. Baunna iyaro sining akkarobangngé pésennangiwi atinna Puwangnge.

ABBILANGENG 15:8

Rékko iyaro riyakkarobangngé sikajui saping lai untu' akkarobangeng ritunu iyaré'ga akkarobangeng pappaleppe tinja iyaré'ga akkarobangeng pappasidamé,

ABBILANGENG 19:2

untu' mabbéréyangngi iyaé sining peraturangngé lao ri bangsa Israélié: Alano sikaju saping komba macella'é iya dé'é gaga sala-salanna sibawa iya dé'éppa naengka naripaké mappallaung.

ABBILANGENG 23:19

Allataala dé' napada-pada tolinoé iya magampangngé massesse kalé sibawa napoji mabbellé. Rékko majjanciwi Allataala, pasti Narupai! Rékko mabbicarai, tentu kajajiyangngi!

ABBILANGENG 23:27

Nakkeda Balak, “Laono mai talao ri onrong laingngé. Nigana missengngi naleppessakko Allataala tanroingekka Israélié ri onrongngéro.”

ABBILANGENG 23:3

Nainappa makkeda Biléam lao ri Balak, “Tettonno ri seddéna akkarobangeng ritununna Puwakku. Naulao mitai aga maéloiga Puwangnge méwaka sita iyaré'ga dé'. Upowadappi matti sininna iya napowadangngékka Puwangnge.” Nalaona Biléam alé-aléna ri coppo'na séddié bulu-bulu,

ABBILANGENG 23:30

Napogau'ni Balak pada-pada iya napowadaé Biléam. Makkarobangenni sikaju saping lai sibawa sikaju bimbala lai ri yasé'na tungke' mézbaéro.

ABBILANGENG 28:11

Ri pammulanna tungke' uleng harusu'i riyakkasuwiyangeng lao ri Puwangnge akkarobangeng ritunué maddupa duwakkaju saping lai lolo, sikaju bimbala lai, pitukkaju ana' bimbala lai makkéumuru sitaung, tungke'-tungke' iya dé'é gaga sala-salanna.

ABBILANGENG 28:19

Akkasuwiyangengngi lao ri Puwangnge akkarobangeng ritunué maddupa duwakkaju saping lai lolo, sikaju bimbala lai, sibawa pitukkaju ana' bimbala lai makkéumuru sitaung, tungke'-tungke' iya dé'é gaga sala-salanna.

ABBILANGENG 28:31

Iyaro sining akkarobangengngé silaong akkarobangeng anggoro'na sinrupai pattamba ri akkarobangeng ritunu esso-essoé sibawa akkarobangeng ripatalaé.

ABBILANGENG 29:13

Ri esso mammulangngé akkasuwiyanno lao ri Puwangnge akkarobangeng ritunu maddupa seppulo tellu kajunna saping lai lolo, duwakkaju bimbala lai lolo, sibawa seppulo eppa kajunna ana' bimbala lai makkéumuru sitaung, tungke'-tungke' iya dé'é gaga sala-salanna. Baunna iyaro akkarobangengngé pésennangiwi atinna Puwangnge.

ABBILANGENG 29:2

Akkasuwiyangenno lao ri Puwangnge akkarobang ritunu maddupa sikaju saping lai lolo, sikaju bimbala lai, sibawa pitukkaju ana' bimbala lai makkéumuru sitaung, tungke'-tungke' iya dé'é gaga sala-salanna. Baunna iyaro akkarobangngé pésennangiwi atinna Puwangnge.

LUKAS 1:35

Nappébali iyaro Malaéka'é, “Poléi matu Rohna Allataala ri iko, sibawa akuwasanna matu Allataala salipuriko. Iyanaro saba'na ana' iya mujajiyangngé matu riyasengngi matu Mapaccing, Ana'na Allataala.

YOHANES 1:36

Wettunna naita Yésus lalo, makkedani, “Itai! Iyanaro Ana' Bimbala'na Allataala.”

YOHANES 10:7

Nainappa makkeda Yésus siseppa, “Tongeng senna' adak-Kué: Iyya'na tange' untu' bimbala'é.

YOHANES 10:9

Iyya'na tange'. Niga muttama' lalo ri Iyya salama'i matu; massu muttama'i sibawa lolongeng anré.

2 KORINTUS 8:12

Rékko macennikko mabbéré, natarimai matu Allataala iyaro pabbérému situru aga iya engkaé ri iko, dé' nasituru' aga iya dé'é naengka ri iko.

2 KORINTUS 9:7

Tungke' tau harusu'i mabbéré manuru' cenning atinna. Aja' nabbéré sibawa tabbata-bata iyaré'ga nasaba tarapassa, saba' Allataala mamaséiwi tau iya mabbéré sibawa masennang ati.

EFESUS 2:18

Naolai Kristus, idi maneng – muwi tau Yahudi iyaré'ga tau tenniyaé Yahudi – polé ri Rohna Allataala iya séddié, weddingngi maddeppériwi Ambo'é.

EFESUS 5:27

Narimakkuwannanaro naébbui Kristus iyaro jema'é tettong sibawa maraja enrengngé mapaccing ri yolona, sibawa dé'gaga akurangenna iyaré'ga cellana muwi aga.

ULANGENG 12:27

Akkarobangeng ritunué sibawa akkarobangeng iya riyanré jukuna harusu'i riyakkasuwiyangeng ri yasé'na mézbana Puwang Allataalamu sibawa darana ritiri'i ri yasé'na mézbaéro.

ULANGENG 15:21

Iyakiya rékko sala-salangngi iyaro olokolo'é, ébara'na képpangngi iyaré'ga buta iyaré'ga sala-salang maladde laingngé, dé' nawedding muwakkasuwiyangeng lao ri Puwang Allataalamu.

ULANGENG 17:1

Aja' muwakkasuwiyangeng saping iyaré'ga bimbala iya sala-salangngé lao ri Puwang Allataalamu, nasaba nacéccéi.

IBRANI 7:26

Jaji, Yésusnaro ritu Imang Lompo iya tapparelluwangngé. Mapaccingngi: ri Aléna dé'gaga asalang iyaré'ga muwi dosa aga. Ripallaingngi polé risining tau madosaé, sibawa ripaénré'i lettu ri onrong iya lebbi matanré polé ri sininna langié.

IBRANI 9:14

Nah, rékko dara sibawa awuéro naulléi pépaccingiwi anajisikenna sining tauwéro, apalagi darana Kristus! Naolai Roh iya mannennungengngé, nakkasuwiyangengngi Aléna lao ri Allataala selaku akkarobangeng iya sukkué. Dara-Na pépaccingiwi atitta polé ri upacara agamaé iya dé'é nakkéguna, kuwammengngi weddikki tumaningiwi Allataala iya tuwoé.