ANGIMANGENG 1:11 - KITTA KAREBA MADECENG

¹¹ Iyaro tauwé harusu'i nagéré iyaro olokolo'é ri seddé manoranna mézbaé, nainappa sining imangngé harusu mabbolorengngi darana ri iya eppa benrénna mézbaé.

ANGIMANGENG 1:11 ပူးပေါင်းရင်းမြစ်များ

ASSURENG 24:6

Sibagiyang polé ri dara sapingngéro nalani Musa nanatiri'i ri laleng katowang-katowangngé. Sibagiyassi natiri'i ri yasé'na mézbaé.

ASSURENG 40:22

Nainappa nataro Musa méjangngé ri laleng Kémaé, ri bagiyang manoranna ri seddé saliwenna kaingngé,

YEHEZKIEL 43:18

Makkedai Puwang Iya Pommatanré lao ri iyya, “Eh tolino dé'é namannennungeng, éngkalingai ada Upowadaé lao ri iko. Rékko tépuni iyaro mézbaé, harusu'ko résmikangngi sibawa mattunu akkarobangeng ri yasé'na nenniya meppikiwi sibawa dara akkarobangeng.

YEHEZKIEL 8:5

Makkedai Allataala lao ri iyya, “Eh tolino dé'é namannennungeng, akkitano lao ri manorang.” Turuna, na ri seddéna mézba ri laleng muttama'é, uwitai barahala iya puraé paénré'i caina Allataalaro.

ANGIMANGENG 1:5

Nainappa iyaro sapingngé harusu'i rigéré ri yolona sumpanna Kémaé. Darana harusu'i nakkasuwiyangeng sining imang wijanna Harun lao ri Puwangnge, nainappa nabboloreng ri iya eppa benrénna mézbaé ri yolona sumpanna Kémaé.

ANGIMANGENG 14:13

Iyaro ana' bimbala'é harusu'i rigéré ri onrong iya ripallaingngé untu' maggéré olokolo untu' akkarobangeng paddampeng dosaé sibawa akkarobangeng ritunué. Iyaro bimbala'é harusu'i rigéré kuwaro nasaba akkarobangeng passullé arogingngé sibawa akkarobangeng paddampengeng dosaé iyanaritu mapaccing senna'i sibawa mancajiwi bagiyanna imangngé.

ANGIMANGENG 4:29

Harusu'i napalénne limanna ri tompo ulunna iyaro olokolo'é, nainappa nagéré ri seddé manoranna mézba onrong maggéré olokolo untu' akkarobangeng ritunué.

ANGIMANGENG 6:25

mpéréngngi Harun sibawa ana'-ana'na iyaé sining peraturangngé passalenna akkarobangeng paddampeng dosaé. Olokolo untu' akkarobangeng paddampeng dosaé harusu'i rigéré ri onrong maggéré olokolo untu' akkarobangeng ritunué. Iyaro akkarobangngé mapaccing senna.

ANGIMANGENG 7:2

Olokolo untu' akkarobangngé harusu'i rigéré ri onrong aggéréreng olokolo untu' akkarobangeng ritunué, nainappa darana riyabboloreng ri iya eppa benrénna mézbaé.

ANGIMANGENG 8:19

Musa géréi iyaro bimbala'é sibawa mabbolorengngi darana ri iya eppa benrénna mézbaé.