ANGIMANGENG 1:14 - KITTA KAREBA MADECENG

¹⁴ Rékko iya nakkasuwiyangengngé sikajuwi manu'-manu', harusu'i iyaro manu'-manu'é bekku iyaré'ga jangang-jangang maloloé.

ANGIMANGENG 1:14 ပူးပေါင်းရင်းမြစ်များ

KAJAJIYANG 15:9

Nappébali Puwangnge, “Alak-Ka sikaju saping komba, sikaju bémbé komba sibawa sikaju bémbé lai, tungke'-tungke' makkéumuru telluttaung, sibawa sikajuto bekku sibawa sikaju jangang-jangang.”

ANGIMANGENG 12:8

Rékko iyaro makkunraié dé' naulléi passadiya sikaju ana' bimbala, harusu'i tiwi duwak-kaju jangang-jangang lolo iyaré'ga bekku lolo: sikaju untu' akkarobang ritunu sibawa sikaju untu' akkarobang paddampengeng dosa. Harusu'i imangngé napogau' upacaraé untu' leddai anajisikenna iyaro makkunraié, namancaji mapaccing.

ANGIMANGENG 5:10

Purairo nakkasuwiyangenni imangngé manu'-manu' iya maduwaé untu' akkarobangeng ritunu, situru sibawa peraturangngé. Makkuwaniro carana imangngé makkasuwiyangengngi akkarobangeng untu' dosana iyaro tauwé, nariyaddampengeng matu ri Puwangnge.

ANGIMANGENG 5:11

Rékko tau iya pasalaé dé' namampu passadiya sipasang bekku iyaré'ga jangang-jangang untu' akkarobangeng paddampengeng dosa, harusu'i tiwi sikilo labbu. Iyaro labbu'é dé' nawedding ricampuru minnya zaitun iyaré'ga nasibawang kamennyang, saba' iyaro akkarobangngé iyanaritu akkarobang paddampengeng dosa na tenniya akkarobangeng ripatala.

ANGIMANGENG 5:7

Iyakiya rékko tau iya pasalaé dé' namampu passadiya bimbala iyaré'ga bémbé untu' mpajai dosana, harusu'i tiwi sipasang bekku iyaré'ga jangang-jangang lolo, sikaju untu' akkarobangeng paddampengeng dosa, sibawa sikaju untu' akkarobangeng ritunu.

MATIUS 11:29

Accowériwi parénta-Ku sibawa agguruno ri Iyya. Saba' Iyya'é malemma kininnawaka, namatakka matu péneddimmu.

MATIUS 21:12

Nainappa muttama'ni Yésus ri Bolana Puwangngé, nanarukkai sining tau mabbalu'-balué sibawa mangelliyé kuwaro. Nabalé'i méjanna passélé dowié, sibawa bangko-bangkona pabbalu jangang-jangangngé.

LUKAS 2:24

Akkattanato mennang maéloi makkasuwiyangeng akkarobangeng, iyanaritu sipasang bekku iyaré'ga duwakkaju jangang-jangang malolo, pada-pada iya ripattentué ri laleng Hukkunna Puwangngé.

2 KORINTUS 8:12

Rékko macennikko mabbéré, natarimai matu Allataala iyaro pabbérému situru aga iya engkaé ri iko, dé' nasituru' aga iya dé'é naengka ri iko.

IBRANI 7:26

Jaji, Yésusnaro ritu Imang Lompo iya tapparelluwangngé. Mapaccingngi: ri Aléna dé'gaga asalang iyaré'ga muwi dosa aga. Ripallaingngi polé risining tau madosaé, sibawa ripaénré'i lettu ri onrong iya lebbi matanré polé ri sininna langié.